بتحب تاكل سمك فى اسكندرية بتاكل عند مين؟؟؟

**aboelnagah** · 14-08-2009 12:06 AM

علشان خاطرى بقا بطلوا كلام عن السمك لانى بجد بتعب لما بسمع سيرة السمك انا مدمن اسماك

حــــــــــــــــــــــــ رررررررررررررررررررررام

انا دايس فى كل حتة حودة جندل شعبان وحتى حلقة السمك

**maka** · 14-08-2009 12:13 AM

بلبع وبعتبره من محلات غسيل المعدة

**SHNORY** · 14-08-2009 12:40 AM

انا ليا استفسار في موضوع السمك المجمد ده او الجمبري المجمد اللي عند جوندول

هي المطاعم التانيه اخر النهار بيرموا السمك تاني في البحر ؟؟؟؟
ولا بيحطوه في التلاجه ؟؟؟؟
محدش يقلق يا رجاله كله يقول بسم الله وياكل
انا سمعت عن ناس جالهم تسمم عند بلبع ومسمعتش عد حد جاله تسم من عند المطاعم المتواضعه

**ah-gawad** · 14-08-2009 05:38 PM

المشاركة الأصلية كتبت بواسطة samoevil911

بص يا باشا .. خدها نصيحة من اسكندراني بقي ..
اولا حوده جندل سمك متلج بيديك كمية يعني 35 جنية وجبة فيها كل اللي انت عيزه .. دا فيها شربة جمبري .. فالجودة مش اوي بصراحة بس كطعم ممكن متفرقش معاك

عايز مطاعم رخيصة وحلوة يبقي بحري

عايز مطعم علي زوقي .. زفير ..ودا في المكس .. كتير مش بيعرفوا لأنه يعتبر نوعا ما بعيد عن البلد بس القاهروية اللي بيجو العجمي غالبا مش بيكلوا غير عندوا لأنه قريب اوي من فتحت الطريق السريع ..
دا بقي .. اسعاره كويسة يعني ارحم من قدورة بكتير وجودة اعلي منه .. لأنه بيجيب السمك من الميه عليك هو اصلا المطعم علي بحر المكس.. لو رحت عنده خد بالك من العربيات اللي ركنه سعتها هتعرف جودته..

حقيقي ذوقك تمام و ميه ميه فعلا زفير ملوش حل كل عنده اي حاجة تخطر علي بالك هتطلع ممتازة و متفكرش في السعر لان بجد اسعاره معقولة جدا بالنسبة لسمك طازة و زي الفل يا ريت حد يجرب عندة الدنيس الصينية و شوربة السي فود و يدعيلي

**ah-gawad** · 14-08-2009 05:47 PM

المشاركة الأصلية كتبت بواسطة shnory

انا ليا استفسار في موضوع السمك المجمد ده او الجمبري المجمد اللي عند جوندول

هي المطاعم التانيه اخر النهار بيرموا السمك تاني في البحر ؟؟؟؟
ولا بيحطوه في التلاجه ؟؟؟؟
محدش يقلق يا رجاله كله يقول بسم الله وياكل
انا سمعت عن ناس جالهم تسمم عند بلبع ومسمعتش عد حد جاله تسم من عند المطاعم المتواضعه

لا يا باشا اكيد فيه فرق بين سمك طازة اتحط في الثلاجة يوم و بين سمك مجمد جاي من اخر الدنيا بقاله شهور مجمد و اتفك و اتجمد 100 مرة في المواني ده طبعا بخلاف ضمير المستورد اللي ممكن يستورد اي حاجة بتعوم في المياه علي انها سمك

**Lord_Fouad** · 14-08-2009 06:02 PM

المشاركة الأصلية كتبت بواسطة hossamdoaaaa

ميه ميه على المعلومات الكتيرة ديه ....... طيب عندى سؤال زفير اخبارة ايه فى الاسعار ؟؟؟ والطلبات عنده ازاى بالكيلو ولا بالطلب ؟؟؟

سعادتك بتروح تنقي بنفسك السمك و الجمبري اللي انت عايزه (طبعا جوة المحل) .. بالوزن اللي انت عايزه .. و تطلب باقي الطلب بتاعك .. يعني رزك و سلاطاتك و باباغنوجك .. و لو عايز حلو تطلب .. لو عايز شيشة تطلب ... بالنسبة للاسعار بقى .. انا كنت هناك من اسبوعين ثلاتة كدة كان الجمبري الجامبو بـ 220 جنيه الكيلو و الوسط كان بــ 120 جنيه .. بس صدقني يستاهلوا .. و شوربة السي فود بــ 24 جنيه ... و ادعيلي

**zyadahmed** · 14-08-2009 07:05 PM

مطعم راقودة على الكورنيش فى الشاطبى رائع واستيل بس غالى

**hossam_elwani** · 15-08-2009 02:52 PM

انا رحت عند زفير وفعلا ممتاز فى الاكل وجودة السمك وكمان القاعدة على البحر هيا نص طعامة الاكل فعلا روعة بس فى حاجة غريبة لقيتها فى عرف المحل ازاى السلطات والرز بيتحاسب عليهم زيهم زى السمك
المفروض انها قاعدة السلطات والرز بالذات اساسى من غير ما تطلبه مع السمك!!

**aliabutaleb** · 15-08-2009 07:57 PM

المشاركة الأصلية كتبت بواسطة zyadahmed

مطعم راقودة على الكورنيش فى الشاطبى رائع واستيل بس غالى

فعلاً ناس كتير جربته وشكّرت فيه أوي
و على أد ما شكّروا على أد ما اشتكوا من أسعاره

أنا شفت حلقة من برنامج أكلات عباس السرية على قناة فتافيت صورها هناك وكان الأكل شكله راااائع

الموضوع: بتحب تاكل سمك فى اسكندرية بتاكل عند مين؟؟؟

LinkBack

أدوات الموضوع

عرض

-

-

-

-

-

المواضيع المتشابهه

تاكل وش السلندر

اسباب تاكل الزيت

تاكل وش سليندر....

تاكل الكاوتش

تحب تاكل إيه النهاردة

الكلمات الدلالية لهذا الموضوع

المفضلات

المفضلات

ضوابط المشاركة