عملت حادثة بالـ205 .... ارجو المساعدة

**saint** · 12-08-2009 10:11 AM

السلام عليكم ورحمة الله وبركاته
عملت حادثة بالبيجو 205 ... دخلت فى رصيف وكنت على 100 او 110
وطبعا غيرت كل العفشة
مقصات استعمال
ركبتين كاملين استعمال
ودنجل خلفى استعمال
جوز كبالن استعمال
وكمان 2 جنط اتفرتكو
المشكلة بقي تتمثل فى الاتى :-
1- العربية مش مظبوطة فى الملفات ... بتعوم وتحس انها هاتتكفى او تتقلب على جنبها
علما بان فيه جنب عالى (اليمين) والتانى اوطى منه بحوالى 5 او 6 سنتى وافتكرت ان الجناب اللى فيها مشكلة فغيرتهم والمشكلة زي ما هيا بعد التغيير كمان وكمان فيه نقطة تانى السوست اللى كانت راكبة قبل الحادثة سبع لفات واللى انا جبتهم ست لفات وبرضة بتاعة البيجو 205 وهما انعم وطرية فى المطبات
2- لما اقرص واجرى بيها شوية العربية تحدف يمين طول ما الموتور هوه اللى بيسحبها ولما اسيبها تجرى وادوس دبرياج واسيبها تجرى لوحدها تحدف شمال من غير ما الطارة تتحرك سنتى واحد (واللهى انا كمان مستغرب زيكم من اللى بحكيه ده ... بس ده اللى بيحصل )
انا حاسس ان الشاسية اتعوج او اتلوح من الناحية المرفوعة
كنت عاوز اعرف شوية حاجات
1 - هل السوست الناعمة تعوم العربية؟
2 - هل الشاسية لو فيه لوحة ... يستعدل ازاى وعند مين؟
3 - ايه سبب عومان العربية في الملفات ؟
انا طولت عليكم بس انا عشمى فيكم كتير
ارجو المساعدة يا جماعة انا ماليش بعد ربنا غيركم
وربنا يكفيكم شر الحوادث

**harphosh** · 12-08-2009 12:06 PM

الف حمد لله على سلامتك
رأئى الشخصى ان حدبتاع زوايا يكشف على العربية ومقاساتها أول حاجة وبعدين هتظهر المشكلة
ابدأ بالزوايا .

**zeeeez** · 12-08-2009 12:35 PM

الف سلامة عليك يا باشا و الحمد لله انك بخير
انا معلش مش حقدر اساعدك قوى لانى لسه جايب العربية دى و معرفتش لسه مشاكلها
بس كنت عاوز منك خدمة
انت جبت قطع غيارها من عند مين و لو تعرف ميكانيكى كويس بيفهم فيها يا ريت تدلنى علية عشان انا روحت ل 3 ميكانيكية و مش مقتنع بيهاز و تقريبا كده اتخنقت منها....هيه كمان فيها مشكلة ان موتورها خفيف فلو حد يعرف اجيبلها موتور كويس منين ؟ و يعمل كام ؟؟

**the-hero** · 15-08-2009 01:38 AM

المشاركة الأصلية كتبت بواسطة saint

السلام عليكم ورحمة الله وبركاته
عملت حادثة بالبيجو 205 ... دخلت فى رصيف وكنت على 100 او 110
وطبعا غيرت كل العفشة
مقصات استعمال
ركبتين كاملين استعمال
ودنجل خلفى استعمال
جوز كبالن استعمال
وكمان 2 جنط اتفرتكو
المشكلة بقي تتمثل فى الاتى :-
1- العربية مش مظبوطة فى الملفات ... بتعوم وتحس انها هاتتكفى او تتقلب على جنبها
علما بان فيه جنب عالى (اليمين) والتانى اوطى منه بحوالى 5 او 6 سنتى وافتكرت ان الجناب اللى فيها مشكلة فغيرتهم والمشكلة زي ما هيا بعد التغيير كمان وكمان فيه نقطة تانى السوست اللى كانت راكبة قبل الحادثة سبع لفات واللى انا جبتهم ست لفات وبرضة بتاعة البيجو 205 وهما انعم وطرية فى المطبات
2- لما اقرص واجرى بيها شوية العربية تحدف يمين طول ما الموتور هوه اللى بيسحبها ولما اسيبها تجرى وادوس دبرياج واسيبها تجرى لوحدها تحدف شمال من غير ما الطارة تتحرك سنتى واحد

(واللهى انا كمان مستغرب زيكم من اللى بحكيه ده ... بس ده اللى بيحصل )
انا حاسس ان الشاسية اتعوج او اتلوح من الناحية المرفوعة
كنت عاوز اعرف شوية حاجات
1 - هل السوست الناعمة تعوم العربية؟
2 - هل الشاسية لو فيه لوحة ... يستعدل ازاى وعند مين؟
3 - ايه سبب عومان العربية في الملفات ؟
انا طولت عليكم بس انا عشمى فيكم كتير
ارجو المساعدة يا جماعة انا ماليش بعد ربنا غيركم
وربنا يكفيكم شر الحوادث

السوست ملهاش علاقة بالتعويم لو الشسية فى لوحة سمكرى تمام هيضبطهالك على زراجين
سبب العومان من راى زى ماستاز محمد قال ضبط زوايا فى الاول
ترصيص كاوتش والجنوط
مع الكشف على لوحه الشسية وكله ان شاء الله هيبقى تمام والف حمد الله على سلامتك
واللى يجى فى الفلوس سهل

**playeeer_fishooo** · 15-08-2009 03:48 AM

المشكلة عندك ممكن تكون فى كذا حاجة ...نبدا بالسهل وبعدها الصعب ..

1-زوايا العربية .... حضرتك تروح لراجل بتاع زوايا كمبيوتر وتخليه يعملها بالملى ....

2-عيب فى الاسكاترة بعد الخبطة .... حضرتك تروح لعفشجى كويش يشوفها محتاجة تتغير ولا تروح للمخرطة .. لانها من الالومنيوم وممكن تكون اتاكلت مع الخبطة وهى دى سبب الحدفة بتاعت العربية ..

3- الكبالن المستعملة .... ممكن تخلى حد يكشف لك عليها ... هى مهما كان بردوا مستعملة ..

4- اخر حاجة تشوف حد يعرف يقيس شاسية العربية ....

ارجو اكون افدتك ... الف سلامة عليك ....