عملت حادثة بالـ205 .... ارجو المساعدة

**saint** · 11-08-2009 02:22 PM

السلام عليكم ورحمة الله وبركاته
عملت حادثة بالبيجو 205 ... دخلت فى رصيف وكنت على 100 او 110
وطبعا غيرت كل العفشة
مقصات استعمال
ركبتين كاملين استعمال
ودنجل خلفى استعمال
جوز كبالن استعمال
وكمان 2 جنط اتفرتكو
المشكلة بقي تتمثل فى الاتى :-
1- العربية مش مظبوطة فى الملفات ... بتعوم وتحس انها هاتتكفى او تتقلب على جنبها
علما بان فيه جنب عالى (اليمين) والتانى اوطى منه بحوالى 5 او 6 سنتى وافتكرت ان الجناب اللى فيها مشكلة فغيرتهم والمشكلة زي ما هيا بعد التغيير كمان وكمان فيه نقطة تانى السوست اللى كانت راكبة قبل الحادثة سبع لفات واللى انا جبتهم ست لفات وبرضة بتاعة البيجو 205 وهما انعم وطرية فى المطبات
2- لما اقرص واجرى بيها شوية العربية تحدف يمين طول ما الموتور هوه اللى بيسحبها ولما اسيبها تجرى وادوس دبرياج واسيبها تجرى لوحدها تحدف شمال من غير ما الطارة تتحرك سنتى واحد (واللهى انا كمان مستغرب زيكم من اللى بحكيه ده ... بس ده اللى بيحصل )
انا حاسس ان الشاسية اتعوج او اتلوح من الناحية المرفوعة
انا طولت عليكم بس انا عشمى فيكم كتير
ارجو المساعدة يا جماعة انا ماليش بعد ربنا غيركم
وربنا يكفيكم شر الحوادث

**Medo007** · 11-08-2009 02:36 PM

حمدلله على سلامتك
وربنا يكفيك ويكفينا شر الحوادث
ان شاء الله الاعضاء يفيدوك

**x_gomgom** · 11-08-2009 02:44 PM

اولا الف سلامه عليك و فداك مليون عربيه...
على سرعه 100 دي عاليه جدا الحمد لله ان انت سليم انت غيرت جوز السوست بالمساعدين بتاعتهم ولا لا؟و هل الجوز نفس المقاس؟؟ لان ممكن دا يكون سبب العلو من ناحيه و انها تكون واطيه من ناحيه...
انت بعد الموضوع دا روح لحد بتاع زوايا و احكيله اللي حصل هو هيشوفلك الفروق في المسافه بين العجل و زواياه و هيشوفلك في عجل مقدم او مأخر و هيظبطها لو فيها ظبط لو منفعش وهو هيقولهالك يبقي غالبا العربيه الشاسيه اتعوج و هتحتاج تحل المكنه و القنطره و تشوف الحوض و القنطره ايه ظروفها و الشاسيه عامه من قدام...
بس لازم الاول حد بتاع زوايا نضيف يبصلك عليها عشان يقولك العيب فين بالظبط لان ممكن يكون الشاسيه سليم و العفشه اللي انت جبتها مستعمله دي سبب المشاكل كلها و غالبا علبه الدركسيون و مجموعته اتأثرت لانك بتقول انها بتحدف من غير ما الطاره تتحرك ...
الف سلامه عليك مره اخرى و ربنا يستر طريقك..
يا رب اكون افدت

**saint** · 11-08-2009 03:00 PM

الف شكر ليك يا Medo007
الف مليون شكر يا x_gomgom
والف مليون شكر وحمد لله
انا مش زعلان على حاجة الحمد لله ام انا تمام خصوصا انها لفت 360درجة مرتين ودخلت فى الرصيف ومش اتقلبت
اولا انا فعلا غيرت المساعدين زي ما قولت وبالسوست بتاعتهم والسرة والبلية والطنابير يعنى الركبة كلها غيرتها استيراد ولما لقيت الناحية عالية روحت رجعت الركب وجبت غيرهم والمشكلة زي ما هيا
ثانيا الركب كلها مقاس واحد فى البيجو 205
ثالثا بتاع الزوايا قالى ان فيه بس جنب عالى وظبط العجل ومقالش حاجة غير كده

**x_gomgom** · 11-08-2009 03:57 PM

المفروض لو ضبط الزوايا تمام و العفشه اللي جبتها سليمه متحدفش معاك لا يمين او شمال الا لو لا قدر الله الشاسيه او القنطره فيها حاجه .....
طيب روح لحد تاني و خليه يبصلك عليها و يقولك جنب عالى دا من ايه ولا ايه السبب و كمان حكايه ان العربيه بتحدف من غير الدركسون ما يتحرك دي تشكك جامد في مجموعه الدركسيون (علبه الدركسيون-طقم بارات)...
خلي برضه عفشجي يبصلك عليها من تحت و يشوف القنطره و قله اللي حصل و شوف ايه اللي فيها و اتـأكد بعينك عشان محدش يشتغلك لانها ممكن تكون حاجه سهله و يفتحوا معاك فتحه....
و الف الف سلامه عليك و فداك مليون عربيه ... ربنا يستر طريقك

**x_gomgom** · 11-08-2009 04:02 PM

و ابقى طمنا و قولنا ايه اللي حصل معاك

**aYaBooY** · 12-08-2009 02:21 PM

اولا حمد لله على السلامتك
ثانيا البيجو 205 يعتبر انها عربيتين مش واحدة قصدي ان من اول انتاجها 84 لحد 88 ديه عربية موتور مقلوب و فتيس بطيء نسبيا طبعا و غريبة في كل حاجة و الطفرة الي بعد 88 موتور ستروين و فتيس 5 سرعات عالي التجميع و فيه منها موديل gti و ده بينزل موتور 1900 سي سي للسبائات
انت اولا محتاج تروح لحد بتاع زوايا كويس عنده كمبيوتر و يشيك على ابعاد الشاسيه لو مظبوطة لو سليمة و طبعا كلنا نامل ذلك يبقي حضرتك تطلع على صنيعي يكون فاهم الفروق الي شرحتها الاول و يشيط ان الي راكب في العربية بتاعها مش من موديل تاني و برده ابقي طمنا
و يا ريت لو حد يشوفلك العربية عندك راشة دواخل ولا لا علشان العربية ديه نزلت اغلبها للشرطة و متبعش منها غير قليل اوي و طبعا خرج الشرطة تنساها اكيد هاتلاقيها بظرميط
و على فكرة العربية ديه لما جربتها مرة بجد تحفة عربية تتحب و ماشيها يهبل و كل حاجة فيها جميلة اوي و اعدت ادور على واحدة سليمة و سعرها كويس سنة كاملة بس ملقتش غير واحدة و صاحبها كان طالب عالي اوي وقتها