السلام عليكم جميعا يا احلى اعضاء لكيا في احلى منتدى ...
الحمد لله اخدت الاجازة والنهاردة اول يوم للعودة للعمل وبصراحة كانت رحلة انتقام واستجمام والواحد استمتع بصراحة بس كنت زعلان علشان كان نفسي احضر المقابلة وفعلا الرحلة دي اثبتت ان الواحد احسن الاختيار وكان فرصة لتجربة العربية وزيارة احد المدن الجميلة مرسى مطروح والعريش والواحد جرب العربية بتحميل وجو حار وتكييف وطرق مدغدغة والعربية بصراحة تقيمي ليها في الرحلة دي 10 على 10 وكانت فرصة تجربة العربية بكفاءة من كوبري السلام بعد الاسماعلية الى العريش الطريق مفتوح بلا ردار وفيه منحنيات خطرة مع انخفاض وارتفاع وبصراحة كنت مشغل التكييف وعايز اوصل لان الطريق طويل وماشي مابين 130 الى 170 كلم/ساعة على حسب ظروف الطريق ...بس حصل موقف غريب وانا في الساحل الشمالي ابن اخت المدام عمره سنتين ونص خد مفتاح العربية من والده بتاعي وفتح العربية ودخل فيها وراح قافل على نفسه ونحاول معاه انه يفتح وده حلف ما هو فاتح واكتر من تلت ساعة ابوه وامه وخالته وانا لغاية الولد بدء يفقد الوعي لان العربية مقفولة والولد بقى كله ميه وبينهج وساعتها قررنا ان نكسر الازاز الجانبي الخلفي علشان نطلعه وتم فعلا وانا كنت حزين بس طبعا حياة الولد اهم وفي 60 داهية الازاز وتم كسره بعد 3 ضربات بمفتاح الانابيب وخرجناه وهو كان بيودع ...طبعا والده اصر على تركيب زجاج جديد ونزل للتوكيل في اسكندرية وتم تغيره ب 550 جنيه بصراحة انا شايف كتير بس هايعمل ايه الراجل مشكور عايز يرجع العربية لاصلها ودي خلتني احرم تاني اني ماخدش المفتاح الاحتياطي معايا ويا ريت تيخلوا بالكوا من النقطة دي واسف للاطالة ....وصباحكم عسل
المفضلات