الموضوع: التكيييييييييييف يا جماعه

سلام عليكم
اولا انا من الناس التى لا تثق ابدا باى ميكانيكى او صنايعى لانى واخد عنهم فكره الجشع و الاستغلال و عدم الضمير يا جماعه و ده لقيته فى معظم الصنايعيه بلاش اقول الكل عشان مظلمش حد

تصوروا يا جماعه انى اكون شاحن التكيييف بقالى شهر مثلا عند واحد طلب اغلى من اللى بره بالضعف و انا قلت يلا مش مشكله ما هو الغالى تمنه فيه و لكن بعد فتره لقيت التكيف كفاءته بقت تقل و مبيبردش الهوا و روحتله

تصوروا الحوار كان عامل ازاى

اولا بدا يقولى ان الكمبروسر كفاءته قلت و هنقيس كفاءته و لقيته عشان يقيس كفاءته بيقيسلى ضغط الفريوون المهم قلت ما علينا بلاش احرجه و بعدين لقيته بيقلى بص يا بيه العربيه كامله فريون و مش عايزه حاجه. كده بقه المشكله فى الكمبروسر و تروح تجيب واحد استيراد

ثانيا بعد كده قلى احنا ممكن نعمل محاوله نزود فريون و نعمل دوره غسيل ب 150 ج و نشحن تانى و الفريون اللى عندك ترميه اهوه احسن ما تجيب كمبروسر ب 700 (قال يعنى انا صعبان عليه و خايف عليا ابن .......)


طيب حد يقلى يا جماعه الكلام ده منطقى منين بيقول الكمبروسر كفاءته قليله و منين عايز يشحن تانى التكيف و ينصب عليا كمان فى 150 ج. طبعا بقول نصب لانى روحت لاكتر من واحد كلهم قالولى ان العربيه ناقصه فريون و ان اللى شحنلك هو السبب لانه يا اما محطش الكميه مظبوطه او انه مراجعش على البلف لانه ممكن يكون كان بيسرب


ايه رايكم بقه يا جماعه و ايه الحل برضه عشان لسه المشكله قائمه

اريد حلا

سيبك من النصاب ده علشان كده لو اشتغلك فى العربيه تانى ممكن فعلا يبوظلك الكمبروسر نفسه روح لمركز متخصص يظبطلك التكييف صح و يعوض عليك فى اللى دفعته للنصاب و ان شاء الله بعد ما التكييف يشتغل تمام وتتأكد ان العيب مش فى الكمبروسر يبقى عدى على النصاب و ( ارزعه كلمتين فى جنابه ) على الاقل تفشى غلك فيه الله يكون فى عونك