التكيييييييييييف!!

**playeeer_fishooo** · 03-09-2009 04:15 PM

السلام عليكم رمضان عليكم مبارك جميعا
انا كان عندي استفسار هو تكييف اللانوس بيفصل لما يوصل لدرجة الحرارة و لا لاء .... و لو الاجابة بلاء هل ينفع تركيب ترموثتات عشان يفصل ارجو الرد

**samirayad** · 03-09-2009 11:00 PM

انا كان عندي استفسار هو تكييف اللانوس بيفصل لما يوصل لدرجة الحرارة و لا لاء

لا

و لو الاجابة بلاء هل ينفع تركيب ترموثتات عشان يفصل ارجو الرد

لا

**Mosmafa** · 04-09-2009 12:34 AM

سمير باشا في كنسول تكييف اوتوماتيك بيركب
زي اللي في النوبيرا الكوري
فيه ترمو ستات بيفصل و يعلي ويوطي المروحة بالنسبة لدرجة الحرار
ممكن اسالكو عليه

**samirayad** · 04-09-2009 01:11 AM

حقول لحضرتك على حاجه
أيه اللى بيتحكم فى فصل ووصل الكمبروسور
وحدة التحكم طبعا .....
والحاله الوحيده اللى الوحده ممكن تفصل الكمبروسور ( لما ضغط الفريون يقل ) بناء عن عين وحدة التحكم فى مراقبة ضغط الفريون
وهو حساس ضغط الفريون ( اللى راكب على خط الضغط العالى للكمبروسور )
ولو ده حصل وأنت مشغل التكييف ( يعنى الكمبروسور فصل ) التكييف مش حيشتغل تانى ألا أما تشوف أيه العيب اللى حصل
هل الفريون هرب مثلا ....ولا الحساس باظ

فيه ترمو ستات بيفصل و يعلي ويوطي المروحة بالنسبة لدرجة الحرار

أما موضوع التحكم فى سرعة المروحه فده وضع تانى
وأعتقد أنك تقصد أن فيه حساس بيتحكم فى سرعة المروحه بناء على متغيرات معينه
بس ما أحنا عندنا التحكم فى السرعات بتاعة المروحه
أى المفتاح أبو أربع سرعات
يبقى مفيش داعى لأى تعديلات
وكده كده ....أنت بتتحكم فى السرعه بطريقه يدويه ( من خلال مفتاح سرعات المروحه ) حسب راحتك وأحتياجك لتدوير الهواء داخل الصالون

**Mosmafa** · 04-09-2009 01:29 AM

والله يا باشمهندس الموضوع اوتوماتيك
لاني عملت جميع التجارب والتحاليل على التكييف ده
بص يا باشا
الاول لو العربية سخنة من جوة بيخلي الهوا اللي شغال داير في العربية
عشان يبرده اسرع حاجة وبعيدن يقوم مقلل سرعة المروحة ويخلي الهوا اوتوماتيك جاي من برة
وانا دايما بظبط درجة الحرارة 21 واول ما بيعديها بيقفل الكمبرسور بدليل ان علامة ال ac بتروح
واول مال الحرارة تعلى جوة العربية يشغل من تاني

**samirayad** · 04-09-2009 01:42 AM

أنا مصدقك أن فيه أنظمة تكييف بتزود بحساسات كتير غير اللى عندنا
أنا حتى قريت أن فيه حساسات حراره
خاصه بدايرة التكييف
بتروح موديه أشاره لوحدة التحكم أن الحراره عاليه
ومن فضلك شغللى التكييف
فبتروح وحدة التحكم ملقطه الكمبروسور ومشغلاه أوتوماتيك بدون طلب السواق للتكييف
بس طبعا ده مينفعش مع دواير التكييف العاديه بتاعتنا
لأن الحاجه الوحيده اللى مشتركه مع وحدة التحكم بتاعتنا هو حساس ضغط الفريون
وبالتالى علشان أضيف حساسات وخلافه للتحكم فى تشغيل وتبطيل التكييف قصه كبيره
وحتحتاج تعمل شغل كبير وتعديلات ويمكن كنترول تانى للتحكم فى شغل الكمبروسور
فصعب أوى تلاقى فنى تكييف عندنا يعمل القصه دى
دا غير أن العمليه مكلفه
رفاهيه بقى ......وكله بتمنه

**playeeer_fishooo** · 04-09-2009 04:19 AM

هو الصوت التكه مع سماع صوت المحرك (علي) مش ده يعني ان الترموثات بتفصل و يشتغل تاني و انا شوفتها في عربية نيسان صني و لا ده المراوح بتتغير سرعتها اوتماتيكياا؟؟؟