الموضوع: ميجان ---- اوكتافيا a4 --- كلاكيت اخر مرة

معلش يا جماعة بس انا اليومين دول تقريبا مطحون شغل

نبدا المشوار انا العربية معايا من 2006 شاريها زيرو العربية دلوقتي عامله معايا 110 الف

العفشة مش هقدر احكم عليها كويس لاني انسان غبي في التعامل مع العفشة بجد يعني اربط عفشة واظبطها وتبقى العربية معايا اخر حلاوة ابدا ارزع فيها بمعنى كلمة ارزع طبعا تبدا تضيع مني بس عايز اقول اني بروح بالعربية في حتت والله العظيم لو حد شافها وشاف انا بسوق فيها ازاي ممكن ياخد مني العربية عشان اللي بعمله فيها ويقولي حرام عليك اعتقها ومع ذلك لسه مغير مساعدين من مافيش 15 الف كيلو والبركة في احمد عبد المقصود اللي اخدت منه المساعدين ولحد دلوقتي ما دفعتلوش تمنهم لاني مش عارف اشوفه والله اليومين دول خالص.

العربية ما شاء الله طول ما انا محافظ على الصيانة العربية ما بتعملش معايا دقات نقص الا لو انا اللي قسيت عليها.

الحاجة الوحيدة اللي مضيقاني منها واللي ما كنتش حاسس بيها وانا في السعودية هيا الجنوط طبعا بلادنا الحمد لله البلاعات فيها ارتفاعها من 5 متر ونص وانت طالع وبالتالي كل يومين ارشقلي في بلاعة والجنط يتني

انا لسه كنت بقول لوالدتي من يومين العربية دي حمالة قسية على اللي انا بعمله فيها لاني في بعض الاوقات بعتبرها عربية نص نقل وبحمل فيها حاجات

طبعا الامان واتزان العربية والفخامة مش هتكلم فيه لان محدش هيصدق كلامي الا لما يركبها ويسوقها بس كفاية كلمة قالها هاني قبل كده بتحس ان العربية بتكلمك من كام يوم خبط في طوبة والجنط اتعوج جدا والصامولة اللي موصله لكاليبر الفرامل من زي الفرامل فكت وسربت العربية نورت وكتبتلي ستوب ومنورالي لمبة الهاند بريك. ما اعتقدش في حاجة احسن من كده

عموما اللي محتاج يعرف عن العربية اكتر في اي وقت انا او اي حد من الوحوش حاضرين نوريله العربية

ربنا يطمنك يا ا/ محمد

افهم من كلامك ان العفشه بتحتاج تربيط باستمرار
انت عندك جنوط 16ً تفتكر العربيه لو بجنط عادي 15ً هيأثر في الثبات ولا مش هتفرق كتيير ؟؟؟

محمد مصطفى باشا مش عارف اشكرك ازاى,و الموضوع فعلن يحير عموما ربنا يلهمنى للصواب و اللى فيه خير ليا ان شاء الله

يا باشا انا بحتاج اربط عفشة كتير لاني عندي مزرعة في اسماعيلية وطريقها كله مدقات صعبة جدا جدا جدا وانا ما شاء الله عليا بمشي فيها كاني ماشي على طريق نعام فالطبيعي جدا انها تبقى كده لكن لو بتمشي بيها عادي لا مش محتاجه تربيط عفشة ولا حاجة

يعني ابسط حاجة واحد صاحبي معاه 128 راح معايا مرة المزرعة قالي اللي ركبك الميجان ظلمك لاني لا يمكن امشي بالاسلوب ده بال 128 في الطريق ده ما بالك انت سايق ميجان وبتعمل كده

بس الاساس بتاعي اني لازم الصيانة الدورية اساسي تتعمل الكاوتش بتاعي بظبطه دايما غير كده والله فعلا مش محتاج

المشاركة الأصلية كتبت بواسطة mohammed moustafa

يا باشا انا بحتاج اربط عفشة كتير لاني عندي مزرعة في اسماعيلية وطريقها كله مدقات صعبة جدا جدا جدا وانا ما شاء الله عليا بمشي فيها كاني ماشي على طريق نعام فالطبيعي جدا انها تبقى كده لكن لو بتمشي بيها عادي لا مش محتاجه تربيط عفشة ولا حاجة

يعني ابسط حاجة واحد صاحبي معاه 128 راح معايا مرة المزرعة قالي اللي ركبك الميجان ظلمك لاني لا يمكن امشي بالاسلوب ده بال 128 في الطريق ده ما بالك انت سايق ميجان وبتعمل كده

بس الاساس بتاعي اني لازم الصيانة الدورية اساسي تتعمل الكاوتش بتاعي بظبطه دايما غير كده والله فعلا مش محتاج

ربنا يباركلك فيها ويحفظك ويحفظها من كل سوء

ايوه كده يا راجل شجعنا

ده انا سمعت كلام من يوم فكرت فيها ..... خلاني كرهت نفسي مش العربيه :)

كده يبقى انها الحرب ...