الموضوع: ما هو رأيك فى النيسان صنى المجمعة محليا؟

و الله التجميع المصري مظلوم .........و أنا شايف إن مصنع نيسان ده من أحسن مصانع التجميع في مصر
هو بس علشان الناس خايفة من العفريت ......... فالعفريت بيطلع

إنما لو العفريت طلع في أي عربية مستوردة ......... بتبقى على قلبنا زي العسل

يعني بصراحة كل العربيات اللي في حدود 100 ألف كلها مستوى تقفيل واحد و مستوى خامات واحد خصوصا من ناحية الصالون
إن كان محلي أو مستورد

و الفروقات مش كبيرة .............. لازم نكون عادلين في حكمنا
لأن أنا لاحظت أن معظم الأعضاء أول ما يكون فيه عيب أو مشكلة ... أوة ل حاجة بنقولها التقفيل المصري و في الآخر بتطلع حاجة تانية خالص
إنما لو مشكلة طلعت في عربية متقفلة برة مصر ........... على قلبنا زي العسل

و مصنع نيسان ده مشغل ناس كتير فيه بالإضافة للصناعات المغذية اللي وراه
يعني مفيد للإقتصاد المصري ......... و فعلا بينتج عربيات جيدة جدا من ناحية التقفيل

و شكرا للإستماع ووقكتم لقراءة مداخلتي

المشاركة الأصلية كتبت بواسطة walidadel

مش عارف الناس بتشتكي ليه من التقفيل المصري مع ان الرعبيه معليا اهه بقالها 3 شهور مش لاقي فيها حاجه من التقفيل المصري مش كويسه

الصى من احسن العربيات اللماشيه فى شوارعنا وعيوبها هى عيوب معظم سيارات فئتها وليس كونها تقفيل مصرى بس فية البعض لايريد اى منتج مصرى بيسموة وجاهه وبيتلككو وخلاص

الحمد لله العربية خلصت معايا سنة وربع، و15 ألف كيلومتر، والعربية ماع الاتزام بالصيانة ممتازة ومش فارقة من حالة الزيرو، مع ملاحظة ان العفشة بقت اطرى بكتير جدا عن الاول

مش هتكلم كتير عن الخامات والكلام اللى بيتقال عليها، لكن كل اللى اعرفه ان بالتجربة والمقارنة خامات الصالون المستوردة افضل بكتير من مثيلاتها الكوريات مثلا ومع الخدمة خامات العربية بتستحمل جدا وشوية نضافة بيرجعوها فابريكة

انا لازلت ارى ان العربية دى افضل عربية فى فئة 85-100 ألف ولو رجع بيها الزمن 100 مرة هشتريها برضه، ومفكرش انزل منها إلا لو هركب حاجة من فئة السيفيك مثلا

فئة السيفيك هية هية فئة الصنى :).

اه معلش انا فهمت دلوقتى حضرتك تقصد الفئة السعرية....صح؟.

يا جماعة اولاً العربية دي كنت حشتريها رحت و اتفرجت عليها اولاً انا كنت ناوي علي الاوتوماتيك علشان كمان والدي كان محتاج الاتوماتيك لزيادة الراحة في الزحمة و الاشارات و الكلام الي احنا عرفينوا رحت عن ( احمد مرعي الي في شارع ابوقير في سيدي جابر \ اسكندرية ) و هو موزع ل مودرن موتورز اولاً اول ما دخلنا المعرض عجبتنا جداً السوبر صالون من الخارج شكل رائع جنوط جميلة و كان اللون الكحلي الميتاليك بتاعها الجميل ده .... و بعدين بدأت المفاجئات

اولاً : افتح الباب الفرش الي حد ما معقول المرس ناشف الخامات مش قد كدا العدادات لونها غريب المهم كل كدا مش اشكال

ثانياً : لما ظبط الكرسي عليا لاقيت ان الي وارا مش ممكن يعض مستريح مع العلم انا طولي متوسط

ثالثاً : نزلت من العربية تعالا بأ اقفل الباب لازم رزعة شوية علشان يقفل
رابعاً : الموتور بحس انه مش مترتب الراديتير سئ جداً و متسبت علي جوانه غريبة و تحس انه سايب

خامساً : بالنسبة للعزل الكاوتش الي حوالين النوافذ سئ جداً متركب بطريقة مش كويسه
سادساً : البطارية عادية مش جافة مع ان معظم العربيات الجديدة الوقتي جافة ( دا حتي ال X-trail برده مش جافة )

دي كانت بالنسبة للعيوب ( و دا كله بسبب التقفيل المصري ال بنسبة 40% مش بسبب نيسان )

المميزات

اولاً ماركة محترمة و موتور محترم
ثانياً الثبات بتاعها جداً و عن تجربة ( العربية مع احد الاصدقاء و مبسوط منها )
ثالثاً الكيف كويس اوي
رابعاً الصيانة بتاعتها كويسه

التقيم من الاخر

العربية محترمة و مركة معروفة جداً علي مستوي العالم و لكن التقفيل بتعها خلاني ابعد عنها لان برده يا جماعة العربية مش رخيصة انا كنت حجيب العربية ال سوبر صالون ب 102 الف مش هزار انا بصراحة فكرت انا و ولدي في التيدا و حسينا بالفرق الرهيب بس المشكلة في الكاشات

انا اسف لو رأي دا يكون دايق حد من اعضاء المنتدي الكرام و ربنا يبارك لكل من يمكلك لهذه السيارة و بكفيكوا شرها

و مش عايز حد يزعل مني ......شكراً و اسف للاطالة