الموضوع: ما هو رأيك فى النيسان صنى المجمعة محليا؟

أسلامو عليكم,
أسمحولى أقول أن النيسان صنى عربية محترمة أوى, موتور رائع, تابلوه شييك بالأخص البيج اللى فيه 3 ألوان, تكيف ممتاز, الشدد والسحب حلو جدا, الثبات حلو بس على السرعات العالية يعنى فوق ال140 بيبدأ الثبات يقل فعلا, العفشة نشفة فعلا بش لو العربية محملة مابتحسش بالنشوفية خالص, التقفيل المصرى مافهوش أى مشكلة لأنه كله فى الحاجات العبيطة زى الموكيت/كاوتش الأبواب/البطارية/فرش الأبواب/الكراسى..يعنى كلها مش فى صميم النيسان والباقى كله يبانى// أنا معايا العربية دىEx Saloon من سنة وعامل بيها 40000 وماشاءالله زى الفل ونفسى أجيب الSuper Saloon لأن النيسان عربية فعلا حممالة أسية وأصيلة وأحسن من ال لانسر كتييييييير من ناحية الموتور 2كامة وقواعد الموتور وحاجات كتير.. حسام شاهين

المشاركة الأصلية كتبت بواسطة hshahin

أسلامو عليكم,
أسمحولى أقول أن النيسان صنى عربية محترمة أوى, موتور رائع, تابلوه شييك بالأخص البيج اللى فيه 3 ألوان, تكيف ممتاز, الشدد والسحب حلو جدا, الثبات حلو بس على السرعات العالية يعنى فوق ال140 بيبدأ الثبات يقل فعلا, العفشة نشفة فعلا بش لو العربية محملة مابتحسش بالنشوفية خالص, التقفيل المصرى مافهوش أى مشكلة لأنه كله فى الحاجات العبيطة زى الموكيت/كاوتش الأبواب/البطارية/فرش الأبواب/الكراسى..يعنى كلها مش فى صميم النيسان والباقى كله يبانى// أنا معايا العربية دىEx Saloon من سنة وعامل بيها 40000 وماشاءالله زى الفل ونفسى أجيب الSuper Saloon لأن النيسان عربية فعلا حممالة أسية وأصيلة وأحسن من ال لانسر كتييييييير من ناحية الموتور 2كامة وقواعد الموتور وحاجات كتير.. حسام شاهين

انا كنت خلاص هجيب النيسان صني ومره كنت برصص عجل في عربية واحد صاحبي 2008ويعد مالراجل خلع العجله ببص لقيت تكت مكتوب عليه الشركه المصري للاكسات قلت هيا العفشه كمان مصري لا يا الله الغني حد عنده فكره عن موضوع العفشه ده

السلام عليكم ورحمة الله وبركاته
انا شايف ان المواضيع فيها تحامل شويه على السياره الصنى واللانسر والناس بتقيم العربيتين وتتوقع أداء منهم وكأنهم بيتكلموا عن سيارات فيراري او ميرسيدس اس كلاس
انا عن نفسى معايا صنى 2008 وعامله 6000كم
والحمد لله بنا راضينى جدا بيها وانا ماقدرش اقول انى ندمان ابدا انى اشتريتها انا شايف بس ان المشكله هى ندرة الأكسسوارات وقطع غيارها مش موجوده غير فى التوكيل غير كده انا راكب عربيه محترمه جدا جدا
وانا مش هاقارنها بأى عربيه تانيه
ماكانش ينفع اقارنها مثلا بالانسر لأن عربيتى مانوال
1600cc
شاريها زيرو ب 88000جم ورجعولى 2000جم يعنى العربيه واقفه عليا ب 86000جم
ازاى اقارنها باللانسر المانيوال 1600cc
الى بتبدا من 106000 يعنى فرق 20000جم
حتى لو اللانسر احسن واثبت بس انا شايف ان 20000جم انا اولى بيهم وما اعتقدش ان الفروق بين العربيتين يساوى المبلغ ده
اما لو صدق كلام الأخوه ان الصنى احسن من اللانسر فيبقى انا وفرت 20000جم وفى نفس الوقت ركبت عربيه محترمه
اما لو ثبت ان اللانسر احسن من الصنى فدى حاجه ماتزعلنيش لأنى اشتريت العربيه الأرخص

بالنسبه للناس الى بيتكلموا عن الصنى اتمنى انهم ماينسوش ان نيسان بتعطيهم عربيه يابانى 1600CC
بس ب 86000جم يعنى تقريبا ببلاش مقارنة بالعربيات ألكوري والصيني
ودى وجهة نظري ألمتواضعة
وجزاكم الله خيرا

اخوكم / احمد عزالرجال

لكى الله ياغزة

هؤلكم علي حاجة حلوة اوي يا جماعة .
العربية عبارة عن ايه : موتور و عفشة و صاج كل ده ياباني 100% عشان كده عربية محترمة جدا
هنتكلم علي التقفيل المصري :
احنا من زمان نعرف ان الاجانب كل حاجه عندهم بالميليمتر يعني لما العربية تيجي من بره تدخل علي المصانع . المصانع ديه بتتكون من ايدي يابانيه . يعني العربية كأنها بتتجمع في اليابان و مفيش حاجه اسمها ان قطعه بتتوفق او بتركب في مكان غيرها . كل ده اليابانيين عاملين حسابهم علي كدهبالذات انهم عارفيين باراعة المصريين و الشرق الاوسط في توفيق الحاجه مع بعضها . محدش يخاف ان عربية او اي حاجه تكون تقفيل مصري
بيبان التقفيل المصري مثلا في تقفيل ضفيرة الكاسيت هتلاقيه الشيكارتون ابو جنيه و نص اللي احنا عارفينه لكن متقفل كويس .
بالنسبة للي مكتوب عليه صنع في مصر :
ممكن تقولولي هي مصر اصلا بتصنع ايه ؟؟؟؟ او ايه الصناعة اللي بتشتهر بيها مصر ؟ طبعا مفيش فبيعملوا ايه بقي المصريين . بيقوموا كاتبين علي قطع الغيار صنع في مصر و هتلاقيك ان بضافرك او بشوية تنر هتشيل كلمة صنع في مصر .
مثلا كاسيت العربية كلاريون . انا اعرف مهندس في شركة كلاريون و قالي ان الكاسيت بيجي من بره متقطه عبارة عن شاسيهات و بوردات و ببتجمع في مصر ثم يكتبون عليها صنع بمصر .
الخلاصة عشان طولت عليكم . العربية متجمعه صح بدون اي عيوب و هي هي العربية زي بره و التقفيل مفهوش غلطة .
انصح بالنيسان بنسبة 100%