الموضوع: أمنت بالله - العين فلقت ....النمر

المشاركة الأصلية كتبت بواسطة khaled ayman

الحمد لله انك كويس يا دكتور ...
انا الحمد لله على كل شىء زيك كده ...
الفيكترا الجديده الى مكملتش شهر ...
اقسم بالله واحد شافها و عجبته اوى ...
و نظام بقى
دى جاااااااااااااااامده اخر حاجه دى لا تقولى اوكتافيا ولا جيتا ..
اقسم بالله
تانى يوم
دخلت فى كلب جاب اكصدام و رداتير و العربيه مرميه تحت فى الجراج !!!!!!
و يومها بالليل واحد اعتقد ان الاوكتافيا بتاع والدى سبوره ..
خد الجنب الشمال كله علامات x .....
و النهارده روحت الشغل لقيت السواق جاى ..
العربيه النص نقل
عربيه كارو ريحت عليها عملت 3 خطوط جامدين جدا فى الكبوت !!!!!!!!!1
ده طبعا غير وفاه جوز خالتى ....
و غير خساره ماديه كبيره جدا حصلت فى الشغل !!!!!!!!
و غير موبايلى الى بايظ و فى مشكله مع التوكيل .....
مش بقول غير الحمد لله على كل شىء ...
و قل اعوذ برب الفلق ...

لا دا على كده يبقى عندنا خفيفة

قدر الله و ماشاء فعل يا خالد

المشاركة الأصلية كتبت بواسطة أحمد كمال

باشا

الحسد مذكور في القرآن و السنة النبوية و عدم اقتناعك بيه ده غلط كبير

قال الله تعالى : (قُلْ أَعُوذُ بِرَبِّ الْفَلَقِ * مِنْ شَرِّ مَا خَلَقَ * وَمِنْ شَرِّ غَاسِقٍ إِذَا وَقَبَ * وَمِنْ شَرِّ النَّفَّاثَاتِ فِي الْعُقَدِ * وَمِنْ شَرِّ حَاسِدٍ إِذَا حَسَدَ)

قد ثبتت الأحاديث عن النبي صلى الله عليه وسلم في الإصابة بالعين ، فمن ذلك ما في الصحيحين عن عائشة رضي الله عنها قالت : " كان رسول الله صلى الله عليه وسلم يأمرني أن أسترقي من العين " ، وأخرج مسلم وأحمد والترمذي وصححه عن ابن عباس رضي الله عنهما عن النبي صلى الله عليه وسلم قال : " العين حق ولو كان شيء سابق القدر لسبقته العين ، وإذا استغسلتم فاغسلوا " صححه الألباني في السلسلة الصحيحة ( 1251 ) .

وأخرج الإمام أحمد والترمذي ( 2059 ) وصححه ، عن أسماء بنت عميس أنها قالت : يا رسول الله ، إن بني جعفر تصيبهم العين ، أفنسترقي لهم ؟ ، قال : نعم ، فلو كان شيء سابق القدر لسبقته العين . وصححه الألباني في صحيح الترمذي .

وروى أبو داود عن عائشة رضي الله عنها قالت : كان يؤمر العائن فيتوضأ ثم يغسل منه المعين . وصححه الألباني في صحيح أبي داود .

ولكن ذكر صاحب " نيل الأوطار " أن البزار أخرج بسند حسن عن جابر رضي الله عنه عن النبي صلى الله عليه وسلم قال : " أكثر من يموت من أمتي بعد قضاء الله وقدره بالأنفس – يعني : بالعين – " .

وفي حالة وقوعها تستعمل العلاجات الشرعية وهي :

1- القراءة : فقد قال النبي صلى الله عليه وسلم : " لا رقية إلا من عين أو حمة " الترمذي 2057 و أبو داود 3884 ، وقد كان جبريل يرقي النبي صلى الله عليه وسلم فيقول : " باسم الله أرقيك ، من كل شيء يؤذيك ، من شر كل نفس أو عين حاسد ، الله يشفيك ، باسم الله أرقيك " .

2- الاستغسال : كما أمر به النبي صلى الله عليه وسلم عامر بن ربيعة في الحديث السابق ثم يصب على المصاب .





اخيرا ....... يا دوك احمد سامي

خد اللوحة و روح لحداد يلحمها لك لحام حديد

و بعدها يصنفر بقايا اللحام

و بعديها اطلع على بتاع دوكو نضيف

يحرق لك الدهان كله و يدهنها نضيف من الاول

هترجع زي الجديدة

أنا لزقتها بدبل فيس مع المسمارين كده لحد ما اروح أعملها

ربنا يستر طريقك يا أحمد

المشاركة الأصلية كتبت بواسطة goldenmaneye

يا ساااااااتر إيه ده!!!!!!!!!!!!!!!!!!!!!!!

ربنا يستر عليك، دا انت لازم تبعد عنه بأى طريقة و ميكنش فى حوار بينك و بينه تانى، يعنى إفتعل معاه خناقة والا أي حاجة المهم تبعد على أد ما تقدر.

تتخانق مع مين ده فظيع ...تلاجة

أنا بخاف لو شفته أطلع أجري بالعربية يقول" شوفت بتجري ازاي!!" .......أجيب مكنة :b4_556:

المشاركة الأصلية كتبت بواسطة أبو حمزة

ربنا يأجرك في مصيبتك ويخلف لك خيراً منها يا دوك
بس على فكرة أنا حاسس ان الموضوع فيه شبهة جنائية :)

الحمد والله احنا برضه افترضنا كده

و ماقيناش طريقة نعمل بيها الحكاية دي

النمرة ماتفكتش

و مفيش خرابيش فيها من قدام مكان نشر أو حد

ولا متنية مكان تني حتى لو اتفكت

أنا كنت باحاول ألاقي فرضية منطقية

لأنني كل ما باواجه حقيقة ان ده شعاع بصري متطور

و الله والله بخاف

المشاركة الأصلية كتبت بواسطة جمال

على فكرة انا كمان اتحسدت
واحد فى المنتدى ( هو عارف نفسه ) كتب لى فى الملف الشخصى ( يعنى ايه عميد المنتدى )
وبعدها اتشال اللقب فعلا

مين العضو ده يا سيادة العميد

بس دي عين خايبة ....

لأن حضرتك هاتفضل العميد ...الكبير كبير

المشاركة الأصلية كتبت بواسطة dr zezo

الحمد لله انها جت علي قد كده يا دكتور ربنا يسترها معاك ان شاء الله

كده كفاية قوي

فردة كوتش ونمر يحصل فيها كده !!!!

زي ما قاللك نادر

فردتين وحيااااااااتك هو جايب منهم واحدة

فاضله فانوس و يبقى هاتريك

و ياخد هداف الموسم
ربنا يستر

المشاركة الأصلية كتبت بواسطة m.mostafa80

أنا بقى فى واحده عندها محل قدام البيت وفى مره فى اول جوازى جبت تورتايه وهديه للمدام وطالع بيهم البيت بس قبلها رمئتنى بعينها المدوره
وحياتكم على أول درجه سلم كنت واقع على وشى والتورته بقت ملهاش ملامح

المهم انت ....أخبار ملامحك إيه

و احمد ربنا انها جت في التورته

انت كنت في أول الجواز

المشاركة الأصلية كتبت بواسطة أبو صلاح

ده لو منشار حدادي مكنش قطع النمرة بالشكل ده
لا حول ولا قوة الا بالله
بس برضه يا دكتور النمرة جامدة قوي

أبو صلاح ....

انت هاتبقى انت و الواد عليا

المشاركة الأصلية كتبت بواسطة A_H_M_A_D

عمرها الإفتراضي إنتهى

على رأي محمد صبحي

باحاول أقنع نفسي بكده

بس تفتكر هو كده ؟؟؟

المشاركة الأصلية كتبت بواسطة NaderNabil

فردتين وحياتك :)

فكرني فكرني

ينهار اسسسسسسسسسسسسسسسسس...........!!! !!!!!!!!1
إيه ده؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟
دى لا يمكن تيجى بالمنظر ده حتى لو قاصد!!!!!!!!!!!!!!!
أنا باحلم وللا إيه؟

ربنا يسترها عليك يا دكتور احمد

قدر الله ماشاء فعل
كل لن يصيبنا الا ما كتب الله لنا

انصحك انك لو اتكلمت معاه تاني كل ما يقول حاجه تستعيذ وتقوله ماشاء الله وتكررهاله علشان يقولها هو كمان
وياريت نصيحة بجد من اخ
بلاش اغاني في العربيه وخليها عالطول فيه ذكر لله
وان شاء الله يكون خير
وياريت لو تطلع صدقات كمان يبقى افضل
وربنا يباركلك فيها يا احمد ويبعد عنك شر العيون