العنوان: امام عمر افندى مباشره فى ميدان الحجاز مصر الجديدة
نازله ب 2 ..واحد موجود فيه زرار الفتح والقفل والتانى عادى
عرض للطباعة
لكل النوبيراويه اللى عندهم وحدة رفع
ايه مدى التأثير السلبى على مكنة الزجاج
انا سمعت انها بتحرق المكنه عشان المكنه مالهاش سينسور او ليميت سويتش فى اخر المشوار والمكنه هتفضل شغاله لحد ما يحصل الاوفرلوود الكهربائى على المكنه وتفصل ودا بيزود احتمالية حرقها اكتر من العادى
مش متأكد طبعا من مصداقية الكلام دا
بس فى إحتبار صغير كدا ممكن نعمله
شغل وحدة الرفع وانت جوه العربيه واسمع صوت مكنة الزجاج وحاول تحسب هى هتفضل شغاله قد ايه بعد الزجاج ما يقفل
ومبروك لكل اللى ركب وحده جديده
هجرب وهقولك فى أقرب فرصه
اولا شكرا على الموضوع الجميل دة وان شاء الله يفيد ناس كتير
انا معايا نوبيرا 2008
العيوب الى كانت عندى :
1- طارة الدركسيون كانت فيها سنة يمين قلتلهم عليها فى صيانة 1000 خلو العربية تحدف يمين والطارة اتعدلت ورحتلهم بعديها بيومين ظبطوها والعربية بقت كويسة مع ملاحظة ان المهندس الى هناك تانى مرة قالى هى مظبوطة بس دة كان ضغط العجل مش مظبوط (بيكدب )لانى كنت لسة مضبط العجل قبل ماروح تانى مرة ومجرب المهم مش عارف هما عملوا اية تانى مرة بس هى دلوقتى مظبوطة وكويسة
2- قبل 10000 المية الخضراء بدات تقل وفية اثار للمية فى الحتة الى تحت مقياس الزيت كدة طلعت عايزة ربط لوش السلندر واتعمل فى التوكيل و غسلوا الموتور كمان فى صيانة مطرح المية غسلة كويسة
3- الكرسى بتاع السواق سعات يزيق وسعات لا مش لاقى تفسير لكدة
4-كان الرفرف مفارق سنة صغيرة عن الباب ودى عملها السمكرة برة فى نص دقيقة كنت بعمل خبطة الرفرف وعملتها بالمرة وبالمناسبة الرفرف ضعيف جدا
5 -لقبت فى الارض كلبسات كدة تقريبا من الى بتركب على راس المسمار بس انا مش عارف دى المفروض مكانها فين بالضبط
وكفاية كدة عشان بعد الكلام دة محدش هيفكر يجيب العربية دى بس هى فى المجمل عربية حلوة وعلى اد سعرها مفيش عربية بالسعر دة وفيها المميزات دى واسعة و موتور قوى وثابتة على الارض وزجاج ومرايات كهربة وشنطة كبيرة جدا
كل النقط دى ولا حاجه حصلت معايا الا النقطه رقم خمسه...بس انا بقا عندى عيوب تانيه...واللى عنده حلول يقولها
1- العربيه بتزييق مع التكييف وتحس ان فى خشونه مع التكييف معرفش ليه وبتبان لما تلف الدركسيون وانت واقف...وديتها التوكيل وقعدت يومين ومفيش اى حاجه اتعدلت وقالولى نضفه ايه وعملو ايه وولا حاجة اتعملت
2-سعات الاقى هواء سخن بيخرج من تحت التابلوه بس خفيف جدا
3-الطابير بتاعت العربيه وحشه وحشه لاقصى الحدود...وغيرتها 3 مرات ايوه 3 مرات فى التوكيل مع الضمان...والمره الاخيره اتحسنت شويه...بس برضه فيها زى هزه تكاد تكون لا تحس
4-الهزه اللى على سرعه 100 خفيف جدا جدا انا بحسها...وبتروح لما بترصص بس بترجع تانى
5-لما بلف الدركسيون بسمع تكتكه كدة قالولى فى التوكيل عادى...وديتها لواحد ميكانيكى كدة معرفه قالى دة عادى ودى صوت مكنه الباور...معرفش بقا
دى النقط اللى مش عجبانى ومش لاقى ليها حلول خالص وبينى وبينكو مش عايز اسرف بره واروح لده ولده بلعب فى العربيه ويخربها...انا عملت اضافات من اول ماجبت العربيه وانا الحقيقه مبسوط بيها...
1-ركب لمض كريستال فيجين فوق وتحت لمض فيلبس للفوجات والشكل رائع (الاضائه هيا هيا)
2-فيمت الازاز اسود بس درجه 00 عشان المرور والصراحه تحفه ومغمق العربيه شويه وعاجبنى
3-ركبت بازوكا جى بى ال وجى ام سيمفونى والصوت روعه ما شاء الله
4-فرش معقول مش وحش من بور سعيد ب 400 جنيه
بس التقفيل انا شايفه مش وحش وهو كويس اوى...واللى عاجبنى انها على السرعات العاليه بتبقى زى الحديده وثابته جدا وقويه...
طبعا دا كله ولا حاجه بالنسبه لباقى الموديلات
دا غير ان ممكن نلخص كل اللى اتقال فى تلات نقط (طنابير - تكه فى الدركسيون - شوية حاجات فى التقفبل"هوا - فرق صاج - إلخ")
1- مشكله الطنابير مش مشكله عامه انا سقت اكتر من 15 نوبيرا ومنهم كتير ايجار "يعنى عربيات متهانه" واحده بس تقريبا اللى كان فيهم الموضوع دا وغالبا دى بتبقى اسلوب سواقه حامى قوى عشان بصراحه العربيه مغريه جدا فى كدا
2- تكة الدركسيون لو لاقيتها ولو انها مش عندى هتلاقيها حاجه بسيطه قوى جدا
3- التقفيل وهنا مش هقدر اقول غير تحيا مصر
وممكن م/سمير يكلمنا اكتر عن النقط دى
وحتى بعد دا كله شايفين احنا قد ايه بندقق فى حاجات صغيره لان معانا عربيه - بسم الله ما شاء الله - تحفه
قارن بأى عربيه تانيه فى فئتها "مع أخذ السعر فى الإعتبار" وهتلاقى الاختيار الاول والاخسر والوحيد نوبيرا
دلوقتى عاوز اجمع كل نقط الصيانه والفحص والعنايه الخاصه بالعربيه واللى متفرقه هنا وهناك فى المنتدى ... بحيث اننا نجمعها هنا فى نقط يقدر يستفاد بيها اى حد بسهوله من غير ما يطلع عينه عشان يجمعها وهاحاول اسرد النقط وبعدين كل واحد يكتب اللى يعرفه منهم ممكن يتغير كل قد ايه
1- سير الكاتينه
2- زيت موتور
3- فلتر زيت موتور
4- تيل فرامل امامى
5- تيل فرامل خلفى
6- اى سيور اخرى
7- البوجيهات
8- فلتر البنزين
9- فلتر الهوا
10- غسيل دورة التبريد وتغيير المياه
11- وضع منظف للرشاشات
12- تبديل العجل (اللى ورا قدام واللى قدام ورا)
13- تغيير العجل (بجديد)
14- التأكد من ضغط العجل
15- زيت فتيس
16- زيت الباور
17- زيت الفرامل
18- شحن التكييف
19- فلتر التكييف
20- تربيط العفشه
لو فى حاجه تانى ياريت حد يقولى ..... ولو حاجه من دول غلط ممكن تحذفوها
ياريت اللى يقول يقول تقريبا بكام وايه افضل نوع ان امكن
والله الموفق
ارجع للموضوع المثبت حتلاقى لينك لجدول صيانة كامل
MMamdouh