ما رأيكم في النترا 2006 ب70 الف جنيه...

**tutankhamoun** · 20-08-2009 05:47 PM

متهيألي تنزل كمان بتاع ألفين جنيه كمان و العربية دي بالذات موديل ممتازة و عن تجربة و أحسن مائة مرة من الياريس ...... و يادوب ممكن تتساوى مع اللانسر .

الموديل ده ممتاز و أحسن من الإلنترا الجديدة في شوية حاجات منها الصاج أمتن شوية ... و الثبات أحسن .

لو العربية حالتها حلوة زي ما أنت بتقول خلص فيها و إن شاء الله ربنا يركرمك فيها بإذن الله .

**kmatshooo** · 22-08-2009 03:28 AM

غاااااااااااااااااااااالى جدا انا قدامى واحدة على 60 اوتوماتيك ومستكترهم الغربيات المستعملة رخصت جدا جدا انا بايع لانوس 2000 فابريكة فول اوبشن ب33 الف جنيه وعامله 90 الف كم بس وكنت بدلل عليها المستعمل رخص بهبل

**usamax** · 25-08-2009 04:24 PM

هى عربيه زى الفل بس السوق بيقول غير كده وكمان مش من العربيات الشواز الللى تدفع فيها 5 الاف جنيه زياده
استخير وبعد كده قرر بس فيه قدانك حلول كتييييييير تويوتا 2003/كيا سيراتو2006 حاجه رهيبه ودور هتلاقى كتير وهتلاقى ارخص كمان

**eng_tamertaha** · 15-09-2009 04:08 AM

المشاركة الأصلية كتبت بواسطة kliken

الموديل ده اصلا ماسك سعر و ممكن تنزل شويه بس طالما حالتها ممتازه و فابريكه بره و جوه يبقى مش غاليه اوى و العربيه ممتازه ما شاء الله و احسن من الجديده فى مشيها

والله الكلام ده فعلا صح جدا خصوصا ان كل الناس بتشكر في الموديل ده أكتر من الجديدة وانا رأيي لو كشفت عليها ولقيتهها 10 على 10 توكل على الله
بس ما تشوف الجديد ايه رأيك فيه حتى لو هتقسط شوية بس هيريحك 7 سنين على الاقل من غير ما تروح لميكانيكي

**محمد أنور** · 15-09-2009 04:48 PM

بصراحة غالية .. انا مع واحد صاحبي و نزل يبيعها كان رينج سعرها من 50-55 الف .. بس عربيته فيها حكات كتير من برة .. لكن دي لو فابريكة من برة هتزيد حوالي 3 الاف جنيه يعني تتكلم في 58 او 59 الف بالكتير ...
انا بايع عربيتي لانسر 2007 1600 رشة برة و جوة في الحوض ب 65 الف و مكانش حد عاوز ياخدها غير التجار :( بس الحمد لله انها اتباعت

**tmz9111** · 16-09-2009 12:02 PM

تنزل حوالى ألفين ثلاثة

**tomy_eg** · 17-09-2009 05:35 PM

اللانسر اللى انت بعتها دى بوس ايداك وش وظهر لانها معيوبة وفى زيها راشش برة بس ب57الف فى سوق الجمعة السابق انما لو قلنا لانسر نظيفة من 2005 الى 2007 1600 cc كلاسيك يبقى بتتكلم من 74 ال 77 الف متوسط , فبلاش نقارن عربية نظيفة بعربية معيوبة خصوصا مع انتشار عرض السوق المصرى للانسر دى فاقت ال128 فى بيعها
لو النترا نظيفة تبقى مش اقل من 67 الف ويمكن اعلى والشكل الجديد 2007 مانوال من 70 الى 75 تجارى ويزيد شوية لو زباين

**محمد أنور** · 17-09-2009 06:59 PM

انا طبعا بقول الحمد لله ان عربيتي اتباعت و ربنا يسامحه اللي صلحهالي و ربنا يرزقني بأحسن منها كمان شوية يا رب
بالنسبة لسعر الالنترا ف لي ملحوظة .. في واحد معانا في المنتدى عارض عربيته النترا الشكل الجديد للبيع هنا و العربية راشة جانبين زي ما بيقول و طالب فيها 70 الف .. و نزلت ل 68 كمان .. و اتفضل الرابط عشان تتأكد : http://www.nilemotors.net/Nile/93631-a.html