كاش واللا تقسيط؟

**Egyzizo** · 13-09-2009 12:40 PM

مقبل على شراء سيارة زيرو
الفلوس موجودة ومركونة (يعنى مش باشغلها)

أيهما أفضل الشراء كاش أم بطريقة التقسيط؟

أسأل هذا السؤال لأن أحد الأصدقاء نصحنى قائلاً لما تيجى تشترى زيرو اوع تشترى كاش وخليك فى القسط حتى لو الفلوس متوفرة ..

ولا أعلم ما الحكمة من هذه النصيحة.

**Mosmafa** · 13-09-2009 01:33 PM

نصيحة لله
القسط ربا مفيهوش جدال
وطالما معاك حق الحاجة هاتها واتوكل على الله
لكن القسط فاسد وبياخد الحلال معاه نصيحة لله
مجرب قبلك و ربنا مسابنيش في حالي قبل ما خلصت كل اللي عليا

**أبــوحبيبه ونور** · 13-09-2009 01:43 PM

المشاركة الأصلية كتبت بواسطة mosmafa

نصيحة لله
القسط ربا مفيهوش جدال
وطالما معاك حق الحاجة هاتها واتوكل على الله
لكن القسط فاسد وبياخد الحلال معاه نصيحة لله
مجرب قبلك و ربنا مسابنيش في حالي قبل ما خلصت كل اللي عليا

يا اخى العزيز من اين لك بهذه الفتوى العظيمة القسط ربا

الفائدة في القرض هى عين الربا: هذا هو تعريف الربا

ام مسالة البيع بالقسط فلها احكام كثيرة جدا ولا تدخل تحت بند الرباء لمجرد البيع بالقسط

**ابوهاشم** · 13-09-2009 01:58 PM

صدقنى اشترى كاش طالما الفلوس موجوده
وريح دماغك

**karaktar** · 13-09-2009 02:11 PM

كيش تعيش متريش

**Egyzizo** · 13-09-2009 03:56 PM

يا جماعة بغض النظر عن موضوع الربا ..
أنا باتكلم من وجهة نظر اقتصادية .. أيهما أكثر فائدة للمشترى؟
أنا شايف برضه ان الكاش أحسن
بس ايه اللى يخللى البعض بيحبذ التقسيط أكثر حتى لو معاه سيولة؟

**mohd2** · 17-09-2009 02:35 AM

اللي بيشتري قسط وهو معاه تمنها كاش بيكون شغال في التجارة وطبعا أحسن ما يحط فلوسه في عربية وتقف لأ هو بيشغلها و بتطلع فايدة أعلي من فايدة القسط وتكون فلوسه بتدور في السوق فصعب يسحبها ويوقف سوقه عشان يشتري عربية
وبكده يبقي دفع تمن العربية وكسب من فلوسه اللي شغالة قسطها
انما انت بتقول فلوسك مركونة يعني غالبا في البنك فلو هتشتري قسط شوف فايدة القسط كام ومصاريفه كام والفلوس في البنك بتجيب فايدة كام هتلاقي ان طبيعي تجيبها كاش وتوفر مبلغ معتبر اللي زاد نتيجةالفايدة والأوراق المطلوبة وترخيص كل سنة و و و والي مالا نهاية من مشاكل التقسيط فلو قسط تبقي جبتها غالية عن تمنها بفرق جامد ودوخة عشان الورق يبقي فين الفايدة
لو معاك كاش خلص و تبقي أنت مالك التاجر مش العكس
تعيش الدور عليه وتستلم بمزاجك وتتطلع القطط الفطسانة في العربية براحتك مهو بفلوسك

**Egyzizo** · 17-09-2009 08:52 AM

المشاركة الأصلية كتبت بواسطة mohd2

اللي بيشتري قسط وهو معاه تمنها كاش بيكون شغال في التجارة وطبعا أحسن ما يحط فلوسه في عربية وتقف لأ هو بيشغلها و بتطلع فايدة أعلي من فايدة القسط وتكون فلوسه بتدور في السوق فصعب يسحبها ويوقف سوقه عشان يشتري عربية
وبكده يبقي دفع تمن العربية وكسب من فلوسه اللي شغالة قسطها
انما انت بتقول فلوسك مركونة يعني غالبا في البنك فلو هتشتري قسط شوف فايدة القسط كام ومصاريفه كام والفلوس في البنك بتجيب فايدة كام هتلاقي ان طبيعي تجيبها كاش وتوفر مبلغ معتبر اللي زاد نتيجةالفايدة والأوراق المطلوبة وترخيص كل سنة و و و والي مالا نهاية من مشاكل التقسيط فلو قسط تبقي جبتها غالية عن تمنها بفرق جامد ودوخة عشان الورق يبقي فين الفايدة
لو معاك كاش خلص و تبقي أنت مالك التاجر مش العكس
تعيش الدور عليه وتستلم بمزاجك وتتطلع القطط الفطسانة في العربية براحتك مهو بفلوسك

عين العقل .. أنا رائي كده برضه ، بس كنت عايز اتأكد ان مافيش جانب تانى فى الموضوع أنا مش شايفه ..

شكراً جزيلاً ..