علقة موت

**كابوس الليل** · 13-08-2009 07:36 PM

الضرب ساعات لازم منه
ومش شرط ضرب يوجغ لان فى عيال غتتة جتتها نحست من الضرب
بس الضرب الصح الى لا يعور ولا يؤدى الى عاهة
يعنى ضرب مهين كفاية انه يتهان قدام حد او حتى قدام نفسه

انا والدى عمره ما مد ايده عليا ولاكن بيطبق عليا نظام اوحش من الضرب النه يخاصمنى
بيخاصم بجد ولا كانى موجود فى البيت كانى كرسى ال13 من بتوع السفرة لحد ما اروح واقوله انى عرفت غلطى ومش حكرره تانى

وبرضوا سايسة حرمان الواد من الى هوا عايزه ديه حلوة اوى

**OlaOsman** · 15-08-2009 11:22 PM

متهيألي كمان الضرب الشديد عمال على بطال بيفقد الطفل الإحساس بالعقاب نفسه و زي ما بيقولوا كده جتته بتنحس و ما بيفرقش معاه الضرب.

برضه في رأيي ان الامتناع عن الضرب نهائيا مش بيجيب نتيجة كويسة في التربية. الأجانب اللي عندنا في الشغل مش بيضربوا ولادهم مهما عملوا و شايفاهم الصراحة من ناحية الأدب و الأخلاق مش أد كده. مش باتكلم عن انحرافات او ما شابه، بس طريقة معاملتهم مع أمهاتهم مافيهاش شئ من الاحترام، و على فكرة الأمهات دول نفسهم بيشتكوا من النقطة دي في ولادهم و مش عجباهم، بس همه الأجانب أصلهم عندهم هسهس عنف.. بزيادة يعني في رأيي.

**magyver** · 16-08-2009 03:42 AM

اناواحد صاحبي من كتر ضرب والدة فية ومعيشوووش طفولتة
وهو صغير بقي عندة 23 سنة دلوقتي وبيحب يتفرج علي برنامج اطفال وبيحب يلعب مع العيال الصغيرة
فعلا الضرب بياثر جااامد

**Bob2009** · 16-08-2009 01:21 PM

المشاركة الأصلية كتبت بواسطة olaosman

متهيألي كمان الضرب الشديد عمال على بطال بيفقد الطفل الإحساس بالعقاب نفسه و زي ما بيقولوا كده جتته بتنحس و ما بيفرقش معاه الضرب.

برضه في رأيي ان الامتناع عن الضرب نهائيا مش بيجيب نتيجة كويسة في التربية. الأجانب اللي عندنا في الشغل مش بيضربوا ولادهم مهما عملوا و شايفاهم الصراحة من ناحية الأدب و الأخلاق مش أد كده. مش باتكلم عن انحرافات او ما شابه، بس طريقة معاملتهم مع أمهاتهم مافيهاش شئ من الاحترام، و على فكرة الأمهات دول نفسهم بيشتكوا من النقطة دي في ولادهم و مش عجباهم، بس همه الأجانب أصلهم عندهم هسهس عنف.. بزيادة يعني في رأيي.

علشان كده مينفعش نقارن نفسنا بيهم دول ناس عندهم اغلب الاشياء مباحه وفى نفس الوقت ده الطبيعى

احنا هنا غير الناس دى كلها على شان احنا مينفعش نكون زيهم احنا احسن منهم بالفعل على الاقل هنا الولد او البنت بيعمل 1000 حساب قبل ما يعمل اى حاجه فى الصغر بيكون خوف من العقاب او من الاب والام اما فى الكبر بيكون احترام وفضل والخوف ده بيكون اخر حاجه ومش بيكون الخوف بتاع زمان بس بيكون خوف الخصام او غضب الاب والام دى الفكره ومحدش قال ضرب بعنف انا كنت باخد علقه مش بعنف يعنى زمان مره عملت غلط كبير اوى اوى اضربت بعصايه جدى الله يرحمه ودى كانت اكبر علقه فى حياتى بس كنت عامل غلط جامد اوى.
اما الباقى كان بالقلم او احيانا بالبهدله الى هو نظام همسح الشقه بيك كده
والعقاب الكبير كان اما دش مياه ساقع فى الشتاء او انى اقف اليوم كله ورافع شنطه او اى حاجه ثقيله يعنى اكنى فى المدرسه
بس انا كنت مشاغب جدا انما عمرى مثلا ما اضربت بالحزام ولا بالخرطوم ولا بالكرباك زى ما بنسمع ولا حتى بالبوكس والكلام ده

**Bob2009** · 16-08-2009 01:30 PM

المشاركة الأصلية كتبت بواسطة magyver

اناواحد صاحبي من كتر ضرب والدة فية ومعيشوووش طفولتة
وهو صغير بقي عندة 23 سنة دلوقتي وبيحب يتفرج علي برنامج اطفال وبيحب يلعب مع العيال الصغيرة
فعلا الضرب بياثر جااامد

طيب وايه المشكله فى ده اغلب الناس بتحب تلعب مش الاطفال وانا واحد من الناس دى عادى جدا بس مش بلعب استغمايه مثلا لا لعب عادى زى اى شخص.

اما الافلام وبرامج الاطفال دى فعلان فيه ناس كبيره بتحب تتفرج عليها عادى جدا

ده ملوش اى علاقه بالضرب

الضرب بعنف ممكن يطلع انسان مفترى مثلا او انسان خواف ومن غير ثقه فى نفسه كده انما شخص بيلعب مع الاطفال او بيتفرج على برامج اطفال ده شخص طبيعى جدا انا ابن عمى كده ومش هقول لك انه عمره ما اضرب فى حياته من حد وطول عمره انسان هادى جدا

**hamedo0** · 16-08-2009 01:31 PM

المشاركة الأصلية كتبت بواسطة AHMEDCAR

انا داخل الموضوع ده بس علشان اسلم عيلكى و اقولك عودا احمد وحشتى الاجتماعى

انا عن نفسى ابهدلت ضرب

ابو حميد النوعيه بتعاتنا كانت لازم تضرب

**hamedo0** · 16-08-2009 01:44 PM

المشاركة الأصلية كتبت بواسطة magyver

اناواحد صاحبي من كتر ضرب والدة فية ومعيشوووش طفولتة
وهو صغير بقي عندة 23 سنة دلوقتي وبيحب يتفرج علي برنامج اطفال وبيحب يلعب مع العيال الصغيرة
فعلا الضرب بياثر جااامد

ايه ده هو انا كده معقد ولا ايه
يا عم كلنا بنتفرج علي كارتون اعقد كده مع ولاد اخوتك وهما بيتفرجو هتلاقي نفسك اندمجت معاهم
مافيش عقد ولا حاجه ده عادى
طب في مره روحت انا واصحابي الازهر بارك ومعظمنا اقرب من سن التلاتين واعقدنا نلعب استغمايه وكهرباء بس اعتقد انها مش طفوله متاخره
هوكبت والواحد كان بيطلعه

**mohamed_kta** · 16-08-2009 03:38 PM

أنا أظن أن أفضل من يقول رأيه فى هذا الموضوع من هم بداخله فأنا كأب ساعات بيكون لازم أضرب لكن مش بغباء و بحاسب نفسى جداً لو كان فيه قسوة علشان ربنا رقيب على الأمانه اللى بعتهالى و أنى مؤمن جداً بكما تدين تدان و لو ممكن أقول نصيحه بسيطة لكل أب و أم من أخوتى فى المنتدى أقرأ كتاب ( الأن أنت أب - لكريم الشاذلى ) و الله هيفرق معاكم جداً .