الموضوع: افيدونى افادكم الله( لانوس - لوجان )

السلام عليكم

انا مهندس و اعمل فى مصر الجديدة و اسكن فى حدائق الاهرام يعنى مشوار يومى لا يقل عن 3 او 4 ساعات

و انشاء الله ناوى اغير العربيه انا كان معايا بولونيز و محتار بين

1- لانوس شيفورليه full option السعر 69500

2- رينو لوجان full option السعر 66500

ارجوا الرد سريعا للاهمية و شكرا

شكرا للرد و ارجوا الافادة من ناحية التحمل و قوة الموتور

انا منتظر الاجابة مثلك تماما لأنى اختار بين السيارتين وارجو من ملاك السيارتين إفادتنا .
ولكم تحياتى

السلام عليك و رحمه الله و بركاته
بص يا باشا انا كان معايا قبل اللوجان الأفيو 2007 كورى
وطبعا كان فيها مشاكل مش وقت حديث عنها بس المهم الفرق بين الأثنين
1- عفشه الرينو ممتازه بمعنى الكلمه و احسن من عربيات كتير زى النيوسيراتو ( عفشتها ناشفه و فيها تخبيط عن تجربه عربيتين)
2- تكييف اكثر من رائع
3- موتور قوى بس عيبه انه خشن بس خشونه غير مؤثره تماما
4- صالون اوسع
5- كمليات اكتر
6-قطع غيار فى التوكيل معقوله ويوجد بالمنتدى اكثر من موضوع عن قطع الغيار و تقييم للعربيه اللوجان
نصيحه لوجه الله اللوجان احسن من اللانوس بكتير جدا

المشاركة الأصلية كتبت بواسطة mohamed1979

موتور قوى بس عيبه انه خشن بس خشونه غير مؤثره تماما

معلش لو فيه اغلاسة:
هو يعني أيه موتور خشن؟
يعني صوته عالي مثلا ولو صوته عالي مش عزل العربية كويس ولا أخباره أيه

المشاركة الأصلية كتبت بواسطة ash257

معلش لو فيه اغلاسة:
هو يعني أيه موتور خشن؟
يعني صوته عالي مثلا ولو صوته عالي مش عزل العربية كويس ولا أخباره أيه

لا يا باشا هو صوته خشن يعنى مش بنعومه السيارات الكورى و علشان الموتور 8 صباب مش 12 او 16 صباب زى الكورى
و عزل العربيه جيد

شكرا لكل اللى ردوا و بالنسبه لللوجان انا بس محتاج اسال عن شويه حاجات:

1) التكيف مدى قوتة
2) اية المشاكل كل الناس بتتكلم عن الاجابيات بس
3) هل الشنطة و التنك بتاع البنزين بيفتحوا من الخارج فقط
4)هل يمكن عمل ريموت للعربية لو جبت ال half option
5) مدى الاتساع الداخلى للصالون
6) الثبات على السرعات العالية

و شكرا