صديقي محتار قلتله محدش هيحلهالك إلا رجالة منتدى نايل موتورز

**bishoy02010** · 23-08-2009 02:11 AM

هوة محدش جاب سيرة اللوجان ليه
عمتا انا متابع باهتمام عشان انا شبه صاحبك :) قوى :)

**amr.elsayed** · 23-08-2009 04:09 AM

المشاركة الأصلية كتبت بواسطة bishoy02010

هوة محدش جاب سيرة اللوجان ليه
عمتا انا متابع باهتمام عشان انا شبه صاحبك :) قوى :)

مش من ضمن المقارنة عشان العضو مايتشتتش
وانا من ضمن التلاتة ادى صوتى للانوس عربية كويسة وقطع غيار منتشرة ورخيصة
ومعمرة ومتجربة واى ميكانيكى يشتغل فيها ومش محتاج التوكيل فى حاجة
واى حاجة بخصوص اللوجان الوحوش كلهم مستعدين لاى استفسار حاروح اتسحر واجى

**tofy_urban** · 23-08-2009 10:16 AM

المشاركة الأصلية كتبت بواسطة bishoy02010

هوة محدش جاب سيرة اللوجان ليه
عمتا انا متابع باهتمام عشان انا شبه صاحبك :) قوى :)

بص ياباشا رأيي لو هتختار من العربيات الثلاثة يبقي اختار فيرنا و جنوط علشان تساعد شوية في الثبات ,, انا اخاف من الاسبيرانزا معلش لسه الناس بردو خايفة من الصيني لو في اختيارات تانية بمنتهي الامانة منوجهة نظري يبقي لازم تفكر في الرينو اللوجان احسن عربية في الفئة السعرية دي وفيها ايرباج و حاصلة علي 3 نجوم في اختبارات الامان الاوروبية و ثباتها ممتاز و بتنزل اصلا بكاوتش 15 عريض و عربية ممتازة جداً و يكفي انها اوروبية ,, اما بالنسبة للنوبيرا فعن تجربة العربية دي حلوة و ثباتها كويس جدا لكن متجبش اوتوماتيك لانها تقلية في السحب مع التكييف و زي كل الكوري الصاج خفيف اوي بيتاثر باي خبطة و الدهان يعني ضعيف شوية و ربنا يوفقك في الاختيار ,, بس ادخل علي قسم رينو و اقراء عن اللوجان و اتفرج عليها هتلاقيها الانسب إن شاء الله

انا قمت بالواجب بس انت شكلك ماخدتش بالك بس :(

**bishoy02010** · 23-08-2009 02:28 PM

المشاركة الأصلية كتبت بواسطة tofy_urban

انا قمت بالواجب بس انت شكلك ماخدتش بالك بس :(

اه عندك حق عدت عليا ديه

**bishoy02010** · 23-08-2009 02:31 PM

المشاركة الأصلية كتبت بواسطة ringoo

مش من ضمن المقارنة عشان العضو مايتشتتش
وانا من ضمن التلاتة ادى صوتى للانوس عربية كويسة وقطع غيار منتشرة ورخيصة
ومعمرة ومتجربة واى ميكانيكى يشتغل فيها ومش محتاج التوكيل فى حاجة
واى حاجة بخصوص اللوجان الوحوش كلهم مستعدين لاى استفسار حاروح اتسحر واجى

طيب اروح قسم رينو أسأل بقى

**E30power** · 23-08-2009 05:59 PM

المشاركة الأصلية كتبت بواسطة ghost2

بصانا هقولك حاجة .. موتور النوبيرا حلو لو مانيوال ..والعربية كويسة وعملية الا ان صاجها ضعيف ودي مشكلة هتقابلة لو ساكن في مكان زحمة .. غير ان ارتفاعها متوسط مش عالي اوي ولا واطي اوي .. بس انا ليا راي تاني ... انا شايف انه بيسافر وعايز كماليات .. لو صاحبك بيحافظ على العربية اللي بيركبها يشتري بريليانس frv >> دي هتكون عاملة في حدود السبعينات .. عربية حلوة وناس كتير شكرت فيها .. والبلدي على قد لحافك مد رجليك ,, هو حاطط رينج معين يتعامل على اساسة وياخد اقصى قدر من الكماليات والرفاهيه

+111111111111

فعلا دية لو دخلت معاهم اظن انها تكون افضل اختيار فعلا عربية ممتازة جداااا على سعرها بس عفشتها ناشفة شويتين .....

ومننساش برضك الرينو اللوجااان ......

**tofy_urban** · 23-08-2009 11:45 PM

لا بقي هنا اسجل اعتراض بعد اذن الناس طبعا ال frv رغم اني معجب جدا بيها بس انا عن نفسي خفت اغامر و اجيبها لسه بخاف من الصيني بردو ,,, لكن لو طلعنا للفئة بتاعت منتصف السبعينات ارشح و بمنتهي القوة الرينو سيمبول موتور 1400 قوي جدا 98 حصان و كماليات كتير اوي و شكل شيك جدا من الداخل و الخارج و ثبات عالي و تقفيل تركي ادخل بردو علي قسم الرينو و شوف مواضيع عن السيمبول و اعتقد انها الافضل بردو في فئة منتصف السبعينات ,,
شوف الروابط دي
المواصفات الفنية للرينو كليو سيمبول