الموضوع: انا محتاج رأيكم يا جماعة

المشاركة الأصلية كتبت بواسطة TheEgyption

بص انا ركبت الاوبترا كتيييير بجد واسعه و مريحه بس لعلمك التوكيل مقرف يعني مش احسن من عز ثم البرسونا اوبشنننننن يعني من الاخر فلوسك هترجعلك كماليات بجد جربها و توكل علي الله

+1000000000000000000000000000000000000000000
عن تجربه بالتوكيلين اقوللك كلام مضبوط 100 /100
ربنا يوفق

بص أنا قعدت بس فى الأوبترا إنما ما سوقتهاش و معايا برسونا
- البرسونا أشيك و أحلى طبعا دى ماشاء الله باينة للناس كلها
- الأوبترا أوسع كصالون بس يعنى مش الفرق الوهمى لأن صالون البرسونا حلو أوى برده
- التوكيلين بصراحة الأ‘عضاء يتكلموا عليهم أحسن منى لأنى ما جربتش الاتنين الحقيقة العربية لسه الحمد لله ما اضطرتنيش أتعامل مع التوكيل و يا رب ما تضطرنى غير فى الصيانات الدورية
-الثبات البرسونا تتفوق كتير على الأوبترا مع عدم إنكارى إن الأوبترا ثابتة بس البرسونا ما تتقارنش فى ثباتها بالأوبترا
- الكماليات برده دى مافيهاش كلام انت بتشترى الأوبترا فاضية أغلى من السعر الرسمى للبرسونا ب 1000 يعنى لو لحقت تاخد الخصم بتاع أيمن هتاخد عربية فيها عوامل أمان مدهشة و كماليات عالية جدا ماشاء الله بسعر أرخص من الأوبترا الفاضية ب5000
- قطع الغيار أرخص كتير فى الأوبترا بس البرسونا برده قطع غيارها معقولة و متوفرة برة بالكامل يعنى ما تقلقش من النقطة دى.
أنا قلت اللى أعرفه فى حدود معرفتى بالعربيتين و ربنا يوفقك فى الاختيار إن شاء الله

Persona is just fabulous :-)