السلام عليكم ورحمة الله وبركاته
اولا مبروك على العربية (الطيارة) وياريت تقولنا لونها ايه؟
ثانيا انا اول مرة اسمع عن موضوع العفشة ده بالعكس عفشة الهوندا من انعم العفشات اللى شوفتها وده بالمقارنة بالكرولا
فموضوع العفشة ده غريب بصراحة ده انا ببقى خايف من كتر نعومة العفشة انها تكون مش معمرة
بالنسبة للميجان فدى اكتر عربية عجبتنى قبل ماتنزل الهوندا و كنت ناوى اشتريها بس خلاص
المهم انا فى حد اعرفه كان جاب الميجان وفى احتمال كبير اركبها واشوف نظامها ايه بس مبدئيا وعن تجربة سحب الهوندا احسن بكتير و المساحة الداخلية برده احسن فى الهوندا بس العيب الفظيع فى الهوندا هى المطبات و خصوصا لو محملة وحكتها وهى جديدة تحس انه حد ماسك سكينة و بيقطع فيك بس على العموم الحك فى المطبات مش حاجة خطيره اوى و اخره انه بيبوز فى العتب و الاكصدامات
انا اسف على التطويل واتمنى ان العربية تكون عاجباك
المفضلات