Acceleration Lag (مشكلة فى السيفيك الجديدة)

**CosmicOne** · 19-01-2008 04:27 PM

السلام عليكم يا رجالة

كنت عاوز أسأل اصحاب السيفيك الجديدة
لو جربت تبقى واقف ثابت (0كم) و تعمل كيك داون فجأة
حد بيحس ان العربية مخنوأة طحن على الغيار الاول لحد ما تعدى ال 3000ر بم؟؟

انا كنت بجرب امبارح الطلعة دية مع قريبى و واحد صاحبى و قريبى معاة الانترا و كان اسرع منى بفارق ثانية كاملة من 0 -100كم علشان المشكلة دية و هما الاثنين لاحظوها اوى

انا عاملت بحث على الانترنت و لاقيت المشكلة دية ملية امريكا و كندا و دية بسبب ال Drive by wire throttle

و عرفت ان فية New Reflash for the ECU لتحسين المشكلة دية بس طبعا اللة اعلم فى مصر نظامها اية؟؟

**شاهين - بنز** · 19-01-2008 07:01 PM

عشان الموتور V-tec مصمم لتوفير البنزين على ال آر بي إم واطي وإعطاء تسارع عند آبي إم عالي
والله أعلم

**samo_1983** · 19-01-2008 07:12 PM

و تقولوا طيارة ....... (:

**م/محمد صلاح** · 19-01-2008 08:56 PM

كوزميك باشا انت المشكله دى حصلت معاك علشان انت كنت جايب الفتيس على ال D ودوست بنزين مره واحده
حاول تجيبها على 1 ودوس بنزين هاتلاقى العربيه نترتك لورا وده لان العربيه على الوضع D مابتكونش مهيأه لقياده رياضيه فابلتالى هاتكون الطلعه بطيئه

الاستاذ سامو مع احترامى الكبير لحضرتك الراجل بيناقش مشكله وفاتحلها توبيك مخصوص وبيدورلها على حل عند ملاك العربيه دى اللى اعتقد حضرتك مش منهم فامفيش اى مجال للتريقه

وان كان ياسيدى مش عاجبك الطياره سميها انت اى اسم ان شالله حتى البطه احنا مايفرقش معانا الكلام ده لاننا شاريين العربيه دى وعارفين امكانياتها مش علشان قالو عليها طياره اشتريناها
يعنى سواء كانت اسمها الطياره ولا حتى البطه ام رجل مكسوره كنا اشتريناها

**omar_megane** · 19-01-2008 08:58 PM

السلام عليكم ورحمة الله وبركاته
اولا انا المشكلة دى محستش بيها علشان مبشدش كتير على العربية بس على العموم انا لقيت link كويس بيشرح الموضوع ده وهوة باختصار زى ما الاستاذ "شاهين بنز" قال وده اللينك
http://www.asashop.org/autoinc/jan2005/techtips.htm
اما بالنسبة للالنترا فأنا مش مصدق انو ممكن بسبق وحتى لو سبق فى البداية المفرض تحصلوا بعد كده وعلى مااعتقد الارقام فى صالح السيفيك
واخيرا ياأخ samo انا مش عارف ليه حضرتك متضايق من السيفيك واصحابها بس على العموم هيا طيارة فى اعين اصحابها وعلى ماأعتقد لو كانت الميتسوبيشى موجودة فى المنافسة دى كان زمانها فى الاخر لأنها اسوأ ارقام تسارع واحصنة

**م/محمد صلاح** · 19-01-2008 09:08 PM

الله ينور ياعمر باشا
الواضح ان الاستاذ سامو مكرس وقته انه يسوا سمعة الهوندا سيفيك مع ان ماحدش فينا راح منتدى ميتسوبيشى يشتم فى اللانسر بتاعته مع اننا كلنا عارفين اللى فيها

الاولى يا استاذ سامو انك توضح مزايا ومميزات سيارتك مش عيوب الاخرين لو انت فعلا ناوى تفيد وتستفيد........!!!!!!

**tito171** · 19-01-2008 09:25 PM

ya wad ya mimo yaly mzabtnaaa

ana tab3an lesa mastlmtsh bas edy2t 2owy lama cosmic 2al en el 3arbya btb2aa ma7'now2aa

ow ma3rftesh arowd

bas shaklk keda ya mimo darst el 3arbya kowees

ow 3ala el 3mowm mafesh mowshkela en 7ad y2owl el 3arbya mesh tayara

asl akeed hya mesh a7san 3arbya fee el 3alaam

bas el mohem yb2aa el kalam wak3y

3ashan n3raf el mowmyzat ow el 3yowb

**جندى مجند** · 19-01-2008 09:55 PM

المشكلة دى كنت ملاحظها أول ما جبت عربيتى برضو (السيتى الـ 1500 برضو موتور VTEC و Throttle by wire) بس بعد كدة الظاهرة دى اختفت من نفسها و مش لاقيلها تفسير بس هى فعلاً بسبب الـ Throttle by wire يعنى هى مش خنقة بالضبط لكن تأخير فى الاستجابة مقداره جزء من الثانية.

**samo_1983** · 19-01-2008 10:48 PM

أنا اسف اذا ازعجت أي حدا من الشباب , بس حبيت اعمل جو و أحرك المنتدى

على كل حال انتظرو مني موضوع عن قصتي مع معشوقتي ((---السيفيك---))

و اسف على كل حال

**CosmicOne** · 20-01-2008 12:37 AM

يا رجالة انا عارف ال i-vtec الى فى السيفيك بتاعتنا
بس جاربو كدة الطلعة المفاجأة من الثبات على ال D or D3 وانتو هتفهموا

انا مكنتش مصدق اوى بس بجد طلعت الانترا الاوتوماتيك على الاول اقوى بكتير و دة مخليها اسرع لحد ال 100 بس مجربناش اكتر من كدة

وبعدين المفروض لو عملت كيك داون او (WOT : Wide Open Throuttle) الفى تك الاقتصادى يقفل و ال 16Valve يشتغلو للاداء

و بعدين انا شوفت على المنتديات الأمريكى و الكندى ان فى ECU reflash للمشكلة دية

MiMo
انا بصراحة اسا مجربتش اطلع على 1 بس انا خايف ملحقش انقل وادخل فى الاحمر

عارفين السبب كمان ان الفرق بينى و بين الالنترا كان ثانيا واحدة لأن الغيار الثانى فى السيفيك كان اقوى بكتير يعنى لو كانت الالنترا زيى كان الموضوع بقى اكتر من ثانية

احنا كنا ثلاثة فى العربية و السيفيك عملت 13ثانيا من 0 - 100
الالنترا بردوا ثلاثا فى العربية عملت 12 ثانيا

نفس الطريق و الاشخاص و جربنا كزا مرة , كنا بننزل من عربية و نركب التانية و نصور العداد فيديو