تتجوز واحدة اكبر منك ؟

**Semsem** · 25-10-2007 02:35 PM

طب يا جماعة لو بنت زي الفل بس امها(حمات المستقبل ازا ربنا اراد) رغاية و لتاتة و عملت مشاكل مع اهلي بسبب سوء تصرفتها

اتعامل معاها ازاي؟؟؟؟

**Ahmed Anwer** · 25-10-2007 02:38 PM

مش عارف أقول لحضرتك أيه .............
بس واحد أكبر مني قبل الجواز نصحني
لو عايز تشوف خطيبتك هتبقي عاملة إزاي
بص لأمها ،، هتبقي زيها بالضبط ،،، حتي لو البنت بتكره أمها
علي رأي المثل ( أكفي القدرة علي فمها تطلع البنت لأمها )

**modux** · 25-10-2007 02:45 PM

المشاركة الأصلية كتبت بواسطة Ahmed Anwer

لو عايز تشوف خطيبتك هتبقي عاملة إزاي
بص لأمها ،، هتبقي زيها بالضبط ،،، حتي لو البنت بتكره أمها
علي رأي المثل ( أكفي القدرة علي فمها تطلع البنت لأمها )

+10000000000000000

**Air Karam** · 25-10-2007 03:01 PM

و اقلبوا الجردل و اعدلوه , يطلع الواد لأبوه

**معاذ الشرباصى** · 25-10-2007 08:24 PM

والله يا جماعة
الواحد الحمد لله ربنا كرمو مؤهلات بدايات الجواز
بس المشكلة في انك تعجبك واحدة مش يعجبك تصرفاتها !!!

تعجبك تفكيرها مش تعجبك هيا شخصيا

بص يا modux

مستحيل تلاقى واحدة تعجبك 100%

مبدئيا و الحاجة اللى مفهاش فصال الدين

بعد كده كل واحد بيبقى له متطلبات او تصور فى دماغه لزوجة المستقبل

و الحاجات دى لازم تبقى مبنية على اساس قدراته هو شخصيا و شخصيته و ما يتناسب معها

علشان بعد كده ميحصلش ما لا يحمد عقباه

بعد الدين الواحد بيقرر ايه هو الحد الدنى من المواصفات سواء فى الشكل او الشخصية اوالمستوى الاجتماعى او التوجه الفكرى

يعنى بالنسبة لى مثلا انا حاطط فى دماغى انا عاوز اعمل ايه مستقبلا, لما اجى ادور على زوجة (بعد عمر طويل) هدور على اللى تقدر تكمل معايا المشوار, و تساعدنى على مواجهة الصعوبات اللى هواجها و تكون طموحتها و ارائها قريبة من اراءى, لأن الشكل هيتغير مع الزمن و المال بيروح و يجى لكن الدين و دماغها متمثلة فى طريقة تفكيرها و ارائها هما تقريبا اللى بيفضلوا زى ما هم

يعنى متعملش زى احمد بدير و تقول عاوز واحدة عينيها ملونة و شعرها اصفر و خلاص :D

**محمدايهاب** · 26-10-2007 12:36 PM

الغريب يا اخى ان معظم السيدات تكون على قناعة تامة ان ابوها هو إلاه الحكمة ومديرها فى العمل هو ابو المفهومية وشقيقها الأكبر هو مثال النجاح فى الحياه، اما زوجها فهو نكبة قد نكبت بها ورضيت وقبلت بنصيبها واهى بتكسب ثواب فى محاولة اصلاحه ، بغض انظر عن الوضع الفعلى لهؤلاء وما اذا كان يطابق فكرتها العجيبة عنهم او لا

المفيد المفيد +1

**محمدايهاب** · 26-10-2007 12:51 PM

أنا صرحة أرفض فكرة إني أتجوز واحدة أكبر مني تحت مبدأ الجاهلية القائم على العادات و التقاليد و أضيف مبدأ العلمي الحديث و هو التجربة و بناءا على هذان المبدأن انا أرفض فكرة رفضا قاطعا جوهرا و قالبا و موضوعا
أنا مع معاذ (قرابة الدم بقه) تنكح المرأة لأربع الدين ثم المال ثم الجمال ثم النسب و تحت هذا الترتيب(مع إلغاء المال) أنا سوف اختار زوجة المستقبل ( البعيد) إن شاء الله
لا خلاف على أن الدين هو الأساس و هو الصفة التي لا نقاش و لا جدال فيها
المال الحمد لله أنا لا أراه مشكلة و هو لا يشكل و لا حتى 1% من قراري في شريكة ( أو شريكات :P ) العمر
الجمال عنصر أساسي و يشكل 25%من القرار ممكن يتقال عليع سطحي بس أنا أفكاري في الجمال والله بسيطة و انا شايف أن 60-70 % من المصريات جميلات ( يعني من الآخر أنا مش معقد شعر أصفر و عيون زرق و .......لأ أنا ما بفكرش كده علشان أنا نفسي مش دون جوان و علشان أنا فكري عن الجمال بسيط
النسب أكيد مهم بس لا أعتقد أن ده هيبقى في مشكلة بنت (فقيرة أو غنية) -(مهندسة أو دكتورة أو معلمة ) -( مصرية أو غير) - من القتهرة او اسكندرية أو غير ) أعتقد ان 90% من الأمثال دي و أمثال تانية كتيير مش يمثل النسب مشكلة بالنسبة ليهم ( أهم حاجة تكون بعيدة عن لسياسيين و الدبلوماسيين :twisted: )

**Abdallah** · 26-10-2007 05:05 PM

لا اوافق

**hossamkoshy** · 27-10-2007 03:45 AM

المشاركة الأصلية كتبت بواسطة Adham

الاحسن ماتتجوزش خالص

و أسأل مجرب

+100000000000
:D :D :D :D

**أبو عمار** · 27-10-2007 11:05 AM

والله الدنيا كلها ما فيها راحة
و اللى مش هيقنع بما رزقه الله عمره ما هيرتاح و لا هيحس بطعم الراحة
اللى اتجوز واحدة أصغر منه يقولك يا عم دى عيله
و اللى اتجوز واحدة أكبر منه يقولك دى متسلطة
و اللى اتجوز واحدة وحشة نفسة فى نانسى عجرم
واللى إتجوز واحدة حلوة إتعود عليها بس بيغير عليها موت
واللى اتجوز واحدة أغنى منه بتتعوج عليه
واللى اتجوز واحدة أفقر منه يقولك مش عارف إيه

و إحنا برضة مش مريحين أوى من وجهة نظرهم

تقولك مثلا دة أزعة مش كان يبقى طويل شوية ، مش كان يبقى غنى شوية ... يا سلام لو كان كريم حبتين ...

الحقيقة هى دى الدنيا يا إخوانا دار السعادة الناقصة دنيا فعلا

حتى فى العربيات تلاقى واحد لسه جايب عربية بـ 100 ألف و مش مرتاح حاسس إنه كان ممكن يجيب حاجة أحسن و الناس فاكراه أسعد إنسان فى الدنيا

فى رأيى التوسط فى كل شى حلو و تقصير الأمل مهم
اللإلتزام بالشرع من أول (فاظفر بذات الدين) مرورا بـ (عاشروهن بالمعروف) و كلكم راع .......هيلاقى نفسه حاسس إن

الدنيا متاع و خير متاعها المرأة الصالحة

و ربنا يبارك لنا و لكم فى حياتنا