الموضوع: قسم حاسبات ولا قسم تحكم

المشاركة الأصلية كتبت بواسطة lancerevolution

من بق مهندس فى السنترال شغل السنترالات مش عايز تقدير بس عايز واسطة أى حاجة تانية لازم تقدير و واسطة

سنترال يعني المصرية للاتصالات مش شركة محمول و دي قصة تانية خالص يا باشا ...... مالهاش دعوة خالص بشركات المحمول التلاتة

المشاركة الأصلية كتبت بواسطة aly_hosny

انا بقى عارف من واحد شغال هناك

طيب انا شخصيا اشتغلت في شركتين من شركات المحمول التلاتة و بمجهودي الخاص و بدون اي توصية و لا حتى من زميل و لا يحزنون ......بلاش نصدق كل حاجة بنسمعها و ننقلها بعد كده

و كل اللي شغالين معايا مش شغالين بواسطة

يمكن الوسايط في بعض الوظائف زي سكرتيرات المديرين الكبار مثلا .....

بس عمر ما مهندس اشتغل كوسة

المشاركة الأصلية كتبت بواسطة aly_hosny

لا لا في شركات المحمول كوسة
اصل مفيش واحد هيجي يقولي انا روحت شركة كذا عشان كوسة
هو اكيد لازم يكون مهندس كويس بس لازم واسطة برضو
يمكن حضرتك كفائة وبهرتهم بس من كلامه مفيش حد بيتعين من غير واسطة والسيفيهات بتوع الامن بيبيعوها بالكيلو
وهو على فكره مش حد هيضحك عليا لانه صديق عمري

انا و الله لا بهرتهم و لا بتاع

و الموضوع رزق مش اكتر

و انا مش هاضحك على حضرتك ...... كل المهندسين في ادارتي ال IT و ال Engineering في الشركتين اللي اشتغلت فيهم بمجهودهم

او بتوصية مش واسطة يعني ايه توصية يعني مثلا دفعتك في الكلية يبعت السي في داخليا من جوة الشركة و دي مش واسطة و لا بتاع لانه كبيره يجيب لك انترفيو و انت و شطارتك في الانترفيو .....

و مفيش حاجة اسمها مفيش حد بيتعين من غير واسطة من المهندسين

و اخيرا و ليس اخرا موضوع سيفيهات الامن مفيش مهندس بيقدم بالطريقة دي (انه يسيب السي في مع الامن) و دي فعلا بيتتفض لها .....

المشاركة الأصلية كتبت بواسطة أبو حمزة

مش عاوز أطلعكم برة الموضوع بس الجزء المقتبس يخصني بما إني شغال في شركة محمول وسكرتير مدير كبير
وطبعاً أعرف سكرتارية كل المديرين الكبار
وبصراحة معرفش فيهم ولا واحد أو واحدة اشتغل بكوسة
ده يأكد الكلام اللي بيقوله أحمد كمال إن مفيهاش كوسة خالص
وبحكم مكاني أفتكر ياما سيفيهات مرت علينا وكانت بتوصيات وكروت لشخصيات مفترض إنها مرعبة وأشهد قدام ربنا إنها اتعاملت بمنتهى الحيادية وعلى فكرة معظمهم كان غير صالح
وبالبلدي بياخد صابونة هو وتوصيته.

يا باشا قصدي على السكرتيرات في شركتي القديمة (جيراننا الحلوين)