ايه اللي انا شفته النهارده ده... لا حول ولا قوة الا بالله.

**M.Osman** · 15-08-2009 02:48 PM

كل ده مع بعضه :
- الطرق : من أسوأ طرق العالم و غير أمنة (ظلام دامس - مطبات و حفر - منحنيات خطرة - لا وجود للارشادات أو اللوحات التحذيرية)
- المرور : غير متواجد ألا في لجان الجباية
- السواقين : مابيعرفوش يسوقوا و لا بيعرفوا حاجة عن قوانين المرور (اللي مش موجودة ألا علي الورق) أو قواعد القيادة
- القدر : مالوش دعوة و ماتقولش علي الاهمال و الاستهتار بحياة الناس قدر

واحد Thanks على ما الزرار يرجع

**M.Mekawy** · 15-08-2009 03:00 PM

كنت قابلت واحد اجنبى كدة مرة فى الغردقة و اتعرفنا عليه , المهم انتوا عارفين المصريين , اول سؤال سالتهوله ايه رأيك فى مصر و بتاع , الراجل قعد يشكر , لكن قاللى الطرق عندكم رعب و كان مذبهل من العادة المصرية بعدم تشغيل أنوار السيارات غالبا بالليل , فا قلتله عشان الناس متعملش glare فى وش الناس التانية يقوموا يخبطوا فبعض , قام قاللى اه كده يخبطوا فى بعض و هما مش شايفين أحسن , بصراحة عندو حق
هو كل اللى شافو هو طريقه من مطار الغردقة للقرية , دنيا.....

**most_wanted** · 15-08-2009 04:15 PM

لا حول ولا قوه الا بالله
الواحد من كتر الحوادث الي بيسمع عنها كل يوم ديه بقا يخاف يركب عربيته .............

**نور العمر** · 15-08-2009 04:42 PM

دايما بدين سائقي المقطورات والنقل
بيكونو شاربين ومش نايمين ومتهورين في السواقة

ولو مفيش نقل او مقطورة بيكون بسبب السرعة الجنونية على الطريق

ربنا يحفظنا جميعا من شر الطريق

في التأني السلامة وفي العجلة الندامة

**madoo** · 15-08-2009 04:59 PM

يووووووووه مش هنخلص لو قعدنا ند بس فعلا العيب مش فينا الخليجيين بيسوقوا اسرع مننا ومتهوريين اكتر مننا بس طرقهم محترمه ونضيفه ماتتلوموش السرعه لأنها مش لوحدها هى السبب

عندك حق بس برده متنساش ان 3 ارباع اللى بيسوقوا فى مصر معندوهمش وعى بالطريقه الصح للقياده واحترام الغير واحترام المرور والطريق

والله مره وانا ماشى على القاهره الاسكندريه الزراعى وماشى فى اليمين ببص لاقيت جرار زراعى ماقبلنى الوش فى الوش وشمالى مقفول والله العظيم عملت كيك داون وزنقت نفسى قدام العربيه اللى على شمال والجرار بغرزه مرعبه كنت هموت فيها

**evoo90** · 15-08-2009 05:50 PM

المشاركة الأصلية كتبت بواسطة madoo

عندك حق بس برده متنساش ان 3 ارباع اللى بيسوقوا فى مصر معندوهمش وعى بالطريقه الصح للقياده واحترام الغير واحترام المرور والطريق

والله مره وانا ماشى على القاهره الاسكندريه الزراعى وماشى فى اليمين ببص لاقيت جرار زراعى ماقبلنى الوش فى الوش وشمالى مقفول والله العظيم عملت كيك داون وزنقت نفسى قدام العربيه اللى على شمال والجرار بغرزه مرعبه كنت هموت فيها

مافكرتش السواق ده ايه اللى يخليه يخش عكس كده ويعرض حياته وحياه غيره للخطر !!!!
حاجه من الاتنين يا اما عايز يوصل بسرعه عشان مافيش سكه على طول توصله للحته اللى هو عايزها او سكه مقفوله اوممكن نقول عيب الطريق او انه غبى بقى ومش هامه حياه الناس التانين
يا أما هو يا اما الطريق

**M.Osman** · 15-08-2009 06:08 PM

المشاركة الأصلية كتبت بواسطة madoo

عندك حق بس برده متنساش ان 3 ارباع اللى بيسوقوا فى مصر معندوهمش وعى بالطريقه الصح للقياده واحترام الغير واحترام المرور والطريق

والله مره وانا ماشى على القاهره الاسكندريه الزراعى وماشى فى اليمين ببص لاقيت جرار زراعى ماقبلنى الوش فى الوش وشمالى مقفول والله العظيم عملت كيك داون وزنقت نفسى قدام العربيه اللى على شمال والجرار بغرزه مرعبه كنت هموت فيها

طب لما تلاقي جرار زراعى جايلك في الشمااااال في وشك (و مقرب نفسه اوي من الحاجز اللي في النص قال يعني كدا محترم)

انا ساعتها مكنتش بجري بسرعة ..كنت على 90 مثلا ولا حاجة روحت مهدي و واخد يميني
و انا لازق ايدي عالكلاكس .. و يا ريته يفهم!!

و يقولك قانون مرور قال!!
(*.*.*.*.*.*.*....................!!!)

**dabdob86** · 15-08-2009 06:18 PM

عندك حق بس برده متنساش ان 3 ارباع اللى بيسوقوا فى مصر معندوهمش وعى بالطريقه الصح للقياده واحترام الغير واحترام المرور والطريق

المشاركة الأصلية كتبت بواسطة evoo90

مافكرتش السواق ده ايه اللى يخليه يخش عكس كده ويعرض حياته وحياه غيره للخطر !!!!
حاجه من الاتنين يا اما عايز يوصل بسرعه عشان مافيش سكه على طول توصله للحته اللى هو عايزها او سكه مقفوله اوممكن نقول عيب الطريق او انه غبى بقى ومش هامه حياه الناس التانين
يا أما هو يا اما الطريق

المشاركة الأصلية كتبت بواسطة successcre8or

طب لما تلاقي جرار زراعى جايلك في الشمااااال في وشك (و مقرب نفسه اوي من الحاجز اللي في النص قال يعني كدا محترم)

انا ساعتها مكنتش بجري بسرعة ..كنت على 90 مثلا ولا حاجة روحت مهدي و واخد يميني
و انا لازق ايدي عالكلاكس .. و يا ريته يفهم!!

و يقولك قانون مرور قال!!
(*.*.*.*.*.*.*....................!!!)

فى اصلا مشكلة كبيرة ان فى ناس كتير مش حاسة يعنى ايه بنى ادم مش حاسة بالنعمة اللى ربنا مديهاله انه يكون عايش اصلا فمش فارقة معاه
و فيه ناس بتعمل الغلط و مش حاسة ان ده غلط اصلا لا ده عادى جدا اللى بيعمله و تيجى تكلمه يقوم داخل فيك شمال
فيه قيم و اخلاق كتير للاسف مفقودة فى جزء كبير من الشعب المصرى للاسف
و ربنا يحفظنا جميعا من الحوادث

**MoToRiZeR** · 15-08-2009 07:03 PM

المشاركة الأصلية كتبت بواسطة M.Mekawy

كنت قابلت واحد اجنبى كدة مرة فى الغردقة و اتعرفنا عليه , المهم انتوا عارفين المصريين , اول سؤال سالتهوله ايه رأيك فى مصر و بتاع , الراجل قعد يشكر , لكن قاللى الطرق عندكم رعب و كان مذبهل من العادة المصرية بعدم تشغيل أنوار السيارات غالبا بالليل , فا قلتله عشان الناس متعملش glare فى وش الناس التانية يقوموا يخبطوا فبعض , قام قاللى اه كده يخبطوا فى بعض و هما مش شايفين أحسن

, بصراحة عندو حق
هو كل اللى شافو هو طريقه من مطار الغردقة للقرية , دنيا.....

هههه انا برضه إتعرفت علي واحد مصري بس مولود و عايش في هولندا و أول مرة ييجي مصر فا في وسط الكلام بيقولي القاهرة حلوة بس زحمة و بخاف أعدي الشارع و بخاف من سواقة سواقين التاكسي .. قمت واخده و طالعين عالدائري الساعة 6 المغرب في الشتاء ( مطحنة !!! و بتكون الدنيا ليلت و البقاء للي ربنا يوفقه ) .. في خلال عشر دقائق كان إبتدي يترعش و كان مكلبش في الحزام و حسيت إنه عايز يعيط .. و اما وصلنا أكتوبر و ركنا نزل قعد عالرصيف و قاللي إنت بطل إنك دي حياتك ولسة عايش

**Samir Elshahawy** · 15-08-2009 07:14 PM

أنا في مرة كنت في شغل في بورسعيد و رجعت بالليل و كان معايا زميل من أيطاليا و طول الطريق كان متسمر في الكرسي و كل ما اكلمه ألاقيه يرد بكلمة أو كلمتين أو مايردش علشان مايشغلنيش عن الطريق و اللي كنا شايفينه فيه من بتوع النقل و التوك توك و أول ماوصلنا حدود الرحاب قالي "سمير انا مش مصدق أننا وصلنا , بس بصراحة سواقتك سريعة و بتجاري الطريق لكن أمنة جدا , أشكرك ياصديقي"

الموضوع: ايه اللي انا شفته النهارده ده... لا حول ولا قوة الا بالله.

LinkBack

أدوات الموضوع

عرض

-

-

-

-

-

-

-

المواضيع المتشابهه

لا حول ولا قوة إلا بالله..عملت حادثة بالعربية النهارده

شوفتو اللي حصل في حلقة دوس بنين النهارده ؟؟؟؟؟؟؟

يا تري ايه العربيات الجديده اللي فيها الاوازيكوا يا جماعه النهارده كان في مبشن ده؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة