خلاص زهقت و محتار

**beihoo** · 17-08-2009 01:06 AM

يا جماعة شكرا لكل اللي رد عليا و جزاه الله خيرا

لكن يا ريت لما تقولولي ليه رجحتوا دي عن دي بغض النظر عن الميول الشخصية.

الفابيا إختياري الأول منذ البداية لكن العقبات المتتالية هي اللي خلتني أفكر في غيرها و عاوز أعرف هل فعلا لو جبت الكوردوبا فهل هي إختيار موفق و لا فعلا الفابيا ما تتعوضش و لا حتى بالكوردوبا.

**kareemhisham** · 17-08-2009 01:27 AM

انا من رأى ان الفابيا متتعوضش بأى حاجة ,,

موتور قوى ,,

اوبشنز كتير ,,

شكل تحفة و جدييييد

و بسعر زاى دة ,,

انا شايف انها تكسب الكوردوبا

**Migo123** · 17-08-2009 04:33 PM

مش عارف اقولك ايه ؟؟
ربنا يكون في عونك

بس لو العمليه ممكن تخلص في شويه وقت زياده .... وانت في الاصل العربيه عجباك ... مش مشكلع شويه الوقت دوول .... أول ما تستلم العربيه هتنسى كل امشاكل اللي قابلتك وانت بتشتريها

بصراحه انا عاينت الاتنين كويس
بغض النظر عن اي فنيات في الموضوع خصوصا انك مغطيها تقريبا في مقارناتك السابقه

صالون الفابيا سبورت احساس تاني خالص غير الابيزا و القرطبه حسيت انها كئيبه قوي من جوه.

ربنا يكتبلك الخير باذن الله

**beihoo** · 17-08-2009 09:44 PM

المشاركة الأصلية كتبت بواسطة migo123

مش عارف اقولك ايه ؟؟
ربنا يكون في عونك

بس لو العمليه ممكن تخلص في شويه وقت زياده .... وانت في الاصل العربيه عجباك ... مش مشكلع شويه الوقت دوول .... أول ما تستلم العربيه هتنسى كل امشاكل اللي قابلتك وانت بتشتريها

بصراحه انا عاينت الاتنين كويس
بغض النظر عن اي فنيات في الموضوع خصوصا انك مغطيها تقريبا في مقارناتك السابقه

صالون الفابيا سبورت احساس تاني خالص غير الابيزا و القرطبه حسيت انها كئيبه قوي من جوه.

ربنا يكتبلك الخير باذن الله

و الله مش عارف أقول لك إيه يا ميجو .. و الله توكيلها كرهني إني أجيبها للأسف

حتى لما بحاول أجيبها من معرض بره بنفس اللون بينكروا إن عندهم العربية !!!

بصراحة حسيت إنهم حاجزينها لحد تاني أو عارفين إن اللون ده مطلوب فبيحاولوا يزحلقوا الباقي

دا غير السمسرة اللي بيعملوها بتوع المبيعات مع البنك و بيعقدولك الدنيا عشان تجيبها عن الطريق اللي هما عاوزينه و بس .. و الله النهاردة شفت ورق في بنك فيصل لنفس الفرع مخلصين فيه عربية مع بنك فيصل بنفس طريقة تعامل بنك فيصل !!! و أكتر من حالة كده .. لدرجة إن بتوع بنك فيصل كانوا مستغربين جدا من الحكاية دي.

هاعمل إيه .. هي دي مصر و ذمم الناس في مصر .. الناس معندهاش أي مانع تطلع عينك و تعذبك عشان تاخد قرش من هنا أو هناك بغض النظر حلال و لا حرام.

عموما قدر الله و ما شاء فعل و ربنا يهدينا للي فيه الخير ..

**Migo123** · 18-08-2009 01:00 PM

انا عارف معاناتك و متخيلها تماما ...... المبيعات في سكودا مليئة بعلامات الاستفهام من اول مسئولين المبيعات اللي بيقابلوك في المعارض لحد اكبر راس في الادارة
تجربتي مع سكودا بتقول ان الناس دي مستغنيه مش عايزه تبيع ....... وفي تربيطات كتير ومصالح مع الموزعين (يعني انت رايح تشتري من الوكيل تلاقيه بيبعتك لموزع)

التوكيل ده لو مع شركه مهتمه بيه كانت بقت عربيه مصر الاولى ...... خصوصا ان عتدهم تنوع في الموديلات من اول 87 الف لغايه 200 الف

**beihoo** · 19-08-2009 12:40 AM

المشاركة الأصلية كتبت بواسطة Migo123

وفي تربيطات كتير ومصالح مع الموزعين (يعني انت رايح تشتري من الوكيل تلاقيه بيبعتك لموزع)

التوكيل ده لو مع شركه مهتمه بيه كانت بقت عربيه مصر الاولى ...... خصوصا ان عتدهم تنوع في الموديلات من اول 87 الف لغايه 200 الف

أهو إنت كده جبت الزتونة اللي في الموضوع

على رأي الليمبي

نفس اللي حصل معايا .. تروح ببنك تاني يعقدولك الدنيا .. و بعد ما تتبعت مع البنك اللي تبعهم يقوم يقولك معلهش هانجيبهالك مع معرض بره مش من الوكيل .. نصب في نصب و قلة أدب

فعلا لو التوكيل مع شركة محترمة و مهتمة كانت بقت عربية مصر الأولى ... عموما قدر الله و ما شاء فعل .. و قررت إني أروح أجيب الكوردوبا من الوكيل بتاعها اللي ناقص يشيلني من على الأرض شيل.

و الله زعلان إني هاسيب العربية بس أقول إيه .. منهم لله.

**kareemhisham** · 19-08-2009 12:47 AM

المشاركة الأصلية كتبت بواسطة beihoo

أهو إنت كده جبت الزتونة اللي في الموضوع :c_laugh[1]: على رأي الليمبي

نفس اللي حصل معايا .. تروح ببنك تاني يعقدولك الدنيا .. و بعد ما تتبعت مع البنك اللي تبعهم يقوم يقولك معلهش هانجيبهالك مع معرض بره مش من الوكيل .. نصب في نصب و قلة أدب

فعلا لو التوكيل مع شركة محترمة و مهتمة كانت بقت عربية مصر الأولى ... عموما قدر الله و ما شاء فعل .. و قررت إني أروح أجيب الكوردوبا من الوكيل بتاعها اللي ناقص يشيلني من على الأرض شيل.

و الله زعلان إني هاسيب العربية بس أقول إيه .. منهم لله.

الله يكون فى عونك ,, انا عارف انك عايز عربية و ان سكودا و البنك ارفوك ,,

بس لازم اقولك ,, انا فعلا زعلانلك عشان هتسيب الفابيا ,, بصراحة حرام تروح تشترى بالمبلغ دة عربية قديمة كدة ,,

انا لو مكانك هستحمل و استنى ,, و بص على مواصفات العربيتين تانى و بعدين قرر

**beihoo** · 19-08-2009 01:15 AM

المشاركة الأصلية كتبت بواسطة kareemhisham

الله يكون فى عونك ,, انا عارف انك عايز عربية و ان سكودا و البنك ارفوك ,,

بس لازم اقولك ,, انا فعلا زعلانلك عشان هتسيب الفابيا ,, بصراحة حرام تروح تشترى بالمبلغ دة عربية قديمة كدة ,,

انا لو مكانك هستحمل و استنى ,, و بص على مواصفات العربيتين تانى و بعدين قرر

الله يخليك يا كريم .. بس كده اللي بيوضحلي يوم بعد يوم خاصة مع تذكر بعض التفاصيل البسيطة إن السبب مش البنك لكن "الناس" اللي شغالة في التوكيل ناس مش دوغري و هما اللي بيعقدوا الدنيا عشان يطلعوا بعمولة .. انا لسه مفتكر يوم لما سالتهم لو لغيت الحجز عندكم هاخسر أد إيه قالولي 400 جنيه و لما رحت خلاص عشان أخد فلوسي لقيت إن اللي مكتوب في النموذج بتاع إسترداد المقدم فقط 100 جنيه .. طبعا هو عارف إني لو لقيت المبلغ اللي هاخسره هو هواه اللي هاخسره لو لغيت إستعلام البنك مش هاعبره فكذب عليا عشان أكمل معاه و عشان هو عارف إني عاوز اللون الأحمر بالذات !!!

الأغرب بقى إن مندوب المبيعات هناك عرض عليا إنه يجيبهالي (نفس العربية) من معرض بره قال يعني جدعنة منه و لما عرف إني بدور على الكوردوبا بعتني لمعرض معين عشان أشوفها هناك و لقيته متصل بيا بعدها عشان يقولي جبتلك خصم فيها كمان !!!!!

طبعا و لا عبرته و لا هاعبره لأن ثبت لي بالتجربة إنه إنسان كذاب و مخادع و مشكلتي الحقيقية إني إنخدعت و وثقت فيه. لتاني مرة منهم لله و مش مسامحهم.

بخصوص الكوردوبا .. هي نفس الموتور و تزيد إن الفتيس تيبترونك و نفس الشاسيه و نفس الباور الكهرباء.. حتى لما فتحت الحوض بتوع الاتنين لقيته تقريبا واحد و منسوخ

الكوردوبا من بره شكلها أفضل و سيدان و شنطة كبيرة 485 لتر و فيها فتحة سقف كهرباء و طارة ملتي فانكشن

شوية الحاجة دي حسستني إنها عوضتني -جزئيا- عن خسارتي للفابيا و لغياب الحاجات دي عن الابيزا -الأكثر إنتشارا- مفكرتش فيها أصلا.

و الله المستعان.

**osamaz** · 19-08-2009 10:29 AM

بص يا عم beeho...أنا لسة مكلم أباظة اوتو ترد و هما عندهم العربية و كل الطرازات..والناس ده فعلاً كويسة...
بالنسبة للفابيا والكوردبا:
الفابيا حاسس انها تكنولجي مختلف عن الكوردوبا.
ستيل أحلى بكتير من الالكوردوبا
الكوردبا الاديما في ناس كتير أوي اشتكت منها...عربية مش أد كدا لكن بالنسبة للجديدة الله أعلم.
مش عارف...بس أنا معايا حوالي ١١٠-١٢٠ ألف و بألي شهرين بعمل مقارنات و la2eat إن أحسن حاجة في الكاتجري دة هي الفابيا....حاسس اني راكب A5 بس as3ár شوية.
على العموم ربنا معك و إبئة طمنا عليك

**beihoo** · 19-08-2009 04:07 PM

المشاركة الأصلية كتبت بواسطة osamaz

بص يا عم beeho...أنا لسة مكلم أباظة اوتو ترد و هما عندهم العربية و كل الطرازات..والناس ده فعلاً كويسة...
بالنسبة للفابيا والكوردبا:
الفابيا حاسس انها تكنولجي مختلف عن الكوردوبا.
ستيل أحلى بكتير من الالكوردوبا
الكوردبا الاديما في ناس كتير أوي اشتكت منها...عربية مش أد كدا لكن بالنسبة للجديدة الله أعلم.
مش عارف...بس أنا معايا حوالي ١١٠-١٢٠ ألف و بألي شهرين بعمل مقارنات و la2eat إن أحسن حاجة في الكاتجري دة هي الفابيا....حاسس اني راكب a5 بس as3ár شوية.
على العموم ربنا معك و إبئة طمنا عليك

شكرا يا أسامة على مرورك .. انا مش محتاج أقتنع بالفابيا لأني من أكتر الناس اللي مقتنعة بالعربية

الفابيا فيها فعلا كماليات أعلى لكن التكنولوجيا في الموتور و الجير بوكس واحد

و كاستيل أعتقد الكوردوبا شكلها من الخارج أفضل و أفخم من الفابيا لكن في الصالون العكس هو الصحيح زي ما قلت قبل كده

و فعلا الفابيا فانتازيا على صغير و أعتقد إن فابيا ميني معناها إنها ميني a5 مش ميني كوبر

قبل كده بنك فيصل حاول يوفر لي العربية عن طريق أباظة بس يومها مكنش عنده اللون اللي عاوزه فقلت ممكن استنى اسبوع مع التوكيل زيادة بس أخدها باللون اللي عاوزه لكني كنت واهم .. و بتوع أباظة كلموني تاني يوم و قالولي العربية متوفرة باللون اللي إنت عاوزة لكن للأسف كنت بدأت إجراءاتي مع البنك اللي تبع الوكيل و لغيت الاستعلام بتاع بنك فيصل.

سيات إبيزا محدش يقدر يقول إنها وحشة أبدا و الكوردوبا هي السيدان بتاعتها يعني حاجة كده زي الفابيا و الفابيا سبايس و كلهم من فولكس فاجن . و إن شاء الله لما أجيب الكوردوبا هابقى أركب لها مثبت سرعة و جنوط عشان تبقى أكثر تميزا.

الموضوع: خلاص زهقت و محتار

LinkBack

أدوات الموضوع

عرض

يا ريت ... -

-

-

-

-

-

-

المواضيع المتشابهه

انا خلاص زهقت

انا خلاص زهقت

خلاص زهقت و محتار...

أنا خلاص زهقت

خلاص زهقت حد يساعدنى

الكلمات الدلالية لهذا الموضوع

المفضلات

المفضلات

ضوابط المشاركة