ياجماعة دا الباور بتاع العربية
لما تكسر الدركسيون علي الاخر سواء
يمين او شمال واظن مش فيها مشكلة
عرض للطباعة
الله ينور عليك يانادر
انا قلت انت اللى هتجيب قرار الموضوع دا
طب لو افترضنا ان العيب فى المكنه او فى السير زى ما انت قلت
يبقى ايه الحل بتاعه ؟
وليه العربيات كلها تقريبا فيها الحكايه دى ؟
وهل ده يعتبر عيب ولا حاجه عاديه ؟
وهل ممكن يبقى فى ضرر او تلف فى العربيه فى المستقبل على المدى البعيد ؟
انا عربينى 2008 مانول و عاملة 33800 كلم و لحد دلوقتى مفيش الصوت دة
الصوت اللى بسمعة من الدركسيون لما ببقى مشغا التكيف و بحود الدركسيون وانا واقف غير كدة مفيش
يا باشا متشكر و ربنا يخليك
لو كان الصوت بيحصل ساعة زيادة الحمل على السير او المكنة فقط يبقى دا عادى و مش عيب اصلاً لان اى عربية بور هتكون كده و كمان مكنة البور دى بيكون فيها بلف ارتجاع للزيت عند زيادة الحمل و بكده تبقى مصممة على كده و مش هيحصل للعربية اى ضرر فى المستقبل دا فى حالة ان البور سلس و مش تقيل
بكده ممكن الموضوع يطلع طبيعع فى اى عربية بور زيت و يبقى محتاجين نبص على عربيات من ماركات تانية عشان نحكم صح
لكن لو كان صوت التزييق بيحصل عند اى لفة للدركسيون و كمان الدركسيون تقيل و غير طبيعى يبقى اكيد فى حاجة بتزود الحمل داخل علبة الدركسيون زى البستم او البلف الدوار rotary valve الموجود داخل محور الادارة يكون مابيفتحش كويس مثلاً او تكون دورة الزيت محتاجة نظافة، و ممكن يكون سير الدينامو اترخى و عايز يتغير او يتشد
اللينك دا بيوضح تصميم مكنة البور و البلف الدوار HowStuffWorks "How Car Steering Works"
و هنا تصميم علبة الدركسيون و البستم HowStuffWorks "How Car Steering Works" و دى مشابهة لعلبة الاوبترا
الكلام دا يثبت ان الصوت بيطلع من السير عشان لما تشغل التكيف الحمل بيزيد على السير و كمان و العربية واقفة بيكون العجل تقيل و احنا مش حاسين عشان البور، حاول مره تلف العجل و الموتور مطفى هتلاقى الدركسيون تقيل جداًاقتباس:
انا عربينى 2008 مانول و عاملة 33800 كلم و لحد دلوقتى مفيش الصوت دة
الصوت اللى بسمعة من الدركسيون لما ببقى مشغا التكيف و بحود الدركسيون وانا واقف غير كدة مفيش
و فاكرين العربيات القديمة المافيهاش بور زى ال 132 و 131 و 128 بيكون الدركسيون تقيل و العربية واقفة و بيبقى عادى فى المشى
انا معايا اوبترا 2008
فعلا الصوت ده بيحصل معايا بس لما روحت التوكيل كذا مرة قالي ان الحوار ده عادي خالص بسبب اني كنت بكير الدريكسيون علي الاخر خالص وده غلط في اي عربية وفعلا لما مش بكسر ع الاخر مش بسمع حاجة وخلاص وجربت الموضوع ده في عربيات كتير اوي
شوف الموضوع ده
http://www.nilemotors.net/Nile/11669-a.html
كل العربيات ال فيها بور لما تجيب الدريكسيون لاخره بيعمل الصوت ده نتيجة فتح صمام لتخفيف ضغط الزيت عشان طلمبة الباور ما تضربش
السلام عليكم ورحمه الله وبركاته
يا جماعه انا عندى اوبترا 2008 وعند صيانه ال20000 فى منصور ك 4.5 قلتله انى بسمع تزييق فى الدركسيون عند اللف يمين وشمال وجربت لما استلمت العربيه لقتها زى الفل...فانصحك الصيانه الجيه تقلهم على الموضوع ده
وانا بيتهيقلى ان السؤال عن تزيق عند اللف يمين او شمال مش الصوت الصادر عند لف الدريكسيون على اخره