من القاهرة المعمورة

**GBYTE** · 15-08-2009 11:54 PM

[justify]بسم الله الرحمن الرحيم

بعد التحية

اولا كل عام وانتم بخير بمناسبة شهر رمضان المعظم

عايز اروح المعمورة من القاهرة هل فى تفريعة من الطريق الصحراوي ( اسكندرية ) للمعمورة ولو امكن فى شارع هناك اسمه شارع النزهة[/justify]

**ahmad--ezzat** · 16-08-2009 12:04 AM

اللى اعرفه ومضمون ان تدخل اسكندريه وتمشى مع الكورنيش لحد الاخر وتنزل النفق عند سور المنتزه تمشى حوالى كيلو وتدخل شمال هتعدى قضيب سكه جديد هتلاقى بوابه المعموره عند بنزينه مصر

**GBYTE** · 16-08-2009 12:24 AM

انا عارف هذا الطريق بس همشي الكورنيش كله الى الاخر من عند المنتزه فهل فى طريق من الصحراوي والف شكر اخى الكريم

**ahmedsamir79** · 18-08-2009 08:53 PM

الكورنيش أفضل طريق

**heshaaam** · 23-08-2009 04:14 AM

ف طريق مباشر من قدام كارفور سريع لاسكندرية عن طريق الدولى الساحلى بس معرفوش بس فى يفطة موجودة

وممكن تاخد طريق جمال عبد الناصر لغاية شيراتون المنتزة

**بحري** · 26-08-2009 02:24 AM

متأخرة بس معلش ممكن حد تاني يستفيد
بتيجي القاهرة اسكندرية الصحراوي وبعد بوابة اسكندرية بتعد ٣ كباري علوية وقبل كارفور مباشرة بتلاقي كوبري علوي عرضي على الطريق وبتلاقي الكوبري ده مميز لأنه مزخرف وعليه نقوش ورسومات
المهم
الكوبري ده هو الطريق الدولي فقدامك طريق من اتنين الأول الدولي والثاني الدائري
الدولي: بتطلع الطلعة اليمين اللي بتطلعك على الكوبري ده وتفضل ماشي مسافة ٤٠ كيلو متر تقريبابتعدي فيها على نزلة الطريق الزراعي وبعدها بخمسة كيلو تقريبا حتلاقي كوبري علوي وده متجه إلى رشيد وبورسعيد المفروض ما تطلعوش وتنزل تحت منه يمين في شمال وده بيبقى امتداد شارع ٤٥
في قبل الكوبري ده يافطة مكتوب عليها (المعمورة المنتزة طريق مصطفى كامل) وهي مش واضحة بالنهار أساسا وبالليل من باب أولى
بتعتمد على إنك بعد نزلة الزراعي بتمشي واحدة واحدة يمين لمسافة خمسة كيلو وحتعرف السكة بسهولة إن شاء الله
لما توصل لامتداد طرق ٤٥ بتفضل واخده للآخر وبتوصل نصب تذكاري في آخره كده أو تمثال عجيب وبتكسر يمين مع الشارع وده بيبقى اسمه طريق مصطفي كامل (الملاحة) بتفضل ماشي فيه لغاية الآخر بتلاقي بعد حوالي ٥ كيلو ملتقى طريقين ونصب تذكاري على هيئة مسلة وعندها محطة قطار الإصلاح لو كملت الطريق ده على طول تبقى في اتجاه أبوقير ولو رايح المعمورة متكملش وخد أول يوتيرن شمال بعد ٢ كيلو بالظبط حتلاقي مدخل المعمورة إن شاء الله

الطريق الثاني وهو الطريق الدائري
ما تطلعش الكوبري العلوي السابق وتكمل بيبقى كارفور على شمالك متلفش شمال خليك على طول امتداد الصحراوي وهو ده الدائري بتفضل معاه لغاية الآخر وتمشي مع العربيات زي ماهي ماشية تمام لمدة ٢٠ دقيقة تقريبا حتلاقي نفسك عند تقاطع امتداد طريق ٤٥ مع طريق مصطفي كامل والباقي زي الوصفة اللي فاتت

أرجو إن الوصف يكون واضح وميلخبطش زيادة
الكورنيش أظرف ولكن لما الدنيا تبقى رايقة ومفيش زحمة لكن لو فيه زحمة أفضل الدائري لأنه مختصر نسبيا ولو متوقع أن منطقة العوايد على الدائري تكون زحمة فبيبقى الدولي هو الحل السحري وتلت ساعة من قرب كارفور تبقى جنب المعمورة