الموضوع: عاوز معلومات عن مدينتى

السلام عليكم ورحمة الله وبركاتة

انا كنت عاوز استفسر عن كام حاجة كدة بخصوص السكن فى مدينتى

1- بتبعد اد اية عن مصر الجديدة واية اقرب مكان للسكن فى مدينتى من مصر الجديدة كان مكتوب فى خريطة الموقع تبعد 10 دقائق عن مصر الجديدة وكان مكتوب التجمع السكانى 2 وانا مفهمتش حاجة

2- بالنسبة لاسعار الشقق كام ونظام القسط الشهرى قد اية والسنوى يعنى كلة على بعضة بدفع كام وكل اد اية

وهل الشقق متشطبة ولا بستلمها على المحارة


معلش طولت عليكم وارجو من اخوانى فى المنتدى مساعدتى وشكرا

المشاركة الأصلية كتبت بواسطة ice_wolf

السلام عليكم ورحمة الله وبركاتة

انا كنت عاوز استفسر عن كام حاجة كدة بخصوص السكن فى مدينتى

1- بتبعد اد اية عن مصر الجديدة واية اقرب مكان للسكن فى مدينتى من مصر الجديدة كان مكتوب فى خريطة الموقع تبعد 10 دقائق عن مصر الجديدة وكان مكتوب التجمع السكانى 2 وانا مفهمتش حاجة

2- بالنسبة لاسعار الشقق كام ونظام القسط الشهرى قد اية والسنوى يعنى كلة على بعضة بدفع كام وكل اد اية

وهل الشقق متشطبة ولا بستلمها على المحارة


معلش طولت عليكم وارجو من اخوانى فى المنتدى مساعدتى وشكرا

1- المسافة فعلا في حدود نص ساعة

2- الاسعار حسب المساحات و حسب الموقع و ال view ...... ممكن تروح مكتب الشركة في عمر ابن الخطاب في مصر الجديدة تتفرج على المجموعات و تختار مجموعة و بعدين عمارة و شقة و تشوف سعرها كام

انت بتدفع دفعة حجز وقت ما تحجز

و بتدفع اقساط شهرية

و بعد 3 شهور دفعة تعافد و تستلم العقد و تمضي شيكات بباقي الاقساط كلها (و ده اريح لانهم بيسحبوا القسط بدل ما تروح تدفعه)

و فيه قسط سنوي كل سنة

و فيه دفعة استلام و صيانة وقت الاستلام




فيه شقق متشطبة و فيه عالمحارة و رأيي خليك في المتشطب عشان اوفر لك ......

الف شكر ياجماعة على المعلومات وجزاكمالله خير

المشاركة الأصلية كتبت بواسطة ahmed4000

الاحسن كمان انك متشتريش من الشركة وانما تشترى من واحد حاجز حجز قديم
حتلاقى الاقساط اقل والاستلام اقرب
حتدفعله اوفر صحيح بس فى الاخر حتبقى كسبان
بص على الوسيط والاهرام جتلاقى ناس عارضة مدينتى كتير
انا اعرف واحد عارض شقته باقل من تمنها بحوالى 10 الاف جنيه لانه عايز يبدلها بشقة اكبر فى مدينتى ومستعجل

وربنا يوفقك ان شاء الله وياريت متسمعش كلام الناس اللى حيقعدوا يحبطوك ويقولوك طلعت مصطفى جيتعدم والكلام ده
لان الشركة فيها شركا كبار زى البنك العربى الافريقى ومستثمرين خليجين فالشركة مش حتقع بموت طلعت

غير ان الشركة مصلحتها تكمل انشاء الشقق

كمان حتسمع كلام من نوعية "المتر ب6 الاف جنيه" ليييييييييييه؟ وده بيدل ان الناس مش فاهمة حاجة، لان المتر ب 6 الاف جنيه على 17 سنة وده بالحساب الفعلى كانى بقول سعر كاش اقل من 3 الاف جنيه للمتر..بس للاسف الشعب المصرى مبيفهمش جزيئة الزمن وقيمة الفلوس


بالتوفيق ان شاء الله

انا مش معاك في جزئية الشراء من حاجز قديم

لانه مش هيقدر يبيع لك الا بتوكيل ...... او لو عايزه ينقل لك الملكية في الشركة يتغير نظام التقسيط يبقى 4 سنين بس و هتدفع تقريبا 3% من قيمة الشقة رسوم نقل ملكية

و طبعا مصيبة التوكيل

1- هو يقدر يبيعها لحد تاني

2- الشيكات بتاعة الاقساط لسه باسمه و انت كل شهر هتحط الفلوس في حسابه او تديهاله عشان تتسحب و لو هو استندل انت لبست

3- لو هو مات انت لبست

4- لو انت لا قدر الله متت ورثتك لبسوا

5- مش هتعرف تنقل ملكية الا بعد التسجيل و ده بعد نهاية الاقساط بكذا سنة


بقية المعلومات انا متفق معاك فيها (موضوع سعر المتر و موضوع ان الشركة مش واقفة على هشام طلعت)

المشاركة الأصلية كتبت بواسطة ahmed4000

اهلا بيك اخى الفاضل
هو الناس كلها بتشترى الشقق عامة ازاى؟ بتوكيل لان غالبية الشقق غير مسجلة وتسجيلها محتاج موال
بالنسبة لمدينتى والرحاب فالناس كلها شغالة فيها بتوكيل لان رسوم التنازل 5% وده رقم خيالى وبصراحة حرام ندفعه

بالنسبة لخوفك من التوكيل

1- ميقدرش يبعها لحد تانى لانك اولا حتاخد كل ورقها، ثانيا انت حتعمل عقد بيع كمان يبقى حيبعها ازاة

2- الشيكات باسمه دى حلوة ليك مش عيب، وانت مش حتديله فلوس فى ايديه ولا فى حسابه هو الشيك بتاعه حيترفض وانت حتدفع فى الشركة وحتاخد ايصال، بالعكس دا البايع بيبقى نفسه يتنازل علشان يغير الشيكات

3- لو هو مات برده الشقة بتاعتك مهو بايعلك وعاملك توكيل وانت ممكن زيادة فى التوكيد تروح بايع لنفسك وكده محدش يقدر يقولك حاجة

4- برده لو انت مت نفس الكلام السابق الورثة بتوعك معاهم عقد

5- كده كده هى مش حتتسجل فى الشهر العقارى الا لما تخلص اقساطها سواء باسمك او باسم غيرك وانت معاك توكيل شامل


اخر حاجة احب اقولها ان التوكيل اللى بيتعمل مبيبقاش توكيل عادى، ولكن بيبقى اسمه توكيل غير قابل للفسخ يعنى البايع ميقدرش يفسخه الا بموافقتك فكده خلاص مينفعش يتفسخ ابدا
حتى وانتوا بتعملوا العقد ده فى الشهر العقارى حتلاقى الموظف بيساله خدت فلوس الشقة ولا لا، لانك بمجرد متعمل التوكيل يبقى خلاص الشقة بتاعته

فى المقابل ممكن تاخد شقة مساحة محترمة بقسط الف جنيه فى الشهر!!!! ايوه اللى كانوا حاجزين فى 2006 خدوا الاسعار دى وحظهم حلو، فلو جاى يبيع دلوقتى حتستفيد ان بميزة السعر الخيالى دى واستلام بعد كام شهر بس حتدفعله اوفر طبعا

1- الورق ممكن يطلع بداله من الشركة عادي جدا

و مش هتقدر تعمل عقد بيع طول ما الاقساط ما خلصتش

2- معاك حق في حوار الشيكات

3- كلام غير سليم لانك مش هتقدر تعمل عقد بيع طول ما الشقة عليها اقساط

و لو هو مات التوكيل اتلغى و العكس كذلك

4- قلنا مفيش عقد فيه توكيل بس :)

5- قصدي انك مش هتطمئن انها باسمك رسميا الا بعد سنين طويلة

6- موضوع غير قابل للالغاء مش معناه انه مايقدرش يبيع ..... ده كده زي ان العصمة تبقى في ايد الست ...... الراجل مازال يقدر يطلق ...... هو ما يقدرش يلغي التوكيل بس يقدر يبيع الشقة لحد تاني ...... و برضه وفاة الموكل او الوكيل تلغيه برضه



انا عارف ان ناس كتير بتعمل كده بس ده غلط و دي استثمار العمر مش موبايل و لا حتى عربية و لو وقعت مع واحد واطي هتضيع


ممكن اشتري بالطريقة دي من قريب غير كده لأ أخاف صراحة