مميزات الفانتازيا 2010

**mabdou2005** · 17-09-2009 11:59 AM

المشاركة الأصلية كتبت بواسطة tamerking

أ/ محمد عبدة ممكن لوسمحت تقوللى اية مقاس الكاوتش اللى نازلة بية عربيتك ؟
انا عارف طبعآ انها اول فئة اوتوماتيك يعنى طاصات مش جنوط ولاكن سؤالى هذا لانها لو نازلة مقاس كوتش 16 فمعنى كدة انى اقدر اركب نفس مقاس جنوط الاليجانس ومن غير ما احتاج الى تغير الكاوتش ولو كان نازل مقاسة 15 فللاسف هغير الجنوط والكاوتش لان الجنوط ال16 افضل بكتير للعربية دى
واخيرآ الف مبروك على سيارتك وربنا يديلك خيرها ويكفيك شرها

هى نازلة مقاس كاوتش 15 بوصة 195/65 بس هو فى جنوط اصلى 15 بوصة انا شايفها على الموقع بتاع سكودا

بس مش عار ف موجدة هنا ولا لا انما علشان تغير جنوط وكاوتش كدة هتعمل مش اقل من 8000

**esloob** · 18-09-2009 12:36 PM

المشاركة الأصلية كتبت بواسطة mabdou2005

هى نازلة مقاس كاوتش 15 بوصة 195/65 بس هو فى جنوط اصلى 15 بوصة انا شايفها على الموقع بتاع سكودا

بس مش عار ف موجدة هنا ولا لا انما علشان تغير جنوط وكاوتش كدة هتعمل مش اقل من 8000

المقاس ده كويس ، بس 8000 ج هو الفرق يستاهل؟

**zinc** · 18-09-2009 05:54 PM

الف مبروك - ربنا يديلك خيرها و يكفيك شرها
ممكن استفسارات بسيطه ---- انا ساكن في مدينه نصر
ا1-يه اقرب مركز صيانه ليه ( احب أامن نفسي قبل ما اشتري )
2- هل التوكيل محترم
3- ايه اقرب معرض ليه علشان اشوفها عالواقع
اسف عالاطاله -- و في انتظار ردودكم

**mabdou2005** · 19-09-2009 06:53 PM

المشاركة الأصلية كتبت بواسطة esloob

المقاس ده كويس ، بس 8000 ج هو الفرق يستاهل؟

اعتقد لو الجنط موجود ومش هتغير كاوتش يعن التكلفة حوالى 6000 ج تستاهل

**mabdou2005** · 19-09-2009 07:05 PM

المشاركة الأصلية كتبت بواسطة zinc

الف مبروك - ربنا يديلك خيرها و يكفيك شرها
ممكن استفسارات بسيطه ---- انا ساكن في مدينه نصر
ا1-يه اقرب مركز صيانه ليه ( احب أامن نفسي قبل ما اشتري

)
2- هل التوكيل محترم
3- ايه اقرب معرض ليه علشان اشوفها عالواقع
اسف عالاطاله -- و في انتظار ردودكم

واللة انا من الاسكندرية والى اغرفة عن مراكز الخدمة انها فى غمرة والمقطم
والعبور والمعادىو6 اكتوبرية
2-التوكيل مش هقدر اقول محترم ولا مش محترم الى لما اشوف هيعملوا معاية اية فى الزجاج الى جالة سرطان
ومش عاوزبن يغيروا فى الضمان بس مبدائيا التوكيل مش محترم الى محترم شركة اسكودا فى التشيك وهما الى بيحولوا يحلو المشكلة الى معابا

3- اقرب معرض 24 شارع عبد العزيز السنهورى مدينة نصر 22875514

**bishoy02010** · 19-09-2009 10:35 PM

الف مبروك على العربية وربنا يباركلك فيها

**د.محمود صلاح** · 20-09-2009 11:27 AM

الف مبروك وربنا يديلك خيرها ويبعد عند عيون الناس , هل فيها فتحة سقف ؟

**MAX_PIN** · 22-09-2009 10:35 PM

المشاركة الأصلية كتبت بواسطة mabdou2005

انا الحمد للة استلمت العربية TP وكيل اول فئة اتوماتيك من حوالى شهر وماشيت بها 1800ك علشان طلعت مطروح اصيف ودة تقيمى لبعض option الى عجبانى قوى فى العربية

1 ال bluetooth جامدقوى وبمجرد ما توصل التليفون مش محتاج تبص علية طول ماانتى سايق الاسماء وسجل المكالمات قدامك فى التايلوة وجودة الصوت ممتازة والكاسيت بيوطى اول ما مكالمة تيجى

2-الوان التابلوة قمة التناسق والوضوح الون الابيض احلى بكتير من الون القديم والعدادات واضحة جدا

3- الطارة الجلد الطبيعى وزراير الmultifunctiom تحس انك سايق طيارة وطبعا ترتيب وشكل الزراير احسن بكتير من A5

4-الكاسيت ال SWING , تحفة ب ال8 سماعات صوت استوديو وياسلام لو اسطوانة MP3 320 KPSالباب بيتهز من قوة الصوت والكاست بينين كل حاجة عن التكيف وممكن وانتى بتركن الصوت يوطى اتوماتيك ولو السرعة ذادت الصوت يعلى لوحدة

5-التكيف الTOUCH كل الى انتى محتاجة تدوس على زار AUTO وبعد كدة كل حاجة تشتغل لوحدها وتقدر تظبط كل جن لوحدة والتكيف وراء تمام

6-الانوار الى فى المراية من تحت لما تفتح الباب جميلة جدا لما تركن فى حتة ضلمة

7-المراية الضم وضبط المريتين مع بعضوقفل المرايتين والزجاج بالريموت

8-الشاشة اDISPLAY السرعة DIGITAL متوسط استهلاكط الوقود وحاجات كتير قوى قوى

9 طبعا الكشافات يتخلى اى طريق ضلمة ظهر ودة من غير زينون طبعا

10المخدع الى بين الكرسين القدام طبعا قدام وورا وفوق وتحت و طبعا الدريكسيون شرحة

11 حساس المطر لسة مجربتش

طبعا دة غير المميزات الى الاخوة كتبوها من ثبات وواسع وارتفاع ومتانة
ونعومة وعلى فكرة اول مرة اطلع المصيف وكل الشنط فى الشنطة الانوس كانت نص الشنط على الكنبة
عموم الميزات كتيرة واعتقد ان سعر العربية مناسب جدا للكمليات الى فيها

م / محمد عبدة

مشكوووور باشمهندس محمد عبده على التقرير الجميل والمعلومات الهايله دى
وربنا يباركلك فى عربيتك ويكفيك شرها
كان ليا سؤالين
هل فى اختلاف فى الاداء عن الموديلات السابقه ؟
هل الفانتازيا بينزل منها احجام مختلفه زى الa4 وال a5 السابقين ؟
وهل بتختلف فى الكماليات والسعر؟
تحياتى

**mabdou2005** · 23-09-2009 05:21 PM

المشاركة الأصلية كتبت بواسطة MAX_PIN

مشكوووور باشمهندس محمد عبده على التقرير الجميل والمعلومات الهايله دى
وربنا يباركلك فى عربيتك ويكفيك شرها
كان ليا سؤالين
هل فى اختلاف فى الاداء عن الموديلات السابقه ؟
هل الفانتازيا بينزل منها احجام مختلفه زى الa4 وال a5 السابقين ؟
وهل بتختلف فى الكماليات والسعر؟
تحياتى

انى سوقت الاتننين الفرق الوحيد فى الاداء بينa5 ,الفانتازيا ان مستوى العزل اتحسن انما موتور او عفشة فلا يوجد اختلاف دة طيعا بلاضافة الى الكماليات الى ان ذكرتها مش موجودة فى a5 , a4

الا حجام فية السيدان والكومبى ذى a4 ,a5 بس ان ماشفتش الكومبى بتاع الفانتازيا فى مصر

الاسعار مانبول 150 اتوماتيك 168 اليجانس 207