الموضوع: الكعب العالى ؟؟؟؟؟؟؟؟؟؟؟؟؟؟

حطى حاجه واطيه تحت كرسى العربيه وغير كده مش تسالى على السلامه الكعب العالى اساسا مظهر بس انما ضرره اكتر من نفعه

بصي ياستي
بالنسبة للسواقة بالكعب العالي هي مس مستحيلة يعني لأ هي ممكنة لكنها صعبة إلى حد ما ومش مريحة اوي زي السواقة بالفلات وأنا شخصياً لا أنصح بالكعب العالي سواء رفيع او سميك في السواقة تماما.
يعني انا مرة كنت لابسة كعب عالي رفيع وسوقت بيه عادي بدون مشاكل لكني مكنتش متحكمة بنسبة 100% في دواسات البنزين والدبرياج (وبالإخص دواسة الدبرياج لإنها بتحتاج لضغطة طويلة وعميقة عشان تعرفي تنقلي الغيارات) وساعات كمان الكعب كان بيغرس او بيشبك في الدواسة اللي محطوطة في الأرضية (عشان طقم الدواسات عندي على شكل دوائر صغيرة شبه المليم كدة) فعشان كدة مش بفضل اسوق وانا لابسة كعب عالي خصوصا لو طالعة على الطريق السريع كمان .
فنصيحة مني شوفي عندك شوز فلات مريح يكون شكله قدم شوية وانتي بقيتي مستغنية عنه ومش بتخرجي بيه وحطيه دايما في العربية عندك ممكن تحت الكرسي مثلا (بس يكون مقفول "سوري في اللفظ" جزمة يعني مش شبشب) وتخرجي بالكعب العالي عادي ولما تركبي العربية تلبسي الفلات وتسوقي بيه عادي وقبل ماتنزلي تلبسي الكعب العالي اللي انتي عايزاه (انا عارفة ان موضوع تغيير الشوز خنيق شوية وشغلانة ) لكنه أأمن واريح كتير .
ومتتكسفيش من الحركة دي لإني اكتشفت ان في بنات كتير بتعملها عادي عشان فعلا السواقة بالكعب العالي مش آمنة واهم حاجة سلامتك وسلامة عربيتك.

ومعلش يمكن في ناس فاهمة ان الكعب العالي مجرد منظرة فاضية وبس .

لكنه ساعات فعلا بيكون اجباري في بعض المناسبات ومينفعش نلبس فلات فيها تماما يعني مثلا اللبس الفورمال او السواريه مينفعش معاهم فلات خالص .

شبشب فلات تحت الكرسي
ويستحسن يكون بيتقفل او بيمسك في القدم كويس عشان لو حبيتي تبفرملي فجأة والشبشب يطلع من القدم او يتحشر في دواسة من الدواسات والموقف طبعا بيبقى مش مستحمل ثانية
لو اوتوماتيك كفاية الفردة اليمين ولو مانيوال حطي الفردتين وأمرك لله :)
وعلى فكرة في رجالة بتقلع برضة وتسوق حافية مش عيب ولا مرتبط بنوع اللي سايق

المشاركة الأصلية كتبت بواسطة Amrrr

وعلى فكرة في رجالة بتقلع برضة وتسوق حافية مش عيب ولا مرتبط بنوع اللي سايق

انا احيانا-بس مش على طول- بعمل كده لما تكون جزمة كلاسيك ضيقة او لما اكون مخنوق من الزحمة...خاصة اني بسافر مسافات طويلة اوي

لو حد فاكر فيلم ظرف طارق بتاع احمد حلمي كان هوه ونور بيقلعوا الجزمة وهما سايقين