الموضوع: بدات اخاف تانى من شراء الجين 2

المشاركة الأصلية كتبت بواسطة masterzmind

بص يا معلم لو عيوب زى الزجاج علق الزراير الى فى الطارة مش شغالة صوت خبط فى الشنطة صوت خبط تحت رجليك من عند الكوتش الشمال كل دة اى كلام التوكيل هيعملو على طووووووووووووول ولا تقلق فعلا امتى بقى يا معلم تتعزب لو علبة دركسيون الموتور فى حاجة لقدر الله الفتيس فى عضة كدة بردو كان فى واحد فى المنتدى اتصلحت بس اتعملت تانى مش عارف بقى خلصت المشكلة ولة لسة مسعدين اى قطع غيار ودة بيتهيقلى مش عيب عربية دة عيب توكيل مش عارف يوفر قطع الغيار الازمة وربنا يهدى يا رب ويهتم شوية بالتوكيل وقطع الغيار ................. وفى ناس احسن منى فى المنتدى جربو التوكيل ....... وشكرا

بس كده ده اللى كنت عايز افهمه
العيوب العاديه مش هاتاخد وقت ولا حاجه

شكرا يا باشا على ردك

المشاركة الأصلية كتبت بواسطة tutankhamoun

السلام عليكم ورحمة الله و بركاته

أولا أنا عايز أصحح مصطلح تم أستخدامه في الموضوع و هو ...... عيب تصنيع
العربية يا جماعة تكاد تخلوا من عيوب التصنيع ..... يعني المحرك و العفشة و أساسيات العربية مفيهاش أي مشاكل نهائي و اللي ظهر عنده عيب في الحاجات دي هي عيوب فردية تماما .

بالنسبة للعيوب المقصودة في الكلام هي عيوب التقفيل و ليس عيوب التصنيع و بأكرر تاني مفيش عيوب تصنيع جوهرية .

كل المشاكل اللي ظهرت في شوية حاجات في التقفيل :
أولا أزرار الوسائط المتعددة ( أزرار تحكم مشغل الأسطوانات ) بتعلق مع ناس كتيرة و تقريبا نص الناس سببها وجودة أتربة . و النص التاني بيتم تغييرها و دي ساعات بتقعد مدة على ما توصل فعلا من ماليزيا .

ثانيا : الخامات الداخلية معقولة و متوسطة ...... و دي بتخلي الناس تحس أن الخامات فيها مشكلة .

ثالثا : وجود تزييق من الكنبة الخلفية و ده حله سهل جدا و هو التوكيل بيلحم على الجزء المعدن شيكرتون علشان الحديد ميحكش في بعضه و يعمل صوت .


دي أشهر حاجات ......... و كلها حاجات عبيطة و هايفة و مش بتوقف العربية نهائي .

لو العربية عاجباك ....... متخافش ..... أغلب الكلام اللي أنت سمعته متضخم ييجي أربع خمس مرات ......
لأن طبعا المبلغ اللي هاتدفعه مش صغير و بالتالي أقل كلمة لما بتكون مش واثق في الحاجة بتودي الواحد و تجيبه و تخليه يبقى متردد .

أهم حاجة تكون واثق في العربية و حاببها ...... و أوعى تشتريها لو خايف منها لأنك هاتقعد تطلع القطط الفاطسة لو أي حاجة ظهرت حتى لو كانت زلطة على الطريق ...... دوست عليها و عملت صوت .... هاتلاقي نفسك مرعوب و بتقول آه العربية فيها حاجة .

لازم تكون مرتاح نفسيا و فاهم كويس أن العربية كويسة و شغالة بأمتياز مع ناس كتيرة من فترة كبيرة .
أنا معايا العربية من سنتين و الحمد لله و لا قوة إلا بالله مبسوط جدا و تعلقت بالماركة جدا ...... و لو غيرت هاغير على بروتون إن شاء الله .

أستخير الله عز و جل ........ و ربنا يوفقك للي فيه الخير لك إن شاء الله .

والله يا فخامتك انا كنت مقتنع بشكل غير طبيعى بيها
من الكلام اللى سمعته عنها وامكانياتها وتصميمها و غير كده ركبتها مع واحد صاحبى مره واحده بس

لكن زى ما وضحت فى الموضوع ان الشكاوى الموجوده من الكثيرين من عدم اهتمام التوكيل خوفنى جدا.

وعموما ان شاء الله هى جين 2 وربنا مش هايخيب ظنى فيها ابدا
انا حاببها وهى ان شاء الله مش هاتخذلنى .

حد يقولى اروح فرع الصحراوى ازاى بقى معنديش عربيه
هى ملهاش مواصلات خالص ولا ايه.

انا معاك فى الموضوع انا بتكلم لو العربية دخله دماغه أوى يعنى وقلت ليه من خلال الأمثله إن اي عربية لا تخلو من عيبوب بس ده الغرض بس لو خايف منها لأ طبعا ما يشترهاش عشان ما يفضلش قلقان

تحياتى

شكرا على ردك يا محمد الجين2 عربية ارفع لها الكوبعة