محتاج ارائكم فى الHonda City 2009

**sheeko911** · 17-08-2009 05:33 PM

بسم الله الرحمن الرحيم
السلام عليكم و رحمة الله و بركاته

اريد ان اسألكم عن الHonda City 2009 هل بالفعل عربية مريحة و جيدة و موتورها قوى .. ام ان ما اسمعه عن سوء عفشتها حقيقى و انها عفشة ناشفة .. :) بفكر اشتريها قريبا ان شاء الله .. و محتاج نصحكم .. و لو فعلا سيئة فبماذا تنصحوننى :)
جزاكم الله خيرا

**mshamy** · 17-08-2009 07:50 PM

المشاركة الأصلية كتبت بواسطة sheeko911

بسم الله الرحمن الرحيم
السلام عليكم و رحمة الله و بركاته

اريد ان اسألكم عن الHonda City 2009 هل بالفعل عربية مريحة و جيدة و موتورها قوى .. ام ان ما اسمعه عن سوء عفشتها حقيقى و انها عفشة ناشفة .. :) بفكر اشتريها قريبا ان شاء الله .. و محتاج نصحكم .. و لو فعلا سيئة فبماذا تنصحوننى :)
جزاكم الله خيرا

وعليكم السلام ورحمة الله وبركاته

يرجى مراجعة الموضوع التالي:

تقرير شامل عن الهوندا سيتي 2009

**spiderbaz** · 17-08-2009 07:56 PM

اولا منور المنتدي يا باش اثانيا اتكل علي الله العربية اكثر من رائعة و جايبها بقالي شهر و ما شاء الله عربية تجنن و سيبك من كلام العفشة ده كلع كلام
العربية بجد تستاهل يدفع فيها اتر من كدة و اسال استاذ احمد مختار هنا صديق معانا و هو اكيد هيقولك عن السيتي سيارة ملكة

و راجع موضوع التقرير الشامل هنا في المنتدي

و ربنا يوفقك في اختيارك

**Ghost2** · 17-08-2009 09:41 PM

السلام عليكم .... ازيك يا سبايدر .. عامل ايه .... بص يا باشا انا هقولك حاجه ... انت احتياجاتك الاوليه هي (تكييف - اداء - ثبات - متانه ) بعد كده تبدأ تفظكر في كماليات
من حيث الراحة انا ركبت عربيات كتير مش هقولك انها توب العربيات بس مريحه فوق ما تتخيل ... جودة تقفيل وعزل وتقفيل موتور تضربله تعظيم سلام وانت واقف قدامة .... غير ان تكنولوجيا الموتور دي بتديك احسن اداء مع اقل استهلاك بنزين ,,,, عيوبها بسطية اوي .. يعني مفيش ريموت او حنوط سبور ... توكيل الفطيم محترم مش وحش والميزه انك متلاقيش مهندس هناك مش فاهم ... قطع غيرارها غاليه شوية بس انا شاف انها معقوله بالنسبة لعربية في المستوى ده ,,, لما تقعد في العربية تحس انك قاعد في عربية عالية مش اي كلام .... الثبات حكاااااااية ... العزم هسيبك تجرب ,,,, وانا بقول مع هوندا عامة اطلب واتمنى تجد ما يسرك ... نظام تعليق العفشة بيديك انطباع كويس ان العربية ممتازه .. ارتفاعها كويس عن الارض ... لو عايز تركب سنتر للعربية هيتكلف الفين جنية وهيكبلك سنتر السيفيك كامل ... لو ركبتلها جنوط هيزيد معاك الثبات ... وهي ثابته لحد 160 تحس انك راكب بي ام دبليو .... توكل على الله وصلي استخارة ولو مناسبة توكل على الله

ملحوظه : مواتير هوندا عمرها طويل وده باين من ان في سيفيك موديلات قديمة ولسه ماشية ومغيرتش مواتير لحد دلوقتي واداء عشرة على عشرة ... لما تركب اشتري العمر الطويل

**sheeko911** · 18-08-2009 12:32 AM

انا كمان لسه سامع ان العربية فيه منها تقفيل اندونيسى ..... :| ده فعلا ؟؟؟؟

**ahmed4000** · 18-08-2009 10:26 AM

التقفيل تايلاندى مش اندونيسي

**sheeko911** · 19-08-2009 12:04 AM

قصدكو يعنى ان العربية مفهاش اى عيب حقيقى يضايق ؟؟؟؟

**ahmed4000** · 19-08-2009 09:40 AM

هو عيبها على مانا متابع فى قطع الغيار الغالية لكن المفروض انها معمرة
وان مفهاش كماليات كتيرة بس دى بتفرق من واحد لواحد

**Ghost2** · 19-08-2009 02:44 PM

هي قطع غيارها معمرة جدا اما بالنسبة للسنتر هي فيها سنتر بس مفيهاش ريموت بس ... وعشان تركب ريموت بره هتطلع ضفيرة الكهربا كلها ضمان ,,, وعشان كدا بقولك لو عايز تركب ريموت هتركب بتاع السيفيك ب 2000 جنيه .. غير كده عفشة ونظام تعليق محترم ... يعني مش هتتعب معاها ... غير انك وانت مركب ناس معاك في العربية مش هتقرفك في المطبات