الموضوع: اجمل كليب من قناة القاهرة والناس !!!

المشاركة الأصلية كتبت بواسطة islamnabil

لا صحيح عندك حق
ازاي يعني تروح فرح و ماترقصش فيه
ده حتى يبقى حرام

حسبي الله و نعم الوكيل

ياريت حضرتك تركز في الفكرة العامة لردودي مش تاخد سطر وتعلق عليه

انا مش بشجع على كده ... وفي نفس الوقت ده لو حصل مش قلت ادب

انتوا شكلكم مش بتروحوا افراح في مصر !!!

المشاركة الأصلية كتبت بواسطة sa3dawy

هوالكليب دا معمول لية اصلا ؟؟ تريقة على الطبقة الفقيرة فى مصر ولا اية بالظبط ؟

لا معتقدش يعني ... كل الفكرة انها حاجة من الواقع الشعبي المصري

يعني مش هيجيبوا ناس بترقص هيب هوب ولا صلصا من مصر

المشاركة الأصلية كتبت بواسطة sa3dawy

اة طبعا !! امال تقوم ترقص امام كل الرجال والشباب الى فى الفرح ؟؟

زي ما قلت كل حاجة وليها السياق بتاعها

مش هتقول ان لو واحدة محجبة مثلا رقصت في فرح اختها دي مش محترمة !

وبعد كده في فرق ما بين الرقص بتاع الرقصات زي ما قلت اللي هو مرفوض لان اساسه الاغراء

والرقص اللي هو شئ تلقائي للتعبير عن الفرحة

بلاش نبقى متطرفين في افكرنا ... الاعتدال خير الامور

المشاركة الأصلية كتبت بواسطة islamnabil

بدون الدخول في تفاصيل دينية
وبدون شخصنة
اسمحلي بس اوضحلك حاجة صغيرة
حتى لو كانت الحاجة الغلط كل الناس بتعملها فعمرها ماحتتحول لصح

يعني مثلا لو انا قلتلك ان كل الموظفين بياخدو رشوة و ده عادي جدا في كل المصالح (مثلا) فهل معنى كده ان الرشوة اصبحت شيء صحيح و معتدل !!!

شكرا لتفهمك

بحترم وجهة نظرك .. مع ان المثل اللي استشهدت بيه بعيد جدا عن الحالة بتاعتنا.