الموضوع: سؤال عن الرشاشات

انا اعتقد ان رشاشات الاوبل بوش بالتالى من الناحية النظرية تبديلها برشاشات الBMW ممكن... اهم حاجة بس تتاكد ان رشاشاتك high impedance ولا low impedance

فك رشاشاتك و قيس مقاومتها بافوميتر... لو بنتكلم فى حدود 12 اوم تبقى high impedance و رشاشات الBMW تركب

لو فى حدود 6 اوم تبقى low impedance و التبديل مينفعش

اول حاجة حاول تجبلى الpart number بتاع رشاشاتك يمكن اقدر اقولك تجيب رشاشات ايه مباشرتا...

او على الاقل قوللى لون الجزء العلوى من الرشاشات ايه لان الالوان بتستخدم فى تمييز الflow rate بتاع الرشاشات المختلفة

اخر حاجة ممكن نعملها هى الطريقة البلدى... الBMW من ال2000 سى سى و انت طالع بيبقى 6 سلندر... يعنى الرشاشات اللى فى عربيتك هى هى اللى فى المكنة الBMW اللى قد موتورك مرة و نص... يعنى رشاشاتك هى رشاشات المكنة ال 3000 سى سى

و بما ان رشاشات المكنة ال 3000 هى هى رشاشات المكنة ال 3500 يبقى هما دول اللى تدور عليهم... الميزة ان المكن ال 3500 كتير فى الموديلات القديمة و حيبقى اسهل فى عملية البحث

يبقى اختصارا لكل الرغى اللى كتبتة:

1- اتاكد ان رشاشاتك بوش
2- قيس مقاومة الرشاشات و اتا كد انها high impedance
3- هات الpart number
4- ان تعذر قوللى اللون
5- ان تعذر نعملها بلدى

MMamdouh