الموضوع: عمل صيانة لحبيبتى وتجديد الاوكتافيا

اولا مساء الخير عليكم جميعا

انا كانت العربية مختوقة منى جدا جدا
مش بمعنى خنقة منى لأ دة بمعنى انها اتخنقت يعنى سحبها وحش
انا قولت اعملها شوية تجديد
قولت انا هجيب كذا وكذا وهما كالاتى
1- Replacement Filter k&n
2-بوجيهات اسبلت فاير الاصدار الجديد
3-سلوك اسبورت للبوجيهات
4-فلتر بنزين من التوكيل
5- 4 علب زيت للفتيس من التوكيل العلبة تقريبا ب 120 جنية
6-تنضيف الرشاشات بالالترا سونيك
7-علبة منظف انجيكشن لتنضيف البوابة وحساس الايدل
8-تغيير التيل الامامى مع تنضيف التيل الخلفى
9-تشيك على العفشة
10-ظبط زوايا وترصيص
11-علبة فوم للماتور
نشوف بقى انا عملت اية منهم ولسة هعمل اية
جيت فى الاول حبيت اركب الفلتر والسلوك والبوجيهات قولت اكلم مستر محمد ممدوح
يدينى نمرة مستر ايمن وادهانى وخدمنى فى النمرة اوى ههههه
كلمت مستر ايمن وقالى تعالالى الهرم تقريبا علشان اركب السلوك
جتلة فى اليوم التانى وللاسف السلوك منفعتش لعربيتى قالى انة هيجبلى غيرهم
طبعا قولتلة خلى البوجيهات عندك دلقوتى لحد اما تجيب السلوك ونركبهم مع بعض
وسالتة على الفلتر قالى السلوك قالى فى اول رمضات
اتفقت معاة ان كل حاجة تبقى فى اول رمضان ( بوجيهات وسلوك وفلتر )
بعد كدة رحت التوكيل الى غمرة فى شارع دير الملاك
جبت منة فلتر البنزين والتيل الامامى ولحقتهم على اخر لحظة
لانهم كانو بيقفلو
وكان سعرهم كالاتى
التيل الامامى 370
فلتر البنزين 60
وجيت اجيب زيت الفتيس قالولى مفيش
بعد كدة روحت اشتريت علبة اسبراى لتنضيف الانجيكشن تمنها 18 ج
بعد كدة روحت للميكانيكى
خليتة يفك الاربع عجلات وينضف الطنابير الى ورا بضغط الكمبروسور
ويغير التيل ودة هو التيل

بعد كدة خليتة يركب فلتر البنزين


بعد كدة روحنا لتنضيف البوابات وتنضيف حساس الايدل
وهو بينضف انا كنت بجيب حاجة ساقعة لينا وللصبيان بتوعة
فهو اشتغل وانا برة فمصورتش البوابة قبل التنضيف لكن صورتها بعد التنضيف

بعد كدة اديتة 60 جنية ومشيت وكان العربية سحبها جامد احسن من الاول بكتير اوى
المهم روحت وصحيت الصبح خدت علبة الفوم بتاعة الماتور وكان شكل الماتور يرعب كان
وحش اوى اوى وكلة تراب

جبت علبة الفوم

بعد التنضيف بقى كدة

بعد كدة رحت اعمل تشيك على العفشة
الراجل قالى العفشة تمام ومفيهاش اى حاجة
روحت بعدها ظبطت زوايا
ورصصت العجل ولقيت فى اول واحدة 48
والتانية 36
والتالتة صفر
والرابعة 8
المهم حاسبت الراجل وخد 60 ج

يبقى كدة ناقص تغيرر زيت الفتيس
تنضيف الرشاشات بالالترا سونيك
الفلتر والبوجيهات والسلوك الى اتفقت عليهم
ان شاء اللة اول لما اعمل حاجة من دول هكتبهلكم هنا فى الموضوع واضيفهم
انا ان شاء اللة رايح قريب مركز خدمة فى المعادى هنضف الرشاشات واغير زيت الفتيس
ومستنى الرد من استاذ ايمن علشان الحاجة الى انا عايزها
فى النهاية يارب تكونو استفدتو من الموضوع المتواضع دة
وانتظرونى مع التكملة