رقم العضوية : 3848
تاريخ التسجيل : 25Dec2007
المشاركات : 3,011
النوع : ذكر
الاقامة : Heliopolis
السيارة: ربنا يبارك في الاولي
السيارة[2]: Mazda 3 - 2008
دراجة بخارية: لا امتلك
الحالة :
ربنا يستر بقي انا متابع اصل شفت الموضوع ده قبل كده بردوا بنفس التعليقات تقريبا
رمضان كرييييم ياجدعاااااااااااااااااااا ااااان
رقم العضوية : 2363
تاريخ التسجيل : 28Sep2007
المشاركات : 1,823
النوع : ذكر
الاقامة : Egypt-Cairo
السيارة: Lamborghini Reventon
السيارة[2]: Proton Gen 2 2012
دراجة بخارية: هوا رخامة انى اكتبها يعنى عشان افتح المنتدى؟
الحالة :
رقم العضوية : 42473
تاريخ التسجيل : 13Jun2009
المشاركات : 303
الاقامة : cairo
الحالة :
وانت وكل الاعضاء بصحه وسلام ياكبوس
وما من كاتب الا سيفنى ويبفى من الدهر ماكتبت يداهفلا تكتب بكفك غير شى يسرك فى القيامه ان تراه
رقم العضوية : 33348
تاريخ التسجيل : 18Feb2009
المشاركات : 1,869
النوع : ذكر
الاقامة : alexandria
السيارة: ........
السيارة[2]: bmw 318I e46
دراجة بخارية: ........
الحالة :
مشكور جدا يا كبوس على الفيديو الهايل ده وانا مقتنع جدا ان سواقه الستات شر فى اى حال من الاحوال ( من غير محد من اخواتنا فى المنتدى ميزعل)
الوحيده اللى شفتها بتعرف تسوق كانت واحده معاها عربيه سمارت من الصغيرين دول بس كانت ملهاش حل لفت مرتين فى المعموره كله كان بيتفرج عليها كانت بتاخد غرز رجاله يخافوا ياخدوها
رقم العضوية : 26178
تاريخ التسجيل : 26Nov2008
المشاركات : 5,505
النوع : ذكر
الاقامة : mansoura
السيارة: ان شاء الله E36 M3 ياامسهل
السيارة[2]: BMW E21 2500CC
دراجة بخارية: no
الحالة :
والله بجد ياجمااعة فية ستات
كان في واحدة في اكااديمية الدلتا اتراهنت مع واحد صاحبنا
علي اللي يخمس احسن والكلام دة
بسم الله ماشاء الله عليها كاااانت بريمو ولا اجدعها رااجل
بس فية منهم ياخراااااابي نييلة جداااااااا
دة انا موعوود بالستاات وهما سايقين وتكون طالعة مطلع والعربية تقف منها ومش عارفة تطلعة وانا كنت واقف مع اصحاابي
قمت رايح قيلها بعد ازنك وانا هاطلعهاالك
الكلام دة حصل مرتين وفي نفس المزلقااان
[media]http://www6.0zz0.com/thumbs/2011/09/14/04/347541799.jpg[/media]
MY BMW 2500CC
رقم العضوية : 2363
تاريخ التسجيل : 28Sep2007
المشاركات : 1,823
النوع : ذكر
الاقامة : Egypt-Cairo
السيارة: Lamborghini Reventon
السيارة[2]: Proton Gen 2 2012
دراجة بخارية: هوا رخامة انى اكتبها يعنى عشان افتح المنتدى؟
الحالة :
انا حاسس كدة برضوا
هههههههههه لا بجد ان شاء الله ليك مستقبل وتطلع خريج مدرسة نايل متورز وتروح تقدم فى اى حتة يقبلوك على طول
بس معرفش ليه صورة التوقيع بتاع رينجو المكان عامل زى need for speed most wanted
واللعبة مفهاش العربية ديه بس نطلع احنا من الموضوع ده على خير عشان شكلها كدة مش حنروح سولام
ستيكر نايل موتورز منور[shfaf2]http://i645.photobucket.com/albums/uu180/Mora93_2009/DSC05710_zpsa00a51c1.jpg[/shfaf2]
رقم العضوية : 11371
تاريخ التسجيل : 23May2008
المشاركات : 376
النوع : ذكر
الاقامة : Cairo
السيارة: Opel Vectra
السيارة[2]: Skoda Felicia
الحالة :
يا رب ارحمنا واحفظنا من سواقة الحريـــم
والله أنا بترعب وأنا واقف في البلكونه لما بشوف واحده بتحاول تركن جنب عربيتي
Superkenwood
رقم العضوية : 34102
تاريخ التسجيل : 27Feb2009
المشاركات : 2,566
النوع : انثى
الاقامة : ام الدنيا
السيارة: ملكش دعوة
السيارة[2]: الله يرحمها
دراجة بخارية: لا يوجد
الحالة :
الرسول عليه الصلاة والسلام يقول النساء شقائق الرجال
فشىء مستفز نقول سواقة الستات وطبيعى الرجل يسوق وكأن الست كائن اكتع او متخلف عقليا
ربنا بيحاسب الرجالة والستات زى بعض مش بيحاسب الستات بشكل مختلف لأن قلبهم ضعيف يا عينى أو لو ست خبطت شخص هيكون حسابها مختلف مثلا لأن التوافق العضلى العصبى اللى بيعمل معجزة السواقة ناقص فيها فبطلوا تريقة
وعالعموم اى ست بتسوق اللى علمها رجل واللى اعطاها الرخصة رجل
واللى بيروج هذا اللكلام لا يحترم أمه ولا أخته ولا هيحترم مراته
معروف يا حلوين ان الرجل مفضل بانفاقه وبقوته العضلية والأتنين بقوا قلة الآن
وخلينا منتكلمش وخلاص الاحصاءات فى العالم كله بتثبت ان الستات اقل فى الحوادث من الرجال
عندهم شوية حرص ايه يعنى
ومفيش حاجة تثبت ان اللى سايقة ست الا فى اللقطة التانية
وبعدين انتو اصلا بفكركوا ده بتزنقوا علينا او بتخافوا او بتستهونوا مما يؤثر على سواقتكو جنبنا وبالتالى ممكن يأثر على سواقة بنت غير متمرسة
وبعدين لما ولد بيغير لبنت الكاوتش او يركن لها عربيتها ادينا بنعطيكو برستيج و بنخليكو ترسموا نفسكو احمدوا ربنا
فى زمن للأسف ملىء بأشباه الرجال
ذكور فى الشكل الخادجى كتير جواهم فاضى و فكر متخلف والرجولة وصف على فكرة بيتقال عالستات و الرجال
عشان كده ممكن تلاقى حد يقول ست بمليون راجل يقصد انها جدعة وربنا يهدي
رقم العضوية : 31817
تاريخ التسجيل : 01Feb2009
المشاركات : 4,715
النوع : ذكر
الاقامة : Cairo
السيارة: Bmw E21 1.8L 1977
السيارة[2]: Renault Logan 1.6L F/O 2010
دراجة بخارية: No
الحالة :
رقم العضوية : 11997
تاريخ التسجيل : 01Jun2008
المشاركات : 1,019
النوع : انثى
الاقامة : Cairo
السيارة: مفيش ... هي سيارة واحدة والحمد لله
السيارة[2]: New Accent 2010 - Maroon
الحالة :
اللهم ما طولك ياروووووووووووووووووووووو وح
ليه كدة بس ياكابوس
مالمنتدي بقاله فترة ماشي كويس وكانت معظمها خناقات رجالية فقط والستات كانت ساكتة وحاطة في قلبها وواخدين جنب من الخناقات والنزاعات
عموما انت فتحت النار من جديد بموضوع سواقة الستات استكمالاً للحلقات السابقة من اراقة الدماء.
الله يسامحك
وعلي فكرة النهاردة كان في 2 (رجاااااااااااااااااالة ) كسروا عليا كسرتين يودوا في داهية .
واحد منهم بيلف معايا في اليوتيرن وعشان غشيم واهم حاجة عنده يعدي اليوتيرن وخلاص عدي الأول من غير مايعمل حساب اللي جنبيه وحكلي العربية حكة صوتها كان مسموع جدا حرقت دمي ومشي ولا كإنه عمل اي حاجة وعمل نفسه مش واخد باله وقال ايه عايز يهرب ، خلاني جريت وراه 3 شوارع وحرقت علي الغيارات عشان احصله لحد مازنقته قبل يوتيرن كان داخله وكسرت عليه (عقاباً ليه) واتخض ياعيني ووقف في مدخل اليوتيرن ووقفت جنبيه (على مدخل اليوتيرن من غير مادخل لإني كنت هاكمل طوالي) وهزأته علي اللي عمله ومشيت في طريقي.
ولما وصلت الشغل الحمد لله لاقيت الحكة طلعت بسيطة وشوية بوية من عنده جم على الفانوس بس فضل دمي محروق طول الطريق من غباؤه .
والتاني بقي خلاني طالعة من شارع جانبي بيطلع علي صلاح سالم جنب الكوبري أنا حافظة الشارع ده كويس وعارفة اطلع منه ازاي لإنه بيطلع على شارع واااسع فاضي يشيل في العادي 3 عربيات او عربيتين مستريحين اوي اوي ويكون في بينهم مسافة كبيرة وانا طالعة بمنتهي الهدوء واستنيت لحد مالشارع فضي ومحضنة مع الرصيف اليمين كويس جدا بحيث اسيب مسافة كبيرة (سايباله حارة ونص) للي ماشي طوالي (على الشمال) انه يمشي براحته من غير مايتخض ومن غير ماكسر عليه خالص (لإني بلتزم اني اخد الملف علي ضيق من غير ماقطع الطريق علي اللي جاي "زي مافي ناس كتيرة رجالة برده بتعمل كده ") لكنه طلع غبي برده وجاي بسرعة رغم انه شافني بعدي يعني المفروض يهدي شوية او يمسك شمال وبس خصوصا إن الشمال فاضي تماما لكنه راح رازعني كلكس طويل (رغم اني كنت بعيد عنه تماما وعدينا مع بعض من غير مالمسه ولا يلمسني وعدي قبلي وفضل يشوح بإيده في المرايا بصيتله وانا مذهولة ورفعت ايدي تعجباً من تصرفه وسبته يعدي براحته ولما مسك الحارة اليمين ضغطت بنزين وقلت اخد طريقي واعديه (من الشمال) مالشارع واسع وخلاص عايزة اخلص بقي لإن الموقف المفروض خلص لكنه طلع حيوان خلاني لحد ماجيت جنبه وهاعدي منه راح كاسر عليا كسرة حيوانة زيه لكني فرملت وربنا ستر.
بجد منتهي الغباء اللي في الدنيا وفي الاخر لما عديت وجيت قدامه كنت عايزة اغلس عليه ومخليهوش يعدي لاقيته بيضحك في المرايا بمنتهي البلاهة بصيتله بإحتقار ومشيت وقلت حسبي الله ونعم الوكيل.
مش فاهمة ليه سلوك الناس بقي عنيف بالشكل ده دول خلوني انا كمان بقيت عنيفة وسواقتي بقت عنيفة من اللي بيعملوه فينا.
ليه لما بيشوفوا بنت بتسوق لازم يسخفوا بأي طريقة يعني لو لاقوها بتعرف تسوق كويس يإما بيكسروا عليها (بخطأ غبي متعمد) وبتحدي عشان يعجزوها بأي شكل وكإن لسان حالهم بيقول "برده انتي ست وعمرك ماهتسوقي كويس زي الراجل " يإما لو مش بتسوق كويس يفضلوا يشتموا ويزعقوا ويتلككولها على أقل غلطة ويحسسوها بالعجز الرهيب ويعاقبوها علي انها مبتعرفش تعمل المهارة الرهييييييبة اللي اسمها "السواقة" وكإن السواقة دي منحة من الرب لا تمنح الا للسادة الرجال فقط دون غيرهم من المخلوقات الأخرى.
عموما زي مافي ستات بتسوق كويس في رجالة بتسوق كويس لكنهم بيستغلوا ده بشكل سئ وبيتهوروا خاصة في الطرق السريعة
وزي مافي ستات سواقتها سيئة في رجالة سواقتهم اسوأ بمراحل ولو مشيت وراهم توصل بيتك في 3 سنين .
ومتنسوش إن سواقين التاكسي والميكروباص والميني باص والأتوبيس والنص نقل والنقل اللي السبب في كل الحوادث واللي ممرين علينا عيشتنا ومورينا الويل ليل ونهار ينتموا لفصيلة الرجاااااااااااااااااال .
بجد كل الشعب المصري رجالة وستات عايز يتعمله فورمات وينزله سيستم من اول وجديد وينزله برنامج سواقة يتماشي مع شوراعنا اللي تخلي الحجر ينطق .
فياريت بقي نفضها سيرة ونتقبل الوضع الحالي بما هو عليه ونسكت ومنخلش الكيل يفيض اكتر ماهو فايض اصلاً
ونحاول نتعايش مع بعض بطريقة افضل من كدة
ومعلش سامحوني السواقة الصحيحة من وجهة نظر المصريين هي سواقة البلطجة فقط وسياسة اللي خايف على نفسه يوسع.
والنوع ده من السواقة في رجال ونساء يجيدوه وفي رجال ونساء لايجيدوه .
فلو هانقول الستات مبتعرفش تسوق ياريت نصححها ونقول الستات مبتعرفش تبلطج وهي راكبة عربياتها وعشان كدة الناس بتشتكي.
سامحوني لو كان إسلوبي هجومي شوية لكن الموضوع ده جه في توقيت سئ جدا بالنسبة ليا وانا لسة دمي محروق من الموقفين بتوع النهاردة دول .
المفضلات