lمشكلة RPM فى النوبيرا 1

**samirayad** · 26-08-2009 04:44 AM

أضغط هنا

من أجل التعرف على ماتريد أن تعرفه عن الزيوت عامة

وازاى اعرف ان عربيتى قطعت اكتر من 50 الف كيلو المكتوبين على العداد؟

لا دى صعبه أوى ....
ولكن ..................!
تستطيع التعرف على كفاءة وحالة ماكينة سيارتك
بعمل أختبار كبس للمحرك
ولو كان الآداء تمام والسحب تمام وعزم المكنه تمام
فسيبها على الله

**zocor742** · 26-08-2009 11:45 PM

مبروك يا خالد باشا ان العربية اتظبتت
انا كنت شارى عربيتى نوبيرا 1 موديل 97 وكانت عاملة 117 الف كيلو
متستبعدش ممكن تكون فعلا ماشية 50 الف بس
فى عربيات من دى اشتغلت سنتين ولا حاجة وصاحبها غير بأحدث واتكهنت لحد ما نزلت مصر
بدال واثق من اساسيات عربيت تمام ومفيش لعب فى البودى بتاعها
ممكن تعمل زى ما الباش مهندس سمير قالك اختبار كبس للمحرك
بس الاهم من كل دة حضرتك رخصت العربية ولا لسة
والله الواحد بيفرح لما بيلاقى ملاك النوبير 1 بيكتروا فى قسم الدايو

**khaled02001** · 30-08-2009 05:46 PM

انا كشفت على الزيت زى ما قولتولى يا جماعة
والمفاجأة اللى مكنتش متخيلها ان مقاس الزيت قليل
والزيت طالع اسود
انا حطيت زيت موبيل 1 و مشيت 3500 كيلو وكنت مستنى على 10000 اغير الزيت
طيب دلوقتى يا جماعة احط زيت نوعة اية واغيرة كل قد اية؟
ولية العربية بتعمل كدة بتنقص الزيت؟
الرجاء الرد سريعا علشان الحق اغيرة قبل ما يحصل مشاكل

**samirayad** · 30-08-2009 07:13 PM

شوف كلامى ده

وطبعا ده مش صح وحاول تسرع بالأطمئنان على مقاس الزيت
اقتباس:
( اول ما اشتريت العربية من 4 شهور حطيت زيت موبيل 1 وقطعت بية 3000 كيلو بس وبصراحة مش بكشف علية)
يمكن يكون بينقص ....وده خطر طبعا
ودى أهم حاجه عاوزك تطمن عليها
وبعدين أعتقد موبيل 1 غير مناسب لموديل 97 لأن أكيد العربيه عامله كيلوات أكتر من اللى أنت كاتبها
والمفروض تستعمل زيت معدنى بعد كده

وكلامك ده

والمفاجأة اللى مكنتش متخيلها ان مقاس الزيت قليل
والزيت طالع اسود

يعنى المكنه عندك خفيفه شويه
ومينفعش معاها زيت تخليقى
ولازم تستعمل زيت معدنى وتجرب الأول
وعينك على المقاس .....على ماتشوف نظام المقاس
وتشوف حتعمل أيه بعد كده
لو المقاس ثابت مع المعدنى ....حتمشى عليه
جرب أستعمال زيت شيل الأصفر

**khaled02001** · 30-08-2009 07:52 PM

الف شكر ليك يا باش مهندس سمير وانت اخ بجد
انا مكنتش بكشف على الزيت الا بعد نصيحتك لية والحمد لله جات فى وقتها
استفسار صغير زيت شيل الاصفر بيتغير كل كام كيلو وسعرة كام؟
ويعنى اية اتابع المقاس لحد ما اعرف نظامة؟ يعنى هو بيتغير بعد فترة؟
والف مليون شكر ليك مرة تانى

**samirayad** · 30-08-2009 11:33 PM

الف شكر ليك يا باش مهندس سمير وانت اخ بجد

الله يخليك وكل عام وأنتم بخير

استفسار صغير زيت شيل الاصفر بيتغير كل كام كيلو وسعرة كام؟

مش مهم بيتغير كل كام دلوقتى
المهم عاوزين نعرف لما تستخدم النوعه ده المقاس حيثبت معاك ولا لا
عموما ممكن يقعد معاك حوالى 3500 كم
والسعر فى حدود 100 ج

ويعنى اية اتابع المقاس لحد ما اعرف نظامة؟ يعنى هو بيتغير بعد فترة؟

المقصود لما تغير للنوع ده من الزيت ومع أستعمالك للعربيه
حتشوف المقاس حيثبت معاك ولا لا
علشان نقيم حالة المكنه

**khaled02001** · 31-08-2009 02:05 AM

انا يا باش مهندس سمير ملقتش زيت شيل اصفر علشان كنت مستعجل فغيرت النهاردة بزيت موبيل xhp اصفر
دة كويس والا مش قوى؟
اغيرة برضة كل 3500 كيلو ؟
وكل سنة وحضرتك طيب

**samirayad** · 31-08-2009 02:51 AM

وأنت بالصحه والسعاده
هو موبيل xhp مش اصفر ولا حاجه
وعلى البركه أن شاء الله
أهم شىء تابع المقاس بعد كل 500 كم مثلا
علشان تشوف الزيت حينقص معاك ولالا
وممكن تبقى تغيره على 3500 كم
طالما المقاس ثابت معاك
وأرجو لك ذلك
ولو عاوز تقيم حالة المحرك
ممكن تعمل أختبار كبس برضه