استفسار عن ال map

**samirayad** · 05-09-2009 03:59 PM

ياباشا ....والله أنا زعلان جدا
من الموقف ده
وحزين على حال الميكانيكيه بتوعنا
اللى مبيفكروش أساسا غير فى حياخد كام من الزبون
وعندك حق ....
نادر أوى لما تقابل ميكانيكى يكون بيفهم وبيقدر الأمور صح
وعارف أن دى أمانه ....ودى فلوس ناس
ودوخه وتعب معنوى ومادى

عموما ربنا يعوض عليك
ومش عاوز أكون أنا السبب اللى دايقك فى وجهة النظر الفنيه
بس مقدرش أغشك وأقول ....أى كلام ...أنا مش مقتنع بيه
وبرضه أستشير ناس تانيه
وأرجو من الله ....أن أكون غلطان فى تقديرى الفنى للمشكله
وأنا راضى .....المهم أنا عاوز الخير ليك وللجميع
كل سنه وأنت طيب
ورمضان كريم

**samirayad** · 05-09-2009 05:22 PM

طيب ماتعمل أختبار كبس
علشان تعرف كفاءة حبك الغرف بتاعة الحريق بعد العمره
كنوع من قطع الشك باليقين برضه
علشان تعرف محركك كفاءته نظامها أيه

**hany121** · 07-09-2009 10:38 AM

ده هيبين اذا كانت مشكله وش سلندر فقط او وش سلندر وشنبر؟

وهو وش السلندر ممكن يقلل سحب العربيه وعزمها اذا كان محتاح كاوتش صباب ودلايل وروديه؟

وتفتكر لو عدلت الاسبراتير وخليته ابلاتين وكندنسر بدل الكتروني لتفادي مشاكل المشط ده ممكن يكون احسن ؟

**samirayad** · 07-09-2009 03:51 PM

ده هيبين اذا كانت مشكله وش سلندر فقط او وش سلندر وشنبر؟

ده حيبين حالة الشنابر وحالة حبك الغرف
ولو أتعمل صح ممكن تعرف التفويت منين
بس على الأقل حتعرف نسبة حبك الغرف عندك قد أيه

وهو وش السلندر ممكن يقلل سحب العربيه وعزمها اذا كان محتاح كاوتش صباب ودلايل وروديه؟

المفروض أن الميكانيكى عمل روديه ساعة العمره
أو على الأقل أطمن أن الصبابات قافله على الوش من تحت
وموضوع كاوتش الصباب ....متشغلش نفسك بيه
طالما المكنه مبتكلش زيت ....والبوجيهات بتلاقيها نظيفه ومعلهاش لمعة زيت

وتفتكر لو عدلت الاسبراتير وخليته ابلاتين وكندنسر بدل الكتروني لتفادي مشاكل المشط ده ممكن يكون احسن ؟

لا ياباشا ....خليك زى ما أنت
دا نظام الأشعال بالمشط أكفأ وأفضل طبعا
ومش معقول حنرجع لوراء ( نظام أبلاتين وكوندسر ومشاكلهم كل شويه )

**hany121** · 07-09-2009 05:00 PM

متشكر جدا يا بشمهندس..

حضرتك تعرف بنزينه كويسه اقيس فيها الموتور؟

هو الزيت بينقص بسيط لكن البوجيهات ما بتعرقش زيت. مش عارف ازاي؟

**aYaBooY** · 07-09-2009 05:21 PM

المشاركة الأصلية كتبت بواسطة hany121

متشكر جدا يا بشمهندس..

حضرتك تعرف بنزينه كويسه اقيس فيها الموتور؟

هو الزيت بينقص بسيط لكن البوجيهات ما بتعرقش زيت. مش عارف ازاي؟

بنزينة موبيل رابعة العدوية و بنزينة شل زاكر حسين
موضوع نقص الزيت بدون تعريق على البويجهات عادي بس موضوع التعريق بتكون مرحلة متاخرة من خففان الموتور مش اكتر

**samirayad** · 07-09-2009 06:12 PM

هو الزيت بينقص بسيط لكن البوجيهات ما بتعرقش زيت. مش عارف ازاي؟

كل ده بيخلينى أرجع لكلامى بتاع غرف الحريق
الموضوع أتقلب للأسف ( يعنى الميكانيكى اللى عمل العمره على قده )
والمفروض كان تبقى الأمور غير كده

عموما قيس الكبس برضه
علشان نعرف حبك الغرف عندك عامل كام فى الميه
لمحرك لسه طالع من عمره

ده حيخلينا مقتنعين تماما ....أن فيه عيب فى البلوك فعلا عندك
لو طلع الحبك مش قد كده
لأنك لسه طالع من عمره