استفسار عن ال map

**hany121** · 21-08-2009 02:46 PM

السلام عليكم ورحمة الله وبركاته وكل عام وانتم بخير ..

انا معايا فيات تمبرا 1400 CC موديل 91 .. التابلوه فيه لمبه خضراء مكتوب عليها Economy المفروض اللمبه ده تفضل منوره طالما ال RPM لم يتعدي 3.. وبعد تخطي ال 3000 لفه RPM تنطفىء هذه اللمبه وتضاء لمبه صفرا بجانبها مكتوب عليها Power ...

المشكله ان اللمبه الخضراء ده في معظم الاحيان لا تضىء مع العلم ان اللمبه الصفراء تضيء بانتظام بعد 3000 RPM ..

دخلت علي FIAT Forum لمعرفة علي اي Sensor تعمل هذه اللمبه والسبب في عدم عملها بالرغم من ان اللمبه الاخري تعمل واعتقد ان المسؤل عن عملهم هو حساس واحد علما بان اللمبه مش محروقه...

ممكن حد من الخبراء يفيدني في الموضوع ده؟؟؟

ده اللي لقيته في Fiat Forum ...

Ummm... the economy and power leds give us the electronic economy gauge. Try revving high or accelerate hard and you will notice the orange led light up (power) while the green will turn off (economy).
__________________

**hany121** · 22-08-2009 10:25 AM

ايه يا جماعه؟؟ تاني موضوع ليه في الورشه وبرضه محدش بيجاوبني!!!

عموما كل سنه وانتم طيبين

**SAMEH_FOUAD** · 22-08-2009 06:25 PM

كل سنة وانت طيب

شوف حاول تنظف الحساسات عندك سواء الماب او الtps وحساس العمة بالwd40 وان شاء الله كل حاجة هاتظبط

**samirayad** · 03-09-2009 03:20 PM

طبعا عربيتك مش حقن ألكترونى ....لأن أنا شايف الموديل 1991
اللمبه الصفراء ( البرتقالى ) شغاله تمام فوق ال 3000 لفه
وكده فيه أستهلاك زياده فى البنزين ( يعنى مفيش توفير )

مشكلتك بأه فى اللمبه الخضراء بتاعة التوفير ....اللى المفروض تبأه منوره على طول قبل ال 3000

والسؤال بأه ليك يا أستاذ : هانى
بناء على الأقتباس ده

المشكله ان اللمبه الخضراء ده في معظم الاحيان لا تضىء

.
مايمكن الليد ده ( يعنى الدايود الباعث للضوء الأخضر ) قرب يتلف مثلا .......
وهل أنت حسبت الأستهلاك عندك ولقيت العمليه مخرفه مثلا
وبتستعمل أى نوع بنزين

وعلى فكره ده شكل لليدات بألوانها المختلفه

**samirayad** · 03-09-2009 07:59 PM

انا غيرت طقم دبرياج كامل والشنبر جبته زيرو 10 والعربيه كربراتير

ياترى غيرت بساتم
يا أستاذ : هانى
وكشفت على أستدارة فتحات الحريق كويس من داخل البلوك
وأنت ملحظتش نفخ من خط الفائظ بتاع التهويه عن كرتير المكنه

ده أقتباس من ردى أليك فى منتدى الفيات
فى أنتظار تعليقك

**hany121** · 04-09-2009 10:45 AM

انا مغيرتش بساتم لان الميكانيكي قالي ان البساتم والشمايز سليمه وصمم وهو بيشتري الشمبر انه يجيب الشمبر ال 3 قطع(اقصد الشنبر اللي بيركب في نص البستم عباره عن قطعتين بينهم سوسته نحاس بيتفكو من بعض مش لازقين في بعض)..

انا كنت واقف معاه وهو بيسقط البساتم ولقي الشمايز سليمه معملش فيهم حاجه غير تنظيفزز

خط الفايظ مبقاش بيطلع دخنه زي مكان الاول انما الشكمان بقي بيطلع دخنه بيضه مكانتش موجوده قبل كده والميكانيكي وهو بيسلمني العربيه قالي ان الدخنه ده هتروح بمجرد ما امشي 30 الي 40كم ( لكني مكنتش مقتنع لانه قرص علي الموتور جامد ولفتره طويله) والنتيجه ان لحد النهارده العربيه عامله حوالي 4000ك واول لما بدور العربيه بتطلع دفعة دخان مره واحده بكثافه اعتقد ده بسبب كاوتش صباب وروديه ( بالرغم انه المفروض انه عملهم وجايبلي فاتوره بيهم من المخرطه) المشكله ان الدخنه بتبقي مستمره خفيف جدا وبتزيد لو قرصت علي العربيه..

**samirayad** · 04-09-2009 02:36 PM

فيه عندك حاجه غريبه فى العمره دى
المفروض طالما أنه غيرلك شنابر زيرو 10
يعنى غرف الحريق أتسعت شويه
والمفروض كان البلوك أتظبط على بساتم زيرو 10 كمان
وواضح أنه ميكانيكى أى كلام

**samirayad** · 04-09-2009 04:17 PM

للأسف يا أستاذ : هانى
المفروض الميكانيكى اللى عملك العمره
كان نصحك وخلاك كشفت على البلوك
زى الميكانيكى الشاطر اللى فى الموضوع ده

دوس هنا

**hany121** · 05-09-2009 11:09 AM

متشكر جدا يا بشمهندس علي اهتمامك وزوقك وكفايه ان حضرتك تعتبر الوحيد من اصحاب الخبره اللي لسه بيشارك دايما وبيفيد اعضاء المنتدي بعد قلة مشاركات استاذ سبعاوي واستاذ محمد ممدوح .. بجد ربنا يكرمك ويقدرك علي استفساراتنا ويجعله في ميزان حسناتك..

هحاول ادور علي ميكانيكي كويس يعمل طقم شنبر وعمرة وش السلندر تاني ولو اني اشك انه فيه في مصر ميكانيكي بيفهم ومبيفتيش.. انا متعامل لحد دلوقتي مع 8 ميكانيكيه وما شاء الله ولا واحد منهم بيفهم وكل اللي اكتسبوه من عملهم في الميكانيكا هي العفريته المزيته..

متشكر مره تانيه وكل سنه وحضرتك طيب..