حجزت الإبيـــــزا و زعلان عربية ماتستاهلش!!!

**SuMo** · 27-10-2007 02:36 AM

malha el-grand punto
i think ejha nfs el-renge
3rbia gamda w ndifa
bsrf el-nzr 3n el-twkil

**casperinoo** · 27-10-2007 04:04 AM

yaris hatch back
بس مش عارف فيه منها دلوقتي ولا لأ؟
الابيزا حلوه برده((هي غاليه شويه))
شافت البولو

**M_ashraf** · 27-10-2007 07:01 AM

الابيزا عربيه شيك مميزه شكلا
شركه عالميه محترمه
مواتير الماني من شركه فولكس
قد يكون عيبها الوحيد توكيلها اللي مش عارف يسوقها كويس
لكن ما عدا ذلك عربيه حلوه
ربنا يباركلكوا فيها

**pcegypt** · 27-10-2007 07:42 AM

الإبيزا من وجهة نظري عربية جيدة ، قطع غيارها أسعارها معقولة وممكن تلاقيها بره التوكيل - طبعا أنا بتكلم في حدود إن معايا إبيزا 94- بس برضه الموديلات الجديدة فيه ناس في دمشق وغيره عندهم قطع غيارها ، ده غير إنها في الأول وفي الآخر عربية أوروبي وتنتمي لمجموعة فولكس فاجن وتماثل السيارة البولو مع الأخد في الإعتبار إن الإبيزا أكبر وأوسع وسعرها أقل من البولو بحوالي 10 آلاف جنيه.

بالتوفيق وربنا يديلك خيرها ويكفيك شرها

تحياتي

**AlmAhAtmA** · 27-10-2007 08:04 AM

يا سيد الكل الف مبروك علي الابيزا
مالها الابيزا
عربيه شيك مش منتشره و اكيد لو بصيت لنص الكبايه المليان حتشرب الشهد

يا راجل افرح و فرح اختنا بالعربيه
الناس كاتبه كلام جميل اهو و اشي 4 نجوم و اشي 5 نجوم

يالا ادخل علي النت و اتفرج علي العربيه و افرح و فرح اختنا معاك
و ربنا يبارك لكم فيها و يكفيكم شرها و يديكم خيرها

**PAYOO** · 27-10-2007 09:46 AM

أنا كنت هارشحلك الجراند بونتو عربيه ممتازه ووكيلها بيبتدي بدايه جديده في مصر لكن بما أنك خلاص حجزت يبقى ألف مبروك والأبيزا عربيه ممتازه جدا وعيبها أنها فعلا غاليه لكن العربيه ممتازه سبات على الطريق وموتور محترم وعفشه رياضيه وبصراحه الأبيزا من كتر ما هيه شرسه أنا شايفها شبابي أكثر عن كونها بناتي لكن ممكن تمشي بناتي برضه

وألف مبروك

**eng_mkhalaf** · 27-10-2007 10:40 AM

الصراحة أنا شايف أنك أتسرعت فى القرار دة - هيى عربية نادرة فبالتالى معناة مع قطع الغيار والصيانات ودة شر لابد منة - لكن للجانب الحسن هية عربية جامدة جدا لكن الحلو مبيكملشى

**boody2** · 27-10-2007 10:54 AM

العربية جميلة ما شاء الله

عربية اسباني بموتور الماني و سمعتها حلوة من زمان من ايام موديل 1993 و 1994 لكن توكيلها ضعيف و مش عارف يسوقها خالص بس بصراحة شكلها تحفة بس هي اسما و شكلا احسن من الياريس و البونتو وشكلها احلي من الكولت بس حاول تسئل علي الصيانة بتاعتها و الضمان .
فعلا هي غالية بس هو ايه الي رخيص يعني؟؟؟و ربنا يباركلكوا فيها

انا كنت بقلب علي النت علشان اجيب شكلها و لاقيت واحد عرضها للبيع. http://www.car100100.com/car_details.php?car=1673

**معاذ الشرباصى** · 27-10-2007 03:16 PM

العربية قطع غيارها متوفرة بره التوكيل حاليا, مش كلها طبعا بس مش اقل من 50%

و كمان فى لها قطع غيار استيراد لأن الشكل ده بقاله اكترمن سنتين

الوكيل بتاعها كويس, معقول يعنى لكن مش ممتاز لكن عندهم قطع الغيار و مش غالية اوى زى اخواتهم بتوع الفولكس

هما فعلا مقصرين فى موضوع الدعاية ده, على الاساس ان العربية جامدة و تبيع نفسها, و ده قصر نظر طبعا

بس على فكرة يا جماعة العربية دى فيها cd player, airbag, ABS, EBD فى النسخة المانيوال بتاعتها, يعنى فيها كماليات مش موجودة فى معظم العربيات اللى محمد قالها

**CryptonX** · 27-10-2007 03:28 PM

Seat Ibiza = Skoda Fabia = VW Polo

3 اوجه لعملة واحدة , المانية VW ممتازة .

ال3 سيارات بنفس الشاسيه و نفس المواتير تقريبا . الفروقات مش جوهرية
بس اعتقد تسويق ال3 موديلات من ال 3 توكيلات زي الزفت !

البولو الجديدة اصبحت منظر نادر ! مش زي القديمة الخالص
الفابيتا اتغيرت برة السنة دي , بس احتا بنحب التراث .. انتوا عارفين طبعا .
الآبيزا منتشرة شوية عن البولو في رأي

انا شخصيا ارجح الابيزا فوق البولو

ولو اني شايف ان ال3 سعرهم مبالغ فيه لفئتهم
الجراند بونتو الكاملة , تحفة ايطالية ما شاء الله !
بس يعيبها موتورها المطروح في مصر .. و وكيل النقل الي واخدها و مش عارف يعمل اعلان نص صفحة حتى مش صفحة واحدة في الجورنال !

الموضوع: حجزت الإبيـــــزا و زعلان عربية ماتستاهلش!!!

LinkBack

أدوات الموضوع

عرض

-

-

-

-

-

-

المواضيع المتشابهه

هو حد زعلان منى

زعلان قوي :(

ازاي عربية بدون كتالوج تشغيل...زعلان من التوكيل على السلبية

ايه اكثر عربية فى مصر ماتستاهلش سعرها ؟؟ خش و قول رأيك !!

حجزت ايبيزا 2008 بس زعلان جدا (ما تستاهلش)

الكلمات الدلالية لهذا الموضوع

المفضلات

المفضلات

ضوابط المشاركة