استفسار عن مكان هادئ لعزومه افطار

**Nile_Storm** · 23-08-2009 05:16 PM

المشاركة الأصلية كتبت بواسطة AhmedGen2

هو جراند حياة المطعم الدوار العزومة فيه ب 100 جنيه؟ !! دة مش أقل من 1000 جنيه.

ماهو علشان كده و انا بكتب فكرت في الموضوع ده
و قلت الي عازمهم ميستاهلوش كل ده

حتي انتي يا نور القمر
بما اننا جيران يبقي خليكي عندك و اكلك يوصلك :)

اللذيذ ان محدش اقترح حاجه
و استلمتوني

ايه المعزه الجامده دي

**A.Saad** · 23-08-2009 05:24 PM

عندك نادى البحرية
اسمه قاصد كريم
الشارع اللى قبل كوبرى قصر النيل يمين وانت رايح شيراتون الجزيرة
قعدته على النيل
وفيه مركب هناك كمان
اسعاره عادية

الدخول للمدنيين بتذاكر
بس انا مجربتش اكله

**tofy_urban** · 23-08-2009 10:24 PM

المشاركة الأصلية كتبت بواسطة A.Saad

عندك نادى البحرية
اسمه قاصد كريم
الشارع اللى قبل كوبرى قصر النيل يمين وانت رايح شيراتون الجزيرة
قعدته على النيل
وفيه مركب هناك كمان
اسعاره عادية

الدخول للمدنيين بتذاكر
بس انا مجربتش اكله

انا كنت هارشحلك المكان ده الصبح بس لقيت الناس كلها مستلماك تريقة

و هزار و لقيتكم اصحاب مع بعض قلت اطلع انا منها علي العموم المركبة هناك اسمها الفلندر و الدخول من غير تذاكر في حالة انك داخل علي المركبة لازم تروح قبلها تحجز و تروح الاكل جااااااااااامد جدا و الفرد بحوالي 80 جنية شامل الضريبة و المكان بجد تحفة و هي رحلة نيلية لمدة ساعتين و المركبة بتقف تقريبا نص ساعة او اكتر شوية قبل التحرك يعني قول الموضوع حوالي ساعتين و نص و اكل جامد اوي بس مش كمية كبيرة يعني و في فقرات لذيذة اوي بيعملوها و بعد الاكل بتطلع تاخد الحلو في الروف و بيستكملوا الفقرات فوق اوبن اير يامعلم و حاجة من الاخر ,,,, اما بخصوص التذاكر فده لو انت داخل النادي الخاص بالقوات البحرية و التذكرة ب10 جنية و الاكل كويس و رخيص و قعدته هادية شوية و واخدة فيو حلو علي النيل ,,,, بخصوص سبكترا يابرنس انصحك بلاش هو مكان جامد جدا و هتاكل اكل تحس انه اكتر من اللي دفعته يمكن مرة و نص بس لازم تحجز بدري و تتقبل انك تبقي قاعد في مكان زحمة و تحس ان في ناس حوليك كتير ,,, طبعا بردو عندك مركب النايل سيتي هتلاقي فيه مطاعم كويسة و في ستوديو مصر في الرينج اللي عايزة و عندك تشيلز بردو جامد و في مطعم هادي بردو عند نادي الصيد ناسي اسمه مع اني روحته اكتر من مرة ,, و ربنا يوفقك يابرنس

SS · 24-08-2009 03:19 AM

واضح ان المنتدى كله بيعزك يا دكترة.....34 مشاركة ...و اللى فيهم اقتراحات يتعدوا ع الصوابع

ما هو يا اما الناس بتعزك بزيادة....يا اما الناس الاحوال المادية متردية معاها بزيادة

و ادى المشاركة ال 35 زيها زى قلتها .....و لا اقولك....

فى البتاعة المأسوف ع شبابها اللى قصاد مستشفى القوات المسلحة....اسمها جزيرة المعادى

انا اسمع ان المكان حلو من كذا واحد راح ....بس الاكل اختلفت عليه الاراء....بص هو فيه جوة كذا مطعم فانت ممكن تختار.....بس هى طبعاً خارج نطاق المهندسن و وسط البلد...بس انا شايف انها مش بعيدة فقلت اقولك....يمكن تعجبك.....و تعزمنى هناك

**Nile_Storm** · 24-08-2009 03:48 AM

المشاركة الأصلية كتبت بواسطة ss

واضح ان المنتدى كله بيعزك يا دكترة.....34 مشاركة ...و اللى فيهم اقتراحات يتعدوا ع الصوابع

ما هو يا اما الناس بتعزك بزيادة

....يا اما الناس الاحوال المادية متردية معاها بزيادة:b4_611:

و ادى المشاركة ال 35 زيها زى قلتها

.....و لا اقولك....

فى البتاعة المأسوف ع شبابها اللى قصاد مستشفى القوات المسلحة....اسمها جزيرة المعادى

انا اسمع ان المكان حلو من كذا واحد راح ....بس الاكل اختلفت عليه الاراء....بص هو فيه جوة كذا مطعم فانت ممكن تختار.....بس هى طبعاً خارج نطاق المهندسن و وسط البلد...بس انا شايف انها مش بعيدة فقلت اقولك....يمكن تعجبك.....و تعزمنى هناك

ياااااااااااااااااااااااا ه فينك ياعم
ده تقريبا مشفتكش من فطار رمضان الي فات
اشوفك السنه دي بأه اوعي متجيش
شفت المعزه ياسيدي
شكرا للاقتراح ياباشا

**Nile_Storm** · 24-08-2009 03:51 AM

المشاركة الأصلية كتبت بواسطة tofy_urban

انا كنت هارشحلك المكان ده الصبح بس لقيت الناس كلها مستلماك تريقة

و هزار و لقيتكم اصحاب مع بعض قلت اطلع انا منها

تطلع منها
كده ياراجل

لا طبعا ترد و تلحقني من الوحوش دول

انا حاسس ان فلوس العزومه هتتسرق من كتر التركيز عليها

اصل الناس دي طيبين اوي

ياباشا كلنا اصحاب و حبايب
ولو الحكايه بين اصحاب و بس كنت خليتها علي الميل
هي بس معزه بين ناس بحبها و بيننا عيش و ملح و ساعات سندوتشات و بطاطس

و نورت الموضوع بردك و اقتراحك
هروح اشوف الحوار هناك
الف شكر

**Nile_Storm** · 24-08-2009 03:52 AM

المشاركة الأصلية كتبت بواسطة haitham10

ربنا يفك زنقتك يا نايل
قلبي معاك انا مش شمتان ولا حاجة

متابع عشان اتعزم........

الله يكرمك بجد ضحكتني جدددددددددا
بكلمه متابع علشان اتعزم
ربنا يسعدك زي ماضحكتني

**A.Saad** · 24-08-2009 11:53 AM

المشاركة الأصلية كتبت بواسطة Nile_Storm

تطلع منها
كده ياراجل

لا طبعا ترد و تلحقني من الوحوش دول

انا حاسس ان فلوس العزومه هتتسرق من كتر التركيز عليها

اصل الناس دي طيبين اوي

ياباشا كلنا اصحاب و حبايب
ولو الحكايه بين اصحاب و بس كنت خليتها علي الميل
هي بس معزه بين ناس بحبها و بيننا عيش و ملح و ساعات سندوتشات و بطاطس

و نورت الموضوع بردك و اقتراحك
هروح اشوف الحوار هناك
الف شكر

ايه ده انا اتنسيت ولا ايه
انا اقترحت المكان والعضو tofy-urban اداك تفاصيل اكتر
المهم
لازم ترد لنا الجميل انا وهوة وتعزمنا طبعا ولا ايه

-

الموضوع: استفسار عن مكان هادئ لعزومه افطار

LinkBack

أدوات الموضوع

عرض

-

-

المواضيع المتشابهه

محتاج مكان هادئ فى مصر

حوار هادئ عن ماركة بروتون

سحب طيارة ولا صوت هادئ

60 ألف أم 100 ألف حوار هادئ

الكلمات الدلالية لهذا الموضوع

المفضلات

المفضلات

ضوابط المشاركة