مواقف وطرائف الأفراح..وتسييح علي اعلي المستويات

**احمدعبدالعزيز** · 24-08-2009 02:49 PM

المشاركة الأصلية كتبت بواسطة aboelnagah

مرة كنت فرح واحد صاحبى

فجه الراجل بتاع الدى جى قال للعريس ياريت تقول كلمة حلوة للعروسة وتبوسها

راح العريس قايل بحبك اوى ياحبيبتى وراح بايسها فى راسها (( جبين الراس )) يعنى حاجة عاديه خالص ودى اصلا دخلة مش خطوبة

راح ابو العروسة مطلع مسدس وعاوز يقتل الراجل بتاع الدى جى وقلب الفرح وباظ وزعق مع العريس ازاى تبوس بنتى

والله العظيم راجل من دهر راجل هى يعنى خلاص مش قادر يصبر لما يروح انا الحركه دى بتحرق دمى لما بشوفها فى اى فرح وبحس ان العريس والاب نفسه ديوس ربنا يرحما بقى من البرود اللى الناس بقت فيه

**AhMeD EzZ** · 24-08-2009 06:39 PM

يلهوي علي المسخرة
انا ميت من الضحك علي الموقف دة و يا تري لقي الدهب

**aly_hosny** · 24-08-2009 06:51 PM

المشاركة الأصلية كتبت بواسطة احمدعبدالعزيز

والله العظيم راجل من دهر راجل هى يعنى خلاص مش قادر يصبر لما يروح انا الحركه دى بتحرق دمى لما بشوفها فى اى فرح وبحس ان العريس والاب نفسه ديوس ربنا يرحما بقى من البرود اللى الناس بقت فيه

مش مراتو
يعمل ال هو عايزه مادام كتب عليها خلاص

**icehearted girl** · 24-08-2009 07:00 PM

المشاركة الأصلية كتبت بواسطة MOSHAKS

حضرت فرح فى احد النوادى وكان على حمام السباحه اللى لسه معمول جديد
وبعدين الراجل بتاع تصوير الفديو قال للعريس والعروسه خلوا حمام السباحه فى ضهركم وانت بتلبسها الشبكه و ارجعوا ورا شويه علشان الصوره تبئا جميلة لحد مئولكم كفايه واعدو يرجعوا ويرجعوا وكلهم عينهم على الراجل بتاع الفديو وهو اصلا نسيهم وانشغل بتظبيط الكاميرا وهما فاكرين انه باصصلهم وفجأة
العروسه ادلئت فى الحمام ومعاها علبة الشبكة
كنت متوقع ان العريس ينط يجبها انما الباشا خاف على البدله لتتبل واكتفى بمد ايده للعروسه المبلوله وعينه على علبة الشبكه الفاضيه اللى وقع محتوايتها فى الحمام وطلعوا العروسه وشكلها بئا عامل زى البلياتشو بعد ما المكياج ساح ووقفوا امن على الحمام بسرعه وممنوع حد ينزل الحمام نهائى حتى الصباح علشان الذهب اللى وقع محدش يخده وبالنهار الحاجه تبان
وراح العريس الهمام بايس العروسه من دماغها علشان تسكت من حنفية العياط اللى اتفتحت وشالها وهى بتخر من كل حته وركب العربيه وسط الزغاريد وتهليل الاصحاب واتحركت الزفه على بيت العريس

ههههههههههههههههههههههههه ههههههههههههههههههههههههه ههههههههههههههههههه

ياخبررررررررررررررررررررر رررررررررررررررررررررررر

انا لو منها اعيط شهر واطلع اقله طلقني طلقني طلقنىىىىىىىىىىىى

**MOSHAKS** · 24-08-2009 10:58 PM

المشاركة الأصلية كتبت بواسطة Ezzat-fayek

يلهوي علي المسخرة
انا ميت من الضحك علي الموقف دة و يا تري لقي الدهب

الحمد لله اخوه بيت مع بتوع الامن على حمام السباحه لحد الصبح علشان يوشوف الدهب وجابوه
لما جه المنقذين بتوع الحمام

**aymansaad** · 24-08-2009 11:10 PM

انا كان ليا واحد صحبى فى يوم فرحه قابلته الصح و قلتله تعمل ايه (طبعا على السنة) يعنى انه يصلى ركعتين هو امام وهى خلفة واديته ورقة فيها دعاء عن الرسول صلى الله عليه و سلم يقال فى ليلة الدخلة و ورقة فيها دعاء الدخول

طبعا بعد الفرح بكام يوم رحنا نباركله فقلتله عملت ايه فى الورقة اللى ادهاللك قام قالى ورقة ايه وبعد لحظات افتكر وقالى اخ
!!!!!!!!

**M.Osman** · 25-08-2009 12:57 AM

المشاركة الأصلية كتبت بواسطة احمدعبدالعزيز

والله العظيم راجل من دهر راجل هى يعنى خلاص مش قادر يصبر لما يروح انا الحركه دى بتحرق دمى لما بشوفها فى اى فرح وبحس ان العريس والاب نفسه ديوس ربنا يرحما بقى من البرود اللى الناس بقت فيه

عندك حق يا باشا...
و تعليقي على معظم الأفراح اللى بروحها انها بتكون مسخرة و قلة أدب!!
ايوا.. زي ما حضراتكم قريتم كدا (مسخرة و قلة ادب)

راجل اية دا اللي يقعد يرقص مع مراته قدام الناس كلها...
( ابسط رد تسمعه لما تقول الكلمتين دول ... دي ليلة العمر ..خللي الناس تفرح!!)

هطق يا ناس!

**jisso82** · 25-08-2009 01:17 AM

ألذ مواقف أفراح حصلتلى اللى كانت مرتبطة بماتشات كورة مهمة :
مرة حضرت فرح واحدة صاحبة أختى كان يوم ماتش مصر والجزائر فى كأس الأمم 2004 و كنت متنكد و متضايق لأن والدى مسافر و مضطر أوصل أختى الفرح روحت لقيت العريس و الشباب كلها سايبين الفرح و قاعدين فى الريسيبشن بتاع الفندق بيتفرجوا على الماتش و البنات بترقص لوحدها جوه بصراحة الموضوع جه على هوايا أوى كان فى الجون بجد ما نكدش عليا يوميها غير خسارتنا حتى العريس لما دخل بعد الماتش يكمل الفرح كان بيرقص من غير نفس.

و مرة تانية كان فرح ابن خالتى و بعد ما كان حاجز فى مكان فجأة حصل مشكلة فى المكان متعلقة برخصة تأمينه ضد الحريق و قفل و رجع الفلوس لابن خالتى فى وقت ضيق جدا قبل الفرح ب 3 أيام و هو كان عايز يعمله إسلامى يعنى الستات فى قاعة و الرجالة فى قاعة المهم الحمد لله ربنا كرم و قدر يلاقى مكان بس يوم ماتش مصر و السودان برده فى كاس الأمم بس 2008 أصلى محظوظ بالمواعيد دى . المهم كانت كل العيلة لأنها كروية جدا معترضة على اليوم و قالوا إنهم هييجوا قبل الماتش أو بعد و كان ميعاده 9 مساءا. المهم اتفقنا مع الفندق إنه يدخل تليفزيون فى القاعة عشان نعرف نتفرج على الماتش و ابتدينا الفرح بعد ما خلص.

-

-

الموضوع: مواقف وطرائف الأفراح..وتسييح علي اعلي المستويات

LinkBack

أدوات الموضوع

عرض

-

-

-

-

-

المواضيع المتشابهه

مواقف وطرائف ...فى بلاد الغربة

مواقف وطرائف .. السوزوكيه .. (متجدد)

مواقف وطرائف

مواقف وطرائف

مواقف وطرائف من المدارس

الكلمات الدلالية لهذا الموضوع

المفضلات

المفضلات

ضوابط المشاركة