الموضوع: أقصى سرعة للميجان

المشاركة الأصلية كتبت بواسطة Ahmed A.Maksoud

أينعم................فى حالة الفرامل الجامدة المفاجئة

على فكرة موديلات موديلات و ملهاش دعوة بالفئة اللى إنت شاريها لكنها بتكون لوطات معينة.

يعنى فيه ناس غير موضوع الإنتظار اللى بيشتغل لوحده فى الطوارىء عندهم مراية الوسط chromatic.

يعنى لو اللى وراك ضرب فيك نور عالى بتغمق لوحدها على حسب شدة الإضاءة القادمة من الخلف علشان تحمى عينك من الglazing و الreflection فى عينك و كمان بتخليك شايف السكة مع وجود أنوار شديدة من الخلف....حظوظ

المشاركة الأصلية كتبت بواسطة chato_eg

عمرى ما شفتها فى الميجان إللى فى مصر....دى موجودة فى العربيات ال 2000 cc بس....
موضوع الانتظار فى حالة الوقوف المفاجىء....اشتغل معايا مرة واحدة بس....مع إنى توقفت فجأة بشكل أسوا فى مرات تانية كتير و ما اشتغلش

على فكرة أنا متأكد جدا من الكلام اللى بقولهولك ده لأنى عندى صديق دراسة شغال فى التوكيل و كنت دايما بعدى عليه و أقعد أتفرج على الميجان قبل ما أشتريها...

موضوع المراية نزل فى عدد قليل جدا و أعتقد فى الموديلات الأولى خالص و ياريت لو حد من الأعضاء عنده الfeature ده يشاركنا.

موضوع الإنتظار برده نزل فى لوطات بسيطة جدا و لوطات تانية كتير لأ...

أنا معنديش الإنتظار فى عربيتى...فى ناس إشتروها من غير مرايات ضم و ناس إشتروها بالباكيتات اللى فى الجنب مش مكتوب عليها 16 v 1.6 و ناس أخدتها من غير فوجات و حساسات مطر و ضوء.

فيه ناس أخدوها من غير speed limiter و cruise control و كل الناس ديه دفعت نفس التمن بس حسب أنه سنه و أى لوط.

تخيل إن فى الأول باعوا عدد بسيط جدا جداعربيات ميجان لون أبيض..!!!!

المشاركة الأصلية كتبت بواسطة karioky

موضوع المراية دا شوفتو قبل كدا بس دا كان فى أول الميجان خالص يعنى 2004 2005 بس الانتذار دا اشتغل معايا مرتين

هو فعلا موضوع المراية ده كان فى الأول خالص و اللون الأبيض برده كانوا كام وحده فى الأول خالص.....

موضوع الإنتظار ده أنا حاولت أشغله عندى عن طريق إنى أفرمل بقوة لكن ما إشتغلش... لكن دلوقتى جاتلى فكرة إنه ممكن يكون بيشتغل على السرعات العالية فقط...

يعنى حضرتك حاول تفتكر الكام مرة اللى إشتغل فيهم كنت فوق ال100 مثلا و فرملت جامد و لا كان سرعات واطية....

ياريت يا جماعة اللى عنده الخاصية دى شغالة يشاركنا بخبرته فيها و لكم جزيل الشكر ........

المشاركة الأصلية كتبت بواسطة blazer

بس ازاى التضارب فى الاوبشنز دا
يعنى الناس كانت بتشترى العربيه فى كاتيجورى معين على اساس ان فيها اوبشنز معينه ويطلع مفيهاش مثبت سرعه مثلا او مفسيهاش مرايات ضم !!

هو ده بالضبط اللى كان بيحصل...يعنى لو قلنا مثلا أول كاتجورى أتوماتيك اللى ب125000 فيه ناس إشترتو بمرايات ضم و فيه موديلات ف2008 من غير مرايات ضم مع إنهم دفعوا نفس ال125000.

كان فى 2008 تقريبا لو فاكر كويس كان فيه دفعة أول فئة أتوماتيك و شوفتها فى التوكيل بنفسى من غير مرايات ضم و لا فوج لايت ولاحساسات مطرو ضوء و الباكيتات الجانبية عادية معلهاش كتابة و مش فاكر كمان الكروز كنترول كان موجود و لا شالوه و الناس ديه دفعت نفس اللى غيرهم دفعوا 125000و عندهم كل الحاجات دى....

على فكرة نفس الموضوع ده هيحصل فى الفلوانس لما يبتدوا يجيبوا دفعات كتيرة منها ورا بعض...سعات المصنع من كتر الضغط بيدى للتوكيل لوطات عربيات أعلى شوية فى الأوبشنز بنفس السعر و سعات أقل شوية برضه بنفس السعر و التوكيل ما بيعرفش غير لما يستلم العربيات و حظه اللى بياخد أوبشنز أعلى.

طبعا إحنا بنعرف الحاجات دى علشان بنقارن إنما اللى رايح يشترى جديد بيشترى اللى قدام عينه و مش بيقول ده غيرى كان عنده كذا...متنساش إنهم كانوا محافظين على الكماليات الأساسية و اللعب فى الزيادات.