أقصى سرعة للميجان

**Sharky** · 24-04-2010 12:40 AM

زى ما قال هانى بالظبط

كان فيه موديلات 2004 و أول دفعة فى 2005 مافيهاش مرايات ضم و كان لون المرايات اسود
و فى باقى دفعات 2005 بداو ينزلوا المرايات الضم و بنفس لون السيارة و ماكنش فيها مثبت السرعة
و بعد كده فى 2006 زاد مثبت السرعة

لكن من 2008 بدأ الأوبشن يقل و بقى فيه موديلات مافيهاش سنسور المطر و النور و الفوجات و غطأء الموتور و الشنطة و دول كانوا أساسين فى كل موديلات 2005 و 2006

لكن عمرى ما شفت فى أى ميجان فى مصر المراية الداخلية المعتمة !

موضوع الإنذار اشتغل معايا قبل كده لما فرملت بصورة مفاجئة فوق 100

**Hany Saad** · 24-04-2010 12:42 AM

المشاركة الأصلية كتبت بواسطة chato_eg

أو ممكن تكون سياسة عامة للتوفير بعد الأزمة....
من ساعة ما بدأت تتباع فى مصر فى 2005 و التغيير للأفضل
زى إن البانوراما ما كنش فيها MP3 و بعدين بقى موجود
ما كنش فى Cruise control خالص و بقى موجود بعد 2005
لكن من الربع الثانى من 2008 و أصبح هناك سياسة تخفيض مصروفات واضحة
أول من قابلته ملاحظ لها العقيد خالد....
بطانة الشنطة الخلفية.....غطاء الموتور....كلمة رينو على الشنطة....الأنوار المثبتة فى أسفل الأبواب

طبعا عندك حق سياية تخفيض المصروفات فعلا كانت واضحة فى 2008....أنا أول مرة أعرف إن فيه ميجان من غير بطانة شنطة خلفية و غطاء موتور و كلمة رينو على الشنطة و أنوار أسفل الأبواب....مع إنى متابع جيد للإختلافات لكن عدت عليا....

ده بالحاجات اللى أنت ذكرتها و اللى أنا ذكرتها يبقى وفر كذا ألف جنيه فى حاجات مش ملحوظة و باع العربية بنفس السعر...

يعنى اللى معندوش ميجان مش ممكن ياخد باله من بطانة الشنطة و غطاء الموتور إنهم متشالين و لا أنوار الأبواب....

مرايات الضم لوحدهم 5000 جنيه ده غير السويتش بتاعهم
فوانيس الشبورة فى حدود 4000 جنيه ده غير تغيير عصاية الإضاءة كاملة.

+باقى الحاجات يعنى بالميت موفر له 10000 جنيه

**Hany Saad** · 24-04-2010 11:12 AM

المشاركة الأصلية كتبت بواسطة blazer

بس فى اعتقادى ان الكماليات المتشاله دى من اول كاتجورى اوتو والمانيوال
انما تانى كاتيجورى فى الاوتو و البانوراما !؟ ممكن يشيلوها برده ؟؟

لأ ما إتشالتش من تانى كاتيجورى بس بكده عمل فرق كويس بين أول كاتيجورى و تانى كاتيجورى فى الأوتو.

أو بمعنى أصح أصبح تانى كاتيجورى أوتو مرغوب لكثرة كمالياته عن أول كاتيجورى.

يعنى أنا وقت ما كنت بشترى فى 2006 كانت أول كاتيجورى أوتو ب125000 و تانى كاتيجورى ب135000 و الفرق كان 4 جنوط مقاس 16 و عتب ألومنيوم و طارة دركسيون و مقبض الفتيس جلد و يمكن أكر داخلية و خارجية نيكل و الفرش كان أحلى شوية...و بصراحة محستش إن الفرق يستاهل ال10000 جنيه لكن لما شالو كل الحاجات دى من فئة ال125000 أصبح الفرق محسوس جدا لصالح ال135000.

**chato_eg** · 24-04-2010 11:06 PM

على فكرة
سياسة التوفير مش من التوكيل...دى من المصنع أو الشركة
بدليل إنى شفت المانيوال فيها mp3 بأم عينى ....و كنت واقف بأطنطط قدادمها....فى فرع العبور فى العرض