الموضوع: شيفورليه كروز ولا اوبترا ولا تويوتا يارس ولا لانسر

شوف اول حاجة الكروز ضيقة من جوة وانا عراف انا بقول اية ,انا خرجت ودخلت منها بالعافية ,بعكس الياريس دة بردة مايمنعش ان اليارس ضيقة بس مش زى الكروز على الحجم اللى برة دة كلة ,فعلا جوة حاجة وبرة حاجة تانية خالص ,الاوبترا اوسع منها ومريحة عنها ,كفاية انك لة ركبت الكروز بتسقط جوة الكرسى مابتعرفش تتحرك شمال ولا يمين وبتبقى قاعد مخنوق خنقة سودا

توكيل الهوندا كويس بس بردة يعيبة غالى جدا مقارنة بالاسعار بالخارج ,احسن حاجة ان الناس جوة فاهمة هما بيعملوا اية بس بردة لازم تكون واقف على ايديهم ومهتم بعربيتك وعارف هية فيها اية وهية داخلة من خدوش وحاجات عشان هما مهملين فى الحتة دية اوى ,بس يعتبر توكيل كويس بالنسبة للموجودين دلوقتى وتوكيل الهوندا هو الفطيم ,

شوف ياباشا انا ماليش دعوة بالماقاسات انا لية باللى ركبتة ,الكروز من برة شكلها حلو بس جوة ضيقة جدا عن برة وكل اللى ركبها نازل بيسب ويلعن فيها ,دة غير انها مافيهاش حتى ازاز كهرباء خلفة ,والقماشة اللى على التابلوة دية متهيالى على المدى القريب هاتتوسخ جامد وهتحتاج تنظيف وبالراحة كمان ,السيارة بلاستيك كلها من جوة ,حتى الحليات اللى متركبة فى التابلوة من اردىء الانواع ,دة اللى انا لاحظتة انا واصدقائى فى المعرض ,بعديها ركبت الاوبترا للمقارنة بين السياراتين ,لقيت فرق واضح جدا خصوصا فى رحابة الصالون ,وتحس ان صالون الاوبترا اهدى واريح بعكس الكروز اللى مجرد ماتركبها تقع فى الكرسى ودة بيسبب ضيق فى المساحة ,لكن مساحة الارجل كانت معقولة الى حد ما ,