الموضوع: عايز اعرف حركة الثبات بتتعمل ازاى ؟؟؟؟

المشاركة الأصلية كتبت بواسطة mostafabakry

انت عاوز رأيي بلاش الحكاية دي
حفاظا علي العربية و ارواح الناس اللي معاك اللي ممكن تتعرض لخطر من الحكاية دي اللي ممكن لو انتعملتها صح حد تاني يحب يقلدي و يعملها غلط و يحدث ما لا تحمد عقباة و دا فرح مش سباق
انا من معارضي استعراض اي مهارات في القيادة في الزفة و الأفراح بصراحة كم الحوادث اللي حصل بسبب الكلام دا كتير و النتايج فظيعة الله لا يقدر و ان شاء الله يتمم علي خير
أما بقا لو عاوز تجامله يا باشا بجد ففيه الف طريقة تجامله بيها غير انك تعمله شوية دخان وما حدش يشوف حد و تبوظ الكاوتش بتاعك
يعني مثلا تبعت تشتري له كام حتة بطارخ ولا عشوة جمبري علي كبوريا علي استاكوزا ( من الآخر شوية فسفور من اللي يحبهم قلبك) او مثلا كام جرام غذاء ملكات النحل و غيرها كتير
اهو دا الكلام يا باشا و الراجل هيدعيلك بجد
دا مجرد رأي شخصي مش اكتر و تقبل تحياتي

كل سنة و انت طيب

شكرا لمرورك انا برضوة ضد اللعب بالعربيات فى الزفة فى الشوارع العامة انما فى المناطق الفاضية مفيش مشكلة وبيكون فى واحد منظم مين اللى حيخش فى النص هو دة اللى بنعملة واصحابى النظام مهم جدااا فى كل حاجة انما الهرجلة واللعب والسباق فى الزفات وفى وسط الشارع دة اسمة همجية.

المشاركة الأصلية كتبت بواسطة ahmed.omar

العربيه لازم دفع خلفى
دبرياش للاخر
كعب رجلك ع الفرامل للاخر
مشط رجلك ع البنزين وابدا اضغ وتسيب سنه سنه دبرياش وما تشيلش خالص عشان العربيه ما تبطلش منك.. دا كله وانت دايس فرامل طبعا

كلام منطقى
بس مش لازم خلفى الامامى بيعمل الثبات برضوة بس مع وضع زيت موتور تحت العجل الامامى.

الحركه دى مبتنفعش فى العربيات ال 1600 ولا حتى ال 2000 اللى على قدها

اى عربية ممكن تعمل الثبات بس مع وضع زيت موتور تحت العجل مش مهم قوة المكنة
طبعا الكلام اللى انت بتقولة دة صح للى عايز يعملة على الناشف من غير زيت اقلة مكنة 2500 سىسى وتكون عفية جامد مش على قد حالها

فى أغلب الأحيان اللى بيعمل كده بيكون مأجر العربية ويهمه أوى إنه يولع فيها عشان مش تعبان فيها ويجامل العريس بس الأحسن إنك تفجر العربية عشان العريس يحس بالأخوة اللى بينكم..
ماتزعلش منى بس الواحد بيشوف الحاجات دى كتير ومش عارف الناس بتعمل كده ليه وإزاى!! ماشفتش حد تعبان فى عربيته وممكن يعمل كده!!

المشاركة الأصلية كتبت بواسطة ahmed0nouh

ازيك يا اسلام ؟ يارب تكون بخير

مش عارف هتفتكرنى ولا لا :) ما علينا

بص الموضوع مش محتاج تعديل فى الفرامل ولا حاجه والناس اللى بتعمل التعديل ده هو الناس اللى بتمارس الحركه دى كتير جدا سواء بأشتراكهم فى دراج ريس كتير او خلافه

فى الحاله العاديه بيكون الفرامل شغاله تمام لكن قوه الموتور بتمنع الفرامل الخلفيه من ايقاف العجله علشان كدا الحركه دى مبتنفعش فى العربيات ال 1600 ولا حتى ال 2000 اللى على قدها

فى حاله عدم قدره الموتور على مقاومه الفرمله كل اللى هيقابلك دايما هو تبطيل العربيه او الاسطوانه تفوت او لو دايره الفرامل فيها اى نقاط ضعف هيتنقل الخساير ليها

علشان العربيه متمشيش محتاج فرامل ثابته وفعاله علشان توقف العجل اللى قدام تماما وطبعا لازم عربيه خلفى , بتدوس بنزين لقدر معين اللى هو هتعرفه بعد التجربه انه كافى وبعدين بمجرد ما تسيب الدبرياج هتبدا تدوس فرامل وتوزنها بحيث انها متكونش قويه اوى فتوقف العجل اللى ورا ومتكونش ضعيفه والعربيه كلها تمشى لكن مش زى ما الناس فاكره تدوس بنزين وفرامل للاخر هى ليها ميزان معين زى الدبرياج وانت طالع بالعربيه وبالتدريب رجلك هتاخد عليه

ده اللى الناس بتعمله فى حاله ان العربيه تتحرك الاول وبعدين تعمل بيرن اوت , لكن علشان تعملها من غير ما العربيه تمشى اساسا اما انك تتحكم فى الفرامل والبنزين برجل واحده ( وش رجلك على الفرامل والكعب على البنزين ) ودى عايزه تعود وتدريب كتير او تكون العربيه أوتو بشرط طبعا تكون على الاولانى بس

من حقك تعمل اللى انت عايزه بيرن دونات دريفت , ده مالك وانت حر فيه

المهم لا تتعدى على حق ولا سلامه غيرك فى الشارع اعمل اللى انت عايزه فى طريق فاضى محدش بيمشى فيه ولا يكون فيه سكان وتزعج راحتهم وخلى بالك من نفسك العربيه فى التجارب الاولى هتفلت منك كتير وهتتلغفن ولو المكان ضيق ممكن تدخل فى حاجه قصادك , مكان فاضى بعيد عن تعريض اى حد للخطر اهم حاجه

ونصيحه لوجه الله خلى بالك وانت بتجامل حد لما بيحصل حاجه لا قدر الله الزفه بتمشى وتسيب اللى عطل او لبس يعنى متضعيش فلوسك وتهين عربيتك ونفسك علشان خاطر حد

+11111111111111

المشاركة الأصلية كتبت بواسطة original

فى أغلب الأحيان اللى بيعمل كده بيكون مأجر العربية ويهمه أوى إنه يولع فيها عشان مش تعبان فيها ويجامل العريس بس الأحسن إنك تفجر العربية عشان العريس يحس بالأخوة اللى بينكم.. ماتزعلش منى بس الواحد بيشوف الحاجات دى كتير ومش عارف الناس بتعمل كده ليه وإزاى!! ماشفتش حد تعبان فى عربيته وممكن يعمل كده!!

بس انا مش ماجر العربية دى عربيتى ملكى ولا حولع فيها دى حركة وعايز اعرف بتتعمل ازاى فقط لا غير .
وياباشا ولا يهمك انا برضوة على فكرة ضد اللعب بالعربيات فى الزفة نهااااااااااااااااااااااا ئى طالها فى الشوارع العامة انما الكلام دة بيكون فى منطقى فاضية اسمها سوق الاتنين مهجورة نهائى خالص فى طنطا مفهاش صريخ ابن يومين .

المشاركة الأصلية كتبت بواسطة mohamed_refaat

شكرا لمرورك بس الثبات حركة للمانوال فقط

مش شرط تقدر تنفذها بسهوله اكتر على فتيس اوتوماتيك وتحطه على الغيار الاول لكن هى المشكله كلها لو ستيب ترونيك هينقل لوحده ومش هتعرف تعملها

المشاركة الأصلية كتبت بواسطة mohamed_refaat

اى عربية ممكن تعمل الثبات بس مع وضع زيت موتور تحت العجل مش مهم قوة المكنة
طبعا الكلام اللى انت بتقولة دة صح للى عايز يعملة على الناشف من غير زيت اقلة مكنة 2500 سىسى وتكون عفية جامد مش على قد حالها

وضع الزيت تحت العجل يتطلب لو العربيه أمامى انها تكون مربوطه من ورا او ان العجل الورانى يكون بعرض كبير والفرامل فيه على اقراص لان ايا كانت الطنابير متقدرش تمنع العربيه كلها من الحركه خصوصا لو العجل رفيع زى العربيات العاديه

لو خلفى نفس الكلام ينطبق على الفرامل قدام لازم تكون قويه جدا علشان العربيه مجرد ما هتفرك على الزيت هتلاقى ظهرها بقا فى قمه السعاده ورايح جاى زى الاهبل يمين وشمال ومش هتعرف تلمها خصوصا بقا لو العجل اللى قدام مش ماسك كويس وهتفرك كتير لغايه ما تروح طبقه الزيت وتبقى على الاسفلت ويبدا يطلع الدخنه

الهدف من الزيت اللى الناس بتستعمله برا هو تقليل الجهد اللى بتحمله المحرك فى بدايه الحركه وهو اصعب جزء لكن لو الموتور برده ضعيف مجرد ما يتمسح الزيت هتسمع شويه صرير وهتلاقى العربيه فيصت والموتور عدد لفاته بتقل تانى