أنا مخنوق ياجماعه لسه الصوت داخل الصالون حتى بعد اللباد

**angel_man100** · 23-08-2009 01:05 PM

انا كنت بشتكى من صوت الموتور داخل الصالون المهم رحت عملت لباد عازل فى صدر العربيه كله والدواسات واللباد عامل زى الموكيت بس تخين والراجل ركبه كويس جدا بس برضه فى صوت جوه الصالون زى الأول مش عارف اعمل ايه قولولى

**aYaBooY** · 23-08-2009 01:18 PM

الله يعينك انت و كل واحد راكب العربية ديه
بص اخر مرحلة ممكن توصلها مع العربية ديه انك تخفف الصوت الي جوا الموتور شوية مش اكتر بس تمنعة او متبقاش سامعة ديه تنساها
اولا صوت الموتور اسبابة و علاجة
الشكمان لو مسدود او مخروم او مشروخ او البارومة اكلتة يبقي حضرتك تعدي على حد بتاع شكمان يشيك
الموتور لو خفيف بيكون صوتة عالي
الموتور لو عاوز ظبط تكيهات بيكون صوتة مزعج جدا
الموتور لو عاوز ظبط كهرباء و كربرايتر بيكون صوتة عالي و اهتزازة عالي و غير منتظم
قواعد الموتور و الفتيس لو محتاجة تغير تعمل اصوات و اهتزازات عالية
لو فيه تنفيس هواء من السيرفو ده بيخلي صوت الموتور هباب و كائنك راكب مكنة حفر مش عربية

**A.Saad** · 23-08-2009 01:19 PM

هل ده صوت الموتور الطبيعى

**original** · 23-08-2009 10:07 PM

إتأكد إن قواعد الموتور كويسة وتكون نوع كويس مش صينى وطبعا ظبط الموتور والشكمان وبعد كده دور على العزل..

**MoMohsen** · 23-08-2009 10:19 PM

انت لازم الاول تعرف الصوت جاى منين يعنى جاى من ناحية الموتور ولا الابواب ولا عند الكنبه الخلفيه لان كل مكان من دول ليه سبب مختلف تماما و ربنا يكرمك و تلغى الصوت خالص