تسريب مياه داخل الصالون - 525 e60

**maskeen** · 06-06-2012 01:35 PM

السلام عليكم ياشباب

عندى مشكله تافهه ولكنها مقرفه من يوم ما اشتريت العربيه بقالى سنه وحاولت محاولتين ومافيش فايده.. المشكله ان لما باغسل العربيه الميه بتتسرب من الى الداخل وتظهر فى القوائم الخلفيه ومره وصلت للقائم الامامى. المالك القديم كان مغير الزجاج الخلفى لكن الكاوتش بتاعه كان مششق وحالته زفت , المهم انا عملت محاولتين كالاتى:
-الاول رحت الحرفيين لعربى السروجى المشهور قاللى ان مواسير صرف السقف مسدوده فالميه بتخش من فتحه السقف وبتتجمع وترد داخل بطانه السقف,وراح اكللى السقف كله ورحت لواحد جنبه سلّك المواسير دى كويس وركبت السقف تانى..وانا كنت متابعه كويس وهو بيسلك المواسير وجربناها بميه خرطوم قويه عند اول الماسوره من عند نهايه السقف..المهم رحت البيت وغسلتها الصبح ونفس المشكله!!
-واحد قاللى ان الميه بتخش من اركان الزجاج الخلفى بسبب رادءة الكاوتش, رحت التوكيل اشتريت الكاوتش الاصلى ب 300 جنيه ورحت ل د جريش الجديد فى مصر الجديده فك الزجاج وركبه بالكاوتش الجديد وسيليكون اصلى وفله اتكلفت 180 جنيه وبرضه الميه بتخش!!!!
انا هاتجنن ومش عارف اعمل ايه؟ حد عنده نصيحه ينوبكم ثواب؟

**ahmedsadek82** · 06-06-2012 02:21 PM

المشاركة الأصلية كتبت بواسطة maskeen

السلام عليكم ياشباب

عندى مشكله تافهه ولكنها مقرفه من يوم ما اشتريت العربيه بقالى سنه وحاولت محاولتين ومافيش فايده.. المشكله ان لما باغسل العربيه الميه بتتسرب من الى الداخل وتظهر فى القوائم الخلفيه ومره وصلت للقائم الامامى. المالك القديم كان مغير الزجاج الخلفى لكن الكاوتش بتاعه كان مششق وحالته زفت , المهم انا عملت محاولتين كالاتى:
-الاول رحت الحرفيين لعربى السروجى المشهور قاللى ان مواسير صرف السقف مسدوده فالميه بتخش من فتحه السقف وبتتجمع وترد داخل بطانه السقف,وراح اكللى السقف كله ورحت لواحد جنبه سلّك المواسير دى كويس وركبت السقف تانى..وانا كنت متابعه كويس وهو بيسلك المواسير وجربناها بميه خرطوم قويه عند اول الماسوره من عند نهايه السقف..المهم رحت البيت وغسلتها الصبح ونفس المشكله!!
-واحد قاللى ان الميه بتخش من اركان الزجاج الخلفى بسبب رادءة الكاوتش, رحت التوكيل اشتريت الكاوتش الاصلى ب 300 جنيه ورحت ل د جريش الجديد فى مصر الجديده فك الزجاج وركبه بالكاوتش الجديد وسيليكون اصلى وفله اتكلفت 180 جنيه وبرضه الميه بتخش!!!!
انا هاتجنن ومش عارف اعمل ايه؟ حد عنده نصيحه ينوبكم ثواب؟

حاول تشوف باقي الكاوتش بتاع حلوق الابواب .

**maskeen** · 06-06-2012 02:26 PM

هو مش كاوتش الابواب لسببين:
-الكاوتش ده كله جيد جدأ وسليم
-مكان نشع المياه اعلى من حواف الباب (حوالى 4-5 سم) وبالتالى الميه مش ممكن تصعد لاعلى

شكرا على مشاركتك ويارب من النقاش ده نقرب للسبب

**farahat** · 06-06-2012 07:01 PM

لو غطيت الكاوتش الداير بتاع فتحت السقف وغسلتها (يعني تحط شريط لصق على الكاوتش الداير بتاع فتحت السقف بحيث مافيش أي مية تعدي من جنب إزاز فتحة السقف ) ، هيحصل نفس الموضوع ؟

**maskeen** · 07-06-2012 12:14 AM

الف شكر فرحات باشا...انت استاذنا والله..هاجرب بكره وابلغكم بالنتيجه ان شاء الله

**sheko_2000eg** · 07-06-2012 03:45 AM

انا كان عندي نفس المشكلة و طلعت ي مواسير فتحت السقف
بس خالي بالك
مواسير فاتحت السقف 2 يمين و شمال
فا لازم تتاكد ان الاتنين اتسلكه و جايز بردو بعد متسلكو كان في وساخة علي الجدران المواسير و رجعت
سدت المواسير تاني --- شوف كده
بس مفيش غير فتحة السقف اللي بتعمل كده

**fahd_628** · 07-06-2012 09:50 AM

بص هو المفروض المصارف دية ليها مواسير بتمشى فيها

ممكن يكون فية ماسورة مش راكبة كويس او فية خرم فى واحدة ( والله اعلم )

**maskeen** · 07-06-2012 05:30 PM

الف شكر للناس المحترمه الفاهمه قوى..

ان شاء الله اليوم هاجرب موضوع تقفيل فتحة السقف باللزق واجرب واشوف...لو طلعت هي يبقى ليكو عندى غدوه حلوه (بس تيجوا مصرالجديده) :)

**maskeen** · 07-06-2012 09:05 PM

طلعت بالفعل فتحة السقف!
قفلتها كويس بالازق وغرقت السقف ميه مافيش نقطه دخلت

السؤال بقى, هل المشكله فى كاوتش الفتحه, ولا فى المجارى اللى تحت السقف؟
انا مش عايز اروح اشتريه من التوكيل واكع 400-500 جنيه تانى ويطلع اللى موجود سليم

**farahat** · 07-06-2012 09:43 PM

الفكرة يا سيدي الفاضل إن الأمفرود لم الفاتحه تكون مقفولة مفيش مياه تدخل ، سواء فيه مصارف أو حتى مفيش خالص ، المصارف معمولة عشان لو فيه حاجة دخلت بالغلط يصرفها ، لكن مش عشان السقف يدخل مية على طول وهي تقعد تصرف :)

يبقى في كل الاحوال حضرتك محتاج تحل مشكلة الكاوتش ، سواء بقى محتاج تسلك المصارف بعد كدة أو لأ دي قصة تانية . وأعتقد انك مش هتحتاج تعمل حاجة زيادة لو صالحة الكاوتش ..
السؤال المهم بقى هل كاوتش فتحت السقف دة عندك بيتغير لوحده .... ؟