الموضوع: تقرير عن الليون 2009

المشاركة الأصلية كتبت بواسطة عبد الرحمن اسامه

١- الاحساس بمتعة القيادة و الثبات.
مش عارف اقول ايه ولا ايه عن العربية، اكتر حاجة تشدك فيها متعة القيادة الاحساس الفظيع بالثبات علي الطريق بالزات بوجود الtcs الهو الtraction control يعني مانع الانزلاق.
مرة كنت ماشي و لاقيت نور الtcs عمال ينور و يطفي ، اكتشفت ان العجل اليمين كان ماشي علي خط ميه او زيت مدلوقين علي الارض و الtcs بيشتغل.


ده غير الabs طبعا.

٢- الاحساس بالامان.
العربية كبيرة و عزلها عن الخارج كويس جدا، تحس بالأمان من غير اي حاجة.
ما بالك لما تعرف ان في ٦ ايرباج ٤ امام ٢ خلف.

٣- الاوبشنز الكتير و دي اجمل حاجة
اول ماتدور العربية يطلعلك جنب عداد السرعة يجي ٦-٧ ايكونز airbag , power, tcs, abs, و مش فاكر ايه تاني. بيتأكد من سلامتهم لو جه معاد الصيانة بيعملك علامة مفك صغير، لو مية المساحات قربت تخلص بيعملك ايكون ليها، كل حاجة بالكمبيوتر بشكل فظيع تحس انه بيفكر في كل حاجة.
العربية بالكامل بتتفتح و تتقل بالريموت لو دست دوسه طويله و انت بتفتح يفتحلك كل الازاز . وانت ماشي سيب العربية مفتوحة و دوس دوسة طويلة بيقفل كل الازاز و فتحة السقف لو مفتوحة و بيتني المرايات لجوه.
كمبوتر رحلات يقولق استهلاك البنزين الحالي و المتوسط، و يقولق باقيلك كام كيلو و البنزين يخلص و يقولق مشيت كام كيلو من اول الرحلة دي و متوسط السرعة و المدة. درجة الحرارة الخارجية ،الساعة.
-مثبت سرعة

- تكيف كليماترونيك مش البكر البنشوفو في عربيات تانية، و كمان bi-zone يعني ممكن انت تظبط درجة الحرارة علي ١٨ لكن الجنبك بردان فيظبطها هو علي ٢٢ كل واحد لوحده.بالنسبة لمقارنتها بسيارات اخري ، اعتقد انها لا تقارن إطلاقا، الا بسيارات الماني مثلها اعتقد انها لا تقل جودة عن الجولف ، الجولف ممكن يكون فيها دقة تقفيل احسن مش معني كده ان الليون تقفيلها وحش اطلاقا تقفيلها تحفة بجد لكن الجولف اكيد هتبقي احسن، لكن الكماليات و الشكل الليون تكسب.

انا بجد برشحها لأي حد عايز يشتري في رنج السعر ده، العربية مش ديقة اطلاقا و شنططها مش صغيرة.

مبروك ياباشا على العربيه ...العربيه دى ممتازه جدا والسيات مش بتعمل حاجه وحشه....بس فى سؤال (العربيه تقبل بنزين 90؟ ياريت الافاده

و تسمحلى اعلق على نقتطين كده...هو بالنسبه للحساسات والتكنولوجيا العاليه دى مش ميزه خصوصا فى بلدنا دى....يعنى هتحتاج لصيانات اول بأول ولو حاجة لاقدر الله باظط ..هتتكلف جامد

اعتقد ان السيتروين ال سى 4 اكثر منها تكنولوجيا (السيتروين مجنونه تكنولوجيا) وممكن نقارنها بالستروين السى 4

اعتقد ان الكرولا والسيفيك افضل (راى شخصى)

ومبروووووك على العربيه ياباشا....

مبروك ياباشا على الليون بجد من اجمل واكتر العربيات اللى بحبهم وياسلام عليها فى الابيض او الاحمر

اعتقد ان الكرولا والسيفيك افضل (راى شخصى)

حرام عليك ياراجل

الليون افضل اوبشن اكتر وشكل افضل
السيفيك افضل فى قوةه الموتور

سواء بقي ياباني

لا طبعا انت نسيت ان اليابانى فيها الكامرى وال ليكزس والانفنيتى


كفايه النيسان الجى تى ار افضل سياره فى العام
ودخلت موسوعه جينيس يارا جل

الاوروبى تكنولوجيا ورفاهيه وابشن اكتر
اليابان اعتماديه اكبر

عربية ممتازة
ربنا يبارك لك فيها
شكراً على التقييم