الموضوع: تقرير عن الليون 2009

زي ما اخويا masterzmind طلب في موضوع "خطاب خاص لمنتدي سيات" اليكم تقرير عن السيات ليون

اولا الليون اخت الجولف و الاودي A3 نفس الموتور و الجيربوكس و الشاسيهات.
صناعة فولكس بأستثناء التأفيل اسباني من شركة سيات.

There is 7 versions: Reference, Style, Sport, FR, Linea R, CUBRA, Ecomotive

انا عربيتي السبورت، جنوت ١٧" عرض ٢٢٥ مل

Engine: 1.6 102 hp / 75 kw
نفس موتور الجولف و الاودي A3 و الباسات المانيوال ال1.6

١- الاحساس بمتعة القيادة و الثبات.
مش عارف اقول ايه ولا ايه عن العربية، اكتر حاجة تشدك فيها متعة القيادة الاحساس الفظيع بالثبات علي الطريق بالزات بوجود الTCS الهو الTraction Control يعني مانع الانزلاق.
مرة كنت ماشي و لاقيت نور الTCS عمال ينور و يطفي ، اكتشفت ان العجل اليمين كان ماشي علي خط ميه او زيت مدلوقين علي الارض و الTCS بيشتغل.

ده شرح للتراكشيون كنترول
YouTube - Antilock Braking System ABS / Traction Control System TCS

ده غير الABS طبعا.

٢- الاحساس بالامان.
العربية كبيرة و عزلها عن الخارج كويس جدا، تحس بالأمان من غير اي حاجة.
ما بالك لما تعرف ان في ٦ ايرباج ٤ امام ٢ خلف.

٣- الاوبشنز الكتير و دي اجمل حاجة
اول ماتدور العربية يطلعلك جنب عداد السرعة يجي ٦-٧ ايكونز airbag , power, TCS, ABS, و مش فاكر ايه تاني. بيتأكد من سلامتهم لو جه معاد الصيانة بيعملك علامة مفك صغير، لو مية المساحات قربت تخلص بيعملك ايكون ليها، كل حاجة بالكمبيوتر بشكل فظيع تحس انه بيفكر في كل حاجة.
العربية بالكامل بتتفتح و تتقل بالريموت لو دست دوسه طويله و انت بتفتح يفتحلك كل الازاز . وانت ماشي سيب العربية مفتوحة و دوس دوسة طويلة بيقفل كل الازاز و فتحة السقف لو مفتوحة و بيتني المرايات لجوه.
كمبوتر رحلات يقولق استهلاك البنزين الحالي و المتوسط، و يقولق باقيلك كام كيلو و البنزين يخلص و يقولق مشيت كام كيلو من اول الرحلة دي و متوسط السرعة و المدة. درجة الحرارة الخارجية ،الساعة.
-مثبت سرعة
- تكيف كليماترونيك مش البكر البنشوفو في عربيات تانية، و كمان bi-zone يعني ممكن انت تظبط درجة الحرارة علي ١٨ لكن الجنبك بردان فيظبطها هو علي ٢٢ كل واحد لوحده.

٤- الشكل الجميل جدا خارجيا و داخليا، و اليكم بعض الصور

٢٠٠٩






2010 مختلفة فقط في الفوانيس الخلفية


و الدريكسيون المربع


بالنسبة لمقارنتها بسيارات اخري ، اعتقد انها لا تقارن إطلاقا، الا بسيارات الماني مثلها اعتقد انها لا تقل جودة عن الجولف ، الجولف ممكن يكون فيها دقة تقفيل احسن مش معني كده ان الليون تقفيلها وحش اطلاقا تقفيلها تحفة بجد لكن الجولف اكيد هتبقي احسن، لكن الكماليات و الشكل الليون تكسب.

انا بجد برشحها لأي حد عايز يشتري في رنج السعر ده، العربية مش ديقة اطلاقا و شنططها مش صغيرة.