ارجو سرعه الرد

**AhmadRamadan** · 24-08-2009 08:57 PM

شباب انا كمان ناوي ان شاء الله عليها بس كنت عاوز اعرف هيا حاليا تعمل كام ؟
و رمضان كريم علينا جميعا

**khaloud** · 25-08-2009 12:42 AM

ازيك يا احمد انا متهيالى المكوه بتتراوح سعرها من 55 الى 63 حسب حالتها والله اعلم بس اقل من 55 اكيد هتبقى ضايعه ولو اكتر من 63 هتبقى غاليه اوى واكيد نضيفه اوى بس يا ريت تقولى رايك ايه فى مكنتها وكده يعنى لو انته جربتها ولا ليه عايز تشتتريها يمكن تفيدنا بالزياده ورمضان كريم

**AhmadRamadan** · 25-08-2009 04:08 AM

انا الفكره كلها اني معجب بييها و اسمع ان هيا عربيه محترمه و افضل امكانيات في الانسر فا عشان كدا و شبابي و حلوه

**khaloud** · 25-08-2009 04:18 AM

اوك ماشى يعنى احنا الاتنين عايزين نعرف معلومات عنها واهل الخبره الى مجربنها بيبخالو علينا ومش راضين يرضو علينا العموم متشكرين يا جماعه وبرضه رمضان كريم

**Ahmed Samy** · 25-08-2009 06:21 AM

استنو بس
ماتزعلوش

بص يا سيدي

ال1600 منها غالبا منها بيكون مسقط موتور (مش عيب يعني) بس م خليجي لأن كان في حظر استيراد من غير بلد المنشأ أيامها فما كانش في غير عربيات الوكيل و كان ال1600 تعرفته كبيرة زي ما انتو عارفين فكل المكاوي في مصري 1300 الا اللي جايبها معاه من بره أو مسقط

السعر دلوقتي بقى مش ثابت لأنه بيفرق جدا جدا جدا حسب الحالة

يعني ممكن تلاقي منها ب 56 الف و ممكن تلاقي ناس بتطلب 69 الف

في عربيات متهانة و متبهدلة

بس عموما خليك في موديل 2002 و 2003

صعب تلاقي كيلوات قليلة اقل من 50 60 الف بس هاتلاقي منها فابريكة لأن في ناس كتير بيقتنوها كاستثمار

أمثلة للإفادة :

عربيتي 2002 ماشية 135 الف فابريكة بالكامل و صالون 100% بس مغيرلها رفرف بعتها بـ63 الف لطبيب معرفة و عارف العربية كويس اتوتوماتيك كاملة

وواحدة تانية 2003 جامبو اللي هي بفتحة سقف و فابريكة بالكامل ولا قلم بوية حتى اتباعت بـ 61 وكان طالب فيها 70 الف بس باعها لمعرض علشان كان محتاج فلوس و العربية كان صالونها متبهدل شوية (المعرض باعها بأكتر من 65 الف بعدها بس اللي اشتراها مرضيش يقول بكام بالظبط)

بس الكلام ده من 3-4 شهور يعنى الأيام دي انت بتتكلم في أواخر الخمسينيات لحاااد 65 الف مش أكتر

الا الحالات الشاة

**khaloud** · 25-08-2009 04:53 PM

يا با شا شكرا جدا على الافاده الجميله دى بس اترازل عليك بقى فى اخر سوال لما كانت معاك كنا سحبها وشدها عامل ازاى لما مثلا كنت بتركب حد اوى مشغل التكيف انا اسف على الازعاج بس انا بحب اتاكد وشكرا

**Ahmed Samy** · 25-08-2009 06:35 PM

ولا يهمك انت بتقول ايه بس

بص يا سيدي

التكييف و التحميل ما بيأثرش على الموتور

يعني مافيش نظام تكركر في مطلع علشان التكييف و لا انها تحمل جامد فتبقى وزة و بطة و الكلام ده

الموتور عزمة ممتاز الحقيقة و كنت باحمل و بالتكييف و بتكلع مطالع معقولة عادي

بس التسارع بيقل و العربية ما يتجيبش سرعات عالية فوق 150 لو محملة جامد

باختصار علشان الخصلك الموضوع

عربية عيلة و شاب كمان و استخدام شاق جدا و جري و ثبات ( أهلا وسهلا )

شد و سباق و نتش مواتير (تسارع رياضي بشكل أساسي)....خليك فـ 1600

**khaloud** · 26-08-2009 04:50 PM

انا بشكرك يا باشا بجد على المعلومات دى والله انتى فهمتنى كده بجد والف شكر ورمضان كريم

**Ahmed Samy** · 26-08-2009 04:58 PM

المشاركة الأصلية كتبت بواسطة khaloud

انا بشكرك يا باشا بجد على المعلومات دى والله انتى فهمتنى كده بجد والف شكر ورمضان كريم

العفو تحت أمرك دايما

وربنا يتقبل صيامنا

**mando_07** · 08-09-2009 03:49 PM

المشاركة الأصلية كتبت بواسطة Ahmed Samy

استنو بس
ماتزعلوش

بص يا سيدي

ال1600 منها غالبا منها بيكون مسقط موتور (مش عيب يعني) بس م خليجي لأن كان في حظر استيراد من غير بلد المنشأ أيامها فما كانش في غير عربيات الوكيل و كان ال1600 تعرفته كبيرة زي ما انتو عارفين فكل المكاوي في مصري 1300 الا اللي جايبها معاه من بره أو مسقط

السعر دلوقتي بقى مش ثابت لأنه بيفرق جدا جدا جدا حسب الحالة

يعني ممكن تلاقي منها ب 56 الف و ممكن تلاقي ناس بتطلب 69 الف

في عربيات متهانة و متبهدلة

بس عموما خليك في موديل 2002 و 2003

صعب تلاقي كيلوات قليلة اقل من 50 60 الف بس هاتلاقي منها فابريكة لأن في ناس كتير بيقتنوها كاستثمار

أمثلة للإفادة :

عربيتي 2002 ماشية 135 الف فابريكة بالكامل و صالون 100% بس مغيرلها رفرف بعتها بـ63 الف لطبيب معرفة و عارف العربية كويس اتوتوماتيك كاملة

وواحدة تانية 2003 جامبو اللي هي بفتحة سقف و فابريكة بالكامل ولا قلم بوية حتى اتباعت بـ 61 وكان طالب فيها 70 الف بس باعها لمعرض علشان كان محتاج فلوس و العربية كان صالونها متبهدل شوية (المعرض باعها بأكتر من 65 الف بعدها بس اللي اشتراها مرضيش يقول بكام بالظبط)

بس الكلام ده من 3-4 شهور يعنى الأيام دي انت بتتكلم في أواخر الخمسينيات لحاااد 65 الف مش أكتر

الا الحالات الشاة

معلش يا باشا أنا عارف أنه موضوع قديم بس أنا كنت عايز اسئل سؤال صغير

اشمعنى أخليني في ال 2002\2003 هو ال 2001 كان فيها عب معين ؟ وأنا أسمع أن سحبها أحسن من سحب البومة ال1300 الكلام ده صح ؟ ومعلش لو فيها رخامة عايز أخد رأيك في حاجة لانسر 2002 f\o بحالة كويسة بحوالي 58-60 أحسن ولا أزود شوية وأجيب فيرنا ذيرو
وشكراً مقدماً وكل سنة وأنت طيب يا باشا

الموضوع: ارجو سرعه الرد

LinkBack

أدوات الموضوع

عرض

-

-

-

-

المواضيع المتشابهه

ارجو سرعه الرد من فضلكم

ارجو سرعه الرد وشكرا

ارجو سرعه الرد وشكرا

مشكله فى ردياتير النوبيرا ارجو سرعه الرد

الي الخبراء (ارجو سرعه الرد)

الكلمات الدلالية لهذا الموضوع

المفضلات

المفضلات

ضوابط المشاركة