اقتباس المشاركة الأصلية كتبت بواسطة hamadamdph مشاهدة المشاركة
بالراحة يا جماعة انا مكنتش اقصد والله
بس فعلا زي ما قلت حضرتك لما رحت توكيل غبور في صلاح سالم كنت نزلت فيديو الاكسنت من على النت وكانت رائعة في نظري و كنت فعلا حتهبل عليها

لما رحت غبور ببص على العربية شهقت
العربية قرعة قرعة قرعة ما فيهاش غير الموتور اللي فعلا ارفع له القبعة احتراما انما غير كده مفيش

لدرجة اني قلت لمندوب المبيعات : امال فين المرابات الكهربا قال مفيش
فين ال ABS اللي انا شفته قال مفيش
فين المساند قال مفيش
فين الايرباج قال مفيش , طب حتى ايرباج للسواق وخلي اللي جنبه يموت مفيش مشكلة كل ده مفيش


عارف احساسي كان ايه
عارف لما تقابل واحد ببدلة وكرافته ونظارة شمس وتحس انه بيه او باشا
وثاني يوم تلاقيه لابس فانلة ولامؤاخذه شورت وماشي في الشارع حتقول حاجه واحدة
مين العبيط اللي ماشي ده حتحس انه اختل عقليا

انا فعلا مش بشتم في الاكسنت بالعكس انا بقول اني بحبها ولسه ببص على اي نيو اكسنت في الشارع
لكن احساسي زي احساسي لما بشوف خطيبتي الاولانية

انا جايز اكون لسه بحبك بس مكانش فيه نصيب عشان للاسف مش انتي اللي كنتي حتريحيني
وربنا يبارك لي في اللوجان بس لما استلمها
الف مبروك يا باشا وان شاء الله تستلم على خير ومفيش زعل ولا حاجة هى بس المقارنة
كانت حامية شوية وانا عن نفسى استفدت منها جدا وزاد اقتناعى باللوجان بعد ما دخلت فى مقارنة
مع عربية ليها اسمها زى النيو اكسينت لان خالتنى بحثت فى مواضيع يامة
بالنسبة للاستاذ ashouhdy متقلقش هو مش زعلان من حاجة الراجل كان بيشرح وجه نظره
وهو كان بيدافع عن عربية ممتازة ودة مش رايه لوحده دة راى ناس كتير ومنهم انا زى ما قلت
فى اول مشاركة ليا فى الموضوع بس احنا بنوضح عيوب ومميزات كل عربية وده للصالح العام
وبعدين دة اسكندرانى زى وحتلاقيه داخل دلوقتى بيباركلك على السيارة ومتنساش لما تستلم تعملنا تقييم وملاحظاتك على العربية
وكل سنة وانتم طيبين ورمضان كريم واتمنى ان ما يكونش فيه حد زعلان منى